|
نشفتو البلد..!! د. محمود شعراني
|
يا ماكل السُحت يا ولدّة التابة نشفتو البلد من حلفا للغابة . سموك منقذا إفكاً وكِذابا ..ضيعتو البلد والصانو لي ترابه .. ######ت النضيفة والشينة ترضابه..وفارقت الشريعة وسبت أسبابه ..
خالفت السُنن يا الساعي لي خرابه وربك بِمهلك لكنه ما غاب .. وظلمك بمشي ليك كان ترضي كان تابا..
لا بتنصر ضعيف لا بتعرف العابة وتحنثوا باليمين زي شرعة الغابة .. بطنك كرشت و بنكك الرابا و سحتك يوم يجيك في الآخرة ما تابا ..
مفاتيح البلد ما إنتو أربابا وأصحابكم جميع للشر جلابة .. مصاريف البلد الفي البنوك دابا ... كشفوها اللئام للأمريكان يا با ... !!!
قال واحد بغني : أدونا عيش الردة .. بدل تدونا حكم الردة والغابة ..!! هزيتو البلد في شماله وأجنابه واسع في الوسط والفتنة جيابة ..
سائل الله الكريم : تتطهر بلدنا من كل ما صابه وبيناتكم تولع ناراً بأحطابه .. و تبقوا وقوده إنتو الكُنتو أسبابه ..
البلد السمح ما إنتو أصحابه.. يا بُوم الخَّراب الساعي لخرابه .. ساعين للفتن والفتنة جيابة وبي كيد النساء كاد الرجال يابا ..!!!
|
|
![Edit](https://sudaneseonline.com/db/icon_edit.gif)
|
|
|
|