|
|
 Re: هل وعت الانقاذ الدرس؟! بقلم الطيب مصطفى (Re: الطيب النص)
|
يا جماعة بي راحه عليهو الزول ده
الزول ده مطرطش ساكت
كدي خلوني الأوريكم طرطشة المطرطش ده
غايتو يالطيب
سبحان الله باهت، وكلامك باهت وصورتك زاتها باهته، وزاد الطين بله هي صفراء وسودانيز (ابصلهة) احاطها ليك بالصفار لمن بقيت ما بتتشا، يا اقول ليك (انت طبال مش كه بس، يا خي انت والسكران بتاع الانتباهه داك اللتنين وريتونا حكمة الله النزل القرأن في القرن السابع، وما نزله في زمنا ده، صدقني كان كان نزل هسع كان حنلقى فيه سورة اسمها سورة المنافقين وكانت حتكون اطول سورة على الإطلاق.
يا خي كدي شوف محنك دي كيفنها:
انت هنا كنت واضح
| Quote: لم يكن انفجار الغضب الشعبي الذي انتظم عدداً من المدن والولايات بفعل فاعل إنما كان تلقائياً وطبيعياً، فمن بربكم يملك زمام مشاعره في ظل ذلك الحال المثير للغيظ والذي جثم على صدور الناس وأحال حياتهم إلى كابوس من المعاناة الدائمة؟ |
وجيت تاني قلت:| Quote: أكاد أجزم أن الذين خرجوا إلى الشارع يشكلون أغلبية أو أعداداً كبيرة من المواطنين ولكني أزعم كذلك وبدون أدنى تردد أن ما حدث من انفجار لبركان الغضب الشعبي يعتبر الأكبر منذ أن قامت الإنقاذ سيما وأنه الأول الذي يخرج إلى الولايات بل الذي تسبق فيه الولايات الخرطوم التي ظلت مركز الاضطراب والفعل السياسي منذ الاستقلال. |
وهني ما قصرت خوفك على ضياع السلطة والثروة خلاك تكون لهم من الناصحين:
| Quote: إن أكثر ما ينبغي أن يجعل الحكومة تدق ناقوس الخطر وتتعامل بصورة مختلفة ما حدث في القضارف من حرائق وتخريب وسلب ونهب يحمل في طيّاته نذر مرعبة تكشف أن السودان ليس هو ذات السودان القديم بعد أن تغيرت طباع وسلوك كثير من مواطنيه وتسلّلت العنصرية والإثنية بشكل مخيف بين مكوناته القبلية الأمر الذي يشي بأن السودان يتقلب في برميل من البارود لا يمنعه من أن ينفجر سوى أن ينفجر . |
هني بقي كنت واضح واقريت بالنهاية المحزنة على طريقة (انتهي الدرس يا غبي)
Quote: نعم ، لقد انتهى الدرس أيها الإنقاذيون وما عاد الصبر كابحاً لجماح الغضب الذي اشتعل في نفوس من خرجوا في مناطق مختلفة من البلاد ليعبروا عن رفضهم للحال التي رزحوا في هجيرها الشهور الطوال وهم يتقلبون بين انعدام رغيف الخبز وبين ندرة الوقود والسيولة التي كانت بمثابة الطامة الكبرى التي لم يشهد الناس مثيلاً لها منذ الاستقلال وأجزم أنها كانت أكبر مهيجات الغضب لدى الشعب.
|
هنا بقي بقيت تجلط( قال شعاراتهم الزائفة) لا بالله !! امال انتو شعاراتكم يقولو عليها شنو؟ نسيت غشيتو الناس بي هي لله ، هي لله : بعدين ياخي انت تلتين سنة ماقادر تفهم السياسة، ما شيء طبيعي انو المعارضة، في اي مكان بتكون منتظرة منك جلطة بس عشان تجلطك صاح، ده عرف في الدول الديمقراطية وانها بتنتهز الفرص، بس شعارات زائفة دي انت مش البي تحددها يحددوها المتظاهرون، او اصحاب الوجعة
بعدين جبت ضقلها يجر بكلامك ده:
| Quote: صحيح أن انتهازيي الأحزاب المعارضة لم يفوتوا الفرصة وسرعان ما امتطوا ذلك الغضب الشعبي عله يحقق لهم ما أعجزهم فملؤوا أشرعة ذلك الغضب بشعاراتهم الزائفة مستغلين الوسائط والأسافير التي أحسنوا استغلالها بينما عجز أهل الإنقاذ عن مجاراتهم مما كشف مدى الضعف الذي يعاني منه الحزب الحاكم. |
| Quote: أخبار الأمس حول القبض على خلية للتمردين من أتباع عبدالواحد محمد نور والذين قبض عليهم وعلى الأسلحة التي بحوزتنم ثم ما سبقها من اعتقال خلايا أخرى من أتباع نفس المتمرد الشيوعي عبدالواحد منذ أيام الطلب في جامعة الخرطوم يكشف أمراً مخيفاً عن وجود سلاح كثيف ومتمردين كثر يعيشون بيننا وداخل العاصمة ويحيطون بها إحاطة السوار بالمعصم في انتظار لحظة الصفر للانقضاض عليها في إطار مخطط كبير لا ندري كثيراً عنه. |
هسع شوف كلامك ده بتلايق مع بعضو، يا خي ده ويكت القضارف (زمان) كلها ما تلايقو.....
بعدين يا الطيب خليني اسألك سؤال ياخ:
- انت يا الطيب مصطفى في عضمك ده بتؤمن بالله؟ ولا دي شكليات ساكة نظام دنيا وكده؟
خليني من ناسك ديل كلهم (انا عارف انو لا البشير ولا الحركة الاسلامية بيؤمنوا بي الله، هم طبعا ملحدون في لباس متدينين)
انا بفتكر انك انت اكبر ملحد في السودان (سيبك من عبدالواحد) فأذا كان عبدالواحد واضح وصريح ومعلنها قولا، فأنت معلنها فعلا لا قولا، عليك الله ما بتستحي كمان تنشر في الكذب، يا خي لو كنت مؤمن صحيح فاعلم انو اي حرف خطع قلمك وكتبته يداك مسؤول منو يوم القيامة (لو كنت من المؤمنين) ..
الحقيقة الناس بعد الشافتو عرفتو عنكم بقت زاتها متأكدة انكم البتسووا فيه دا ما وراه قيامة دي لعبة بتلعبوها علينا،
وبس (تسقط انت والحكومة وكل دقن تبس)
ابو كرتونة
|
|
 
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
فيس بوك
تويتر
انستقرام
يوتيوب
بنتيريست