|
|
 Re: أفيقوا يا قوم بقلم كمال الهِدي (Re: كمال الهدي)
|
والله يا استاذ كمال بالغت في واتارا انت عارف ان الدفاع منظومة وان خطأ واحد منهم بجهجه الشغلة كلها .. واتارا متاثر بتواضع البقية ومش هو المشكلة. اذا الارتكاز فاضي وبقية المدافعين مستواهم عادي لاعب يثقدر يعمل شنو؟ مسي احسن لاعب في العالم ولا التاريخ زاتو شفت مشلكته كيف لمن يلعب منتخب بلاده .. لان البقية مافي المستوى المطلوب والا لكانو فازوا بكاس العالم.
الدفاع اصلا كابو مولف والسمؤال داير وكت عشان يقدر يوازن بين الهجوم والدفاع والاتنين ديل عندهم اتقان في التمرير احسن بكتير من البقية. المشكلة في قلب الدفاع لا الدمازين ما نافع خالص زي امير كمال متهور ومندفع ودي خانة دايرة لاعب هاديء يلعب براسه قبل رجله وحسين الجريف برضه ضعيف وداير وكت. السؤال هنا ليه استغنوا عن محمود امبده وكلنا شفناه مع فريقه ضد الهلال والمدافع التاني المظلوم هو الفادني بتاع منتخب الشباب. على العموم الهلال محتاج لخط دفاع كامل عشان يختاروا الافضل ويلعبوا مع واتارا.
ما تظلموا وتارا واوكرا وكلنا شفناهم في مباراتي النجم الساحلي .... اوكرا سريع جدا في التصرف باصات في لمح البصر وسرعة ومهارة في الشوت القاتل بس ما ثابت ليه فيه التشكيل فهو مظلوم زي ناس الثعلب.في مباراة الاهلي عكسة اوتارا بوظها شيبوب واوكرا كان متاهب يطلق صاروح مافي زول كان حيشوفها الا في الشبكة.
الهلال مشكلته بالاضافة للدفاع في كثرة لاعبي الوسط وعدم ثبات في تشكيل خط الوسط .. وايضا الارتكاز مشكلة كبيرة مافي لاعب ثابت مع ابوعاقلة ومرات كتيرة تلقى ابوعاقلة لاعب براه ... شوف دفاع المريخ الرواكيب بقوا كيف لمن خط الوسط بقى ثابت. ثبات التنشكيلة مهمة جدا وده سر تفوق المريخ وتطوره المتطرد .. وبالطريقة دي اكيد اكيد حيغلب الهلال.
|
|
 
|
|
|
|
فيس بوك
تويتر
انستقرام
يوتيوب
بنتيريست