أرسل لنا المحامي (شخص) نكتة بت ستين كلب فقمنا بإدخالها في ورشة ود الدابي لسمكرة النكات فطلعت بالشكل التالي: مواطن سوداني ماشى مع كوز فى الغابة ........ فجأة ، ظهر ليهم جان وقال ليهم أنا بحقق لى كل واحد منكم أمنية واحدة بس، يلا كل واحد يقدم لي امنيتو بي سرعة.... الكوز نطا طوالي وقال للجان : أنا عايز أنا وكل أخوانى فى المؤتمر الوطنى ننتقل فوراً لي زمن الخلافة العباسية فى أزهى أيامها ونكون برانا الحكام المسيطرين على السلطة والجاه والرافعين شعارات هي لله هي لله لا للسلطة ولا للجاه !!! قاليك الكوز فووووو اختفى !!! الجان سأل المواطن السوداني: أها إنت يا زول عايز شنو؟! امنيتك شنو؟! المواطن السوداني قال ليه : دقيقة دقيقة بس، الكوز وينو ؟! الجان قال ليه : وديتو زمن الخلافة العباسية! المواطن السوداني قال ليه : يعنى انتا متاكد مية المية انو هسى السودان ما فيه ولا نص كوز؟! الجان قال للمواطن السوداني: ايوا ياخي انا قتا ليك هسه في السودان ما في ولا كوز واحد!! ياخي بي سرعة قول لي انتا امنيتك شنو؟! المواطن السوداني قال للجان بعد أن تبسم حتى بانت نواجزه: الحمد لله ياخي، قطر عجيب يودي ما يجيب ، خلاص عليك الله بس عايز لي كباية شاى سادة وسكر خفيف وما عايز منك أي حاجة تاني!!! فيصل الدابي/المحامي
• نكتــة بايخــة وسمجــة لدرجــة الغثيــان !! . • نكتـة لا تبكي الكيزان ولا تضحك أي إنســان !!. • نكتــة مجــرد فــرفــرة مــن شخـص ولهــان !! . • سخـص فائـق وخالي من همـوم الدنيـا وطفــران . • لا راحـة للناس من نكات الدابي السمجة ولا راحة للناس من همـوم الكيزان !! . • تعود الناس مواجهة ظروف الحياة القاسية كما تعودوا نكات المحامي الغلبان !! • والكل في معمعة الأحزان والهموم يعيش أبد الدهر زهجــان !! . • لا راحة في الدنيا من مشاكل الكيزان ولا راحة من نكات الدابي ذلك الإنسان . • أي جرم ارتكبه الشعب السوداني ليكون ليلا ونهارا بين المطرقة والسندان ؟؟ .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل الدابي المحامي
فيس بوك
تويتر
انستقرام
يوتيوب
بنتيريست