|
|
 Re: النهاية الوشيكة لداعش (هل ستضرب الحية الد� (Re: الفاضل عباس محمد علي)
|
ده كلام خارم بارم
كلام سطحى ومفكك ومضحك
ده ما تحليل يازول دى احلام فطيرة ساكت
دا كلام بتاع زول عايز فرنسا تجي تجيب جنودا وتدخل عرين داعش
وهو راقد تحت البطانية يطقطق في اصابعو ويتمغا
انت منو يا خوى عشان فرنسا تجى تكاتل ليك
ومقابل شنو تضرب ليك فرنسا الدواعش وانت قاعد مربع ايدينك ولابد تحت البطانيه
اسمع يا زول
الخواجات ديل قلوبهم ماكنة و ما فيهم زول بقدر ينزل في الواطا عشان يكاتل داعش
ياهو ضربم ضرب الخوف من سابع السما
امريكا شغاله فيهو تكب في قنابلا في الموصل ليها سنه ونص
وداعش كلو ما يضربوها ويفلقوها بالقنابل تربط ليها دلقان جبيرة فوق راسا
وتواصل في شغولا زى الما حصل شي..
الامريكان زهجوا وقنابلم ذاتا كملت والحال فى حالو
وقبالهم ناس ايران ما خلو صرفه ما جربوها عشان يكتلوا داعش
وداعش عصرت ناس ايران لى غايت ما قالو الروووووب
ناس داعش كايسين للموت وخواجاتك عاوزين اعيشو ويلحسوا الايسكريم
دحين امرق انت من تحت البطانيه حقتك
واملص البدله وفك الكرفتا السمحة دى
واتحزم واتلزم
وشيل درقتك وسيفك
وامش كاتل ناس داعش براك
ويا غرق يا جيت حازما
|
|
 
|
|
|
|
فيس بوك
تويتر
انستقرام
يوتيوب
بنتيريست