|
|
 Re: مبروك المنتخب الموريتاني ، ونحن خمسة مارك (Re: كنان محمد الحسين)
|
كنان
يازول خت الكورة ووواطه وما تحرق رزك
كرة القدم كرياضة لم تعد تعتمد علي الموهبة الفطرية إنماعلي العلم والتدريب والتكنيك والتغذية وهلم... يعني زول ضبلان ما بينفع ولو كان موهوب واغلب لعيبتنا زي ما قال أبو الخنافس علي حد تعبيرك فاقد تربوي يعني يا دوب يفك الحرف عشان كده لمن تجيب مدرب أجنبي ومترجم للمدرب ومترجم لمترجم المدرب المعلومة بتصل للاعب ممسوخة ولمن يفهم مقاصدها بتكون البطولة شارفت علي الإنتهاء. والحال كذلك فإن اللاعب من هؤلاء تكون الشهرة وبالاً عليه وما بقدر يستحملها وحتي مشيتو في الأرض دي يغيرها.
إجمالاً أي زول إبن بيئته يؤثر فيها ويتأثر بيها فالناس الآن في سباق ومدافرة معافرة في صفوف العيش والبنزين والمواصلات والصرافات تصنقر من الصباح يا الصف قطع فيك يا إتقطع قبل ما تصل أها والحال كذلك هسي دايرني أعرف ليك فريقي شايت وين ولا لابس شنو كيف.
أنا في عمق الأزمات التي نعيشها بعتبر الموضوع دا من وجهة نظري ترف فكري.
|
|
  
|
|
|
|
almulaomar
فيس بوك
تويتر
انستقرام
يوتيوب
بنتيريست