|
Re: ماذا يميزكم? سوي ان الانقاذ افضل منكم (Re: اساسي)
|
بداية التسعينات:- البطاقة التموينية , كل أسرة عندها عيشة في الفطور وعيشة في الغدا وتالتة في العشا ولو جاكم ضيف يجيكم بي عيشتو .
الفقرا إتقسموا النبقة؟ النبقة القعدت تبكي ؟ قالتلهم كيفن انا ما بحوق في السن ما تقولوا لي معليش كيفن أكفي الديش ما ياني حتة نبقة ماني فدان عيش ؟؟؟؟؟؟؟
عيشتي فيها مية سوسة بس . يمة عيشتو انضف من عيشتي . ياد اكل اتسمم سوسة في بطنك . يا ولية حرام عليك ما كفاية السوس البياكلوا فيهو ليهم شهر ؟ يابا السوس شنو ؟؟ يا ولدي السوس زول بنخر في عضمك بالجوع ولدو بياكل تلاتة وجبات بي عيش فينو مستورد وأبوهو مابجوع وبتعب في الجري في شوارع الخرطوم في شان حق لبن ولدو الشافع ولا دوا يتو العيانة والساكناها الملاريا تقول سجلوهاليها في شهادة ميلادا .
صيدلية المواطن علبان الشعبية:-
داير شاش ؟ شاش جروح ولا رتينة ؟ ولا كهربتكم شغالة ؟ يا مواطن غلبان رتينتنا في الصيدلية مفكرين نشتري بدلا جننيتر لانها بتصرف نفس كمية الجاز من كتر ما بنشغلا .
حوادث امدرمان :-
وده مالو ؟ جاتهم في البيت طلقة طايشة أصلهم ساكنين جمب كبسولة الشرطة الشعبية بختو الجات في كراعو جارنا جاتو في ضهرو (سيافي) لأنو كان نايم بالليل الله يرحمو ,بس ما قلت لي ننوم واقفين ؟
تعرفي انتي أجمل كتير من بنات الخواجات ديلك . جد ؟ هناك كل شي بارد ومافي نيل زي ده نقعد قدامو . راجع متين ؟ ناوي أستقر هنا . سجمي تستقر وين ؟ في السودان , تعبت من الغربة وتكمل بيتنا ونكمل العرس وتكوني أحلى ملكة في مملكتها . بس السودان بقى صعب والظروف ما زي زمان وبي قرشك ما تقدر تعيش . بس انتي عشمي التعبت وسهرت وهاجرت عشانو ما بخليك وراي , سوى نقدر نعمل أي شي دايرنو . بتعرفا من وين؟ سعادتك ... سجمي ديل ناس النظام العام !!! يا جماعة دي خطيبتي وعقدنا في نهاية الشهر ده . خطيبتك ولا ... انا ما بسمح ليك . انت شنو ؟ ارفعوهم بس لكن يا جنابو .. جنا ......
تعرف يا جوك , الليلة عرس فلانة نمشي بس الحفلة بي منو ؟ كاجر هباشي أبوهم مش كوز ؟ ونحنا مالنا نحنا علينا بالهجيج والطرب والجكس و ... دفار الإلزامية أجروا قبل ما تحضروا الحفلة في فتاشة .
عمرك كم ؟ اتنين واربعين انت بتلعب علينا انت عمرك ما نط التلاتين , الاوراق قدامك سعادتك . داير بالجواز شنو ؟ ماشي سوريا العمرة . انت مستهبل ؟ سوريا فيها عمرة ؟ من هناك أسهل وأرخص ,أخوي قال لي كدة أخوك شغال شنو ؟ بغسل صحون . والعرفو بالعمرة شنو ؟ عمرو كم أخوك ؟ تلاتين . يعني أصغر منك وداير تصدق كلامو وتمشي تتبهدل ؟ لا انا الأصغر . انت مش عمرك اتنين وأربعين ؟ الورق قدامك بقول شنو سعادتك , أمضي ليهو خليهو يمشي . حاضر سعادتك .
أبنوسي
|
|
|
|
|
|
|
العنوان |
الكاتب |
Date |
ماذا يميزكم? سوي ان الانقاذ افضل منكم | اساسي | 08-30-03, 11:19 AM |
Re: ماذا يميزكم? سوي ان الانقاذ افضل منكم | Ahmed Khalil | 08-30-03, 04:45 PM |
Re: ماذا يميزكم? سوي ان الانقاذ افضل منكم | HOPELESS | 08-30-03, 05:05 PM |
Re: ماذا يميزكم? سوي ان الانقاذ افضل منكم | اساسي | 08-31-03, 09:15 AM |
Re: ماذا يميزكم? سوي ان الانقاذ افضل منكم | الجعلي | 08-30-03, 04:59 PM |
Re: ماذا يميزكم? سوي ان الانقاذ افضل منكم | اساسي | 08-31-03, 09:27 AM |
Re: ماذا يميزكم? سوي ان الانقاذ افضل منكم | سحلوب | 08-31-03, 01:21 AM |
Re: ماذا يميزكم? سوي ان الانقاذ افضل منكم | خالد | 08-31-03, 02:06 AM |
Re: ماذا يميزكم? سوي ان الانقاذ افضل منكم | HOPELESS | 08-31-03, 04:18 AM |
Re: ماذا يميزكم? سوي ان الانقاذ افضل منكم | tabaldy | 08-31-03, 05:40 AM |
Re: ماذا يميزكم? سوي ان الانقاذ افضل منكم | manubia | 08-31-03, 09:57 AM |
Re: ماذا يميزكم? سوي ان الانقاذ افضل منكم | المسافر | 08-31-03, 12:35 PM |
Re: ماذا يميزكم? سوي ان الانقاذ افضل منكم | hala guta | 08-31-03, 03:03 PM |
Re: ماذا يميزكم? سوي ان الانقاذ افضل منكم | hala guta | 08-31-03, 03:11 PM |
Re: ماذا يميزكم? سوي ان الانقاذ افضل منكم | bitalneel | 09-02-03, 02:18 PM |
Re: ماذا يميزكم? سوي ان الانقاذ افضل منكم | حمزاوي | 08-31-03, 03:21 PM |
Re: ماذا يميزكم? سوي ان الانقاذ افضل منكم | lana mahdi | 08-31-03, 06:31 PM |
Re: ماذا يميزكم? سوي ان الانقاذ افضل منكم | hamid hajer | 09-01-03, 10:05 AM |
Re: ماذا يميزكم? سوي ان الانقاذ افضل منكم | Kobista | 09-02-03, 12:47 PM |
|
|
|