|
|
 Re: منْ يقصي منْ أيها الشيوعيون؟! بقلم الطيب م (Re: الطيب مصطفى)
|
ثورة تسقط بس شيوعية.الشباب الثائر شيوعي. المندسون شيوعيون.. الأزمة الاقتصادية شيوعية.الأزمة المالية شيوعية. ماذا عن قتل المتظاهرين قتلتهم الشيوعية اكيد.شباب الحراك كلهم شيوعيون. عبد الواحد شيوعي.مني مناوي وجبريل وخليل ابرهيم ودي عاوزة كلام كلهم شيوعيون. مبادرة جامعة الخرطوم لتبادل السلطة بطريقة سلمية دي مبادرة شيوعية مية المية.مذيعي القناة الفرنسية كلهم شيوعيون. . نقابة المهنين ودي دايرة كلام طبعاً شيوعية. نقابة المهندسين والأطباء والمعلمين الذين إنحازوا إلي الثورة ديل أشوع شيوعيون. المغتربين الذين جمعوا المال مساعدة لمواطنيهم في الداخل شيوعيون. الحرائر اللائي يضربن يومياً في الشوارع شيوعيات. حميدتي بعد أن اختلف مع باقي اللصوص شيوعي وزوجته شيوعية مية المية.عمر البشير كان شيوعي مزروع عند البعثين ثم تم مؤخراً زرعه داخل الكيزان.
حظكم يا شيوعية في تنظيم هنا بخاف منكم موت. فوبيا زي ما قال كتاب الفوبيا ؟؟؟ راجل كبير ما يختشي يصرخ واااي شيوعياااه بعد أن نفشوا رأسنا بأن الحزب ده أوهن من أن يقلب تربيزة كتشينة. الليلة بقدرة قادر يعمل كل هذا الزخم؟؟؟؟ سبحان الله الذي يحي الشيوعية وهي رميم.
لاحظوا يا سادة يا مواطنين أي زول بحب بلده وعاوز يزيحنا من السلطة النحن ما بنقدر نعيش بدونها دي ح نقول إنه شيوعي عشان الناس تخاف و ما تسقط النظام. ذكي إنت يا ود خير السيد ذكي ذكاوة شديدة.نابغة الذبياني إنت
|
|
 
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
فيس بوك
تويتر
انستقرام
يوتيوب
بنتيريست