محمد حيدر المشرف

Quote: الأخ محمد الصايم أنا من القراء المواظبين لسودانيز اونلاين بل قول سودانيز اونلاين موقعي المفضل في النت بديه الكثير من وقتي يوميا لكني مزعجة شوية وما مكتفية بالقراءة فقط بل كلما اقرا بوست يغيظني فيهو شي شديييد بروح نابشة ليك بروفايلات المشاركين في البوست فلو لقيت واحد خاتي ايميلو خلاص الله قال بي قولو ياني الرسلت ليه والليلة الدور عليك :) اظنك الوحيد الكاتب ايميلك في البوست البكتب ليك عنه بوست الاخ أساسي عن محمد المشرف والله بامانة اتبسطت بسطة شديدة بموقف أساسي الضعيف فيهو :) لانه أساسي ما عندو اي موضوع ولا مبرر لفتح البوست اصلا زايد انه بداها من الأول بالاساءة للمشرف ودة البيكره في البوست بغض النظر عن الانتماءات والآراء السياسية الممكن نتفق او نختلف معاها لكن المشرف زول محترم واكد على كدة زيادة في البوست دة كلمة ل أساسي :- ززز للحقيقة مرات بيكون عندك مواقف كويسة وناصعة لكن في البوست دة تحديدا موقفك ضعيف اخد كلام اللي قال ليك (انت مهووس بالبورد حد البيضنة) اخد كلامو بعين الاعتبار فعلا يبدو انك كان ليك مكانة معينة لانك احد الاعضاء القدامى لكن القصة دي خلاص ما عندها قيمة ما تتكل عليها احساسك بيكون زي احساس الزول السينير في الجامعة ويجوا البرالمة ويقشر عليهم حينا من الزمن لكن بمرور السنوات نجمو بيأفل وبيكتشف انه زول عاااادي ساي بل البرالمة ديل فيهم من تفوق عليه برضو احتمال انه جزء من النفخة سببو علاقتك بملاسي وتأييده ليك في غالب ما تكتب سواء بوست رئيس او مداخلة لكن ملاسي -ما دام جات سيرته- زول ذكي وبيلعب صاح وكتاباته محببة الى النفس ما تقاوح يا أساسي واعتذر للاخ المشرف او توقف عن كتابة المداخلات المطوّلة ... ما بتتقري ياخ والمسألة بقت واضحة ما يحتاج نقرا الكلام الكتير دة ارجو ان تتقبل كلامي بصدر رحب والعفو والعافية كلمة للاخ بكري ابوبكر سهّل التسجيل في الموقع شوية او حتى اعمل لينا ايقونات لايك ساكت :) زززززززززززز او أي طريقة يشاركوا/يعلقوا بيها القراء في المواضيع المطروحة ممكن يكون بوست مثبت على طول او او ما اظنك تعدم طريقة ما القراء البيكونوا عندهم رغبة يعبروا عن آرائهم زيي كدة بيكونوا كثيرين في ناس ما بيكون عندهم زمن لعضوية دائمة لكن ممكن يكونوا محتاجين راي رايين بعد كل فترة نسيت اقول ليك انه حسبو نجم البوست بلا منازع عليك الله كان ما اقريته مني السلام :)))))) ندى ـ أم درمان ـ المملكة العربية السعودية