يا شعب ما أعظم نضالك ما بين زنازين الصعاليك والدقون معجون فلزك يا نضيف فرسة رجالك ما بين معادن في نضال كل الشعوب
يا شعب ورِّي الكون جمالك وافتح كتاب سر الوجود وريه ظنك واحتمالك كل الثوابت بتَّقت كل الفرح راحل قبالك
يا قلوب تسع كل الخلائق طيبتا يا وجوه بشاشات الكرم يوم لمّتا يا كوز بيجهل يوم تَعُك الحارة سطوة هبَّتا والحارة يا هم هم أسودا هتافنا أبعد من مدى الدولة العميقة جائين رفاق ورفيقة جاية ورا رفيقة كنداكة هبت من بلاط سطوة جدودا كنداكة ما الكوزة البليدة وبلدنا معروفات حدودا قول للمفرَّط في حقوق كل البلد إيانا حراسا وأسودا شباباَ واجه الرصاص وما اتراجع بتاتا جمراتك الولعتها يا كوز خلاص الليلة ماتن شفنا الفسالة الجارية قدام البسالة ورتنا بري كيف قلع كاكيه كوز في الخوف بحاكي جري الغزالة وأسودنا خلفك يا مخالف للكتاب بكتائب الخوف المقنعة بالخمار هذي البلد يا زول مِخرِّب جيتا وريتا الدمار يا قباح الخلقة والفعل القبيح بي جيها طارد يا كلب بي جيها بتعاند حمار لا بتشبهونا ولا هي أفكاركم تشوِّق للفكر تلاتين سنة ما زلنا في الجو العكر تلاتين سنة حاكمنا مقطوع ال… حاكمنا كذاباً أشر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علي تولي
فيس بوك
تويتر
انستقرام
يوتيوب
بنتيريست