|
Re: ما يهمنا في مسألة الأقطان (Re: sadig mirghani)
|
ينصر دينك يا ساتاذ نبيل بس تخيل الذي يهمنا - ويجب ان يهمك - ليس ماذكرته.. لان الذي ذكرته عبارة عن سيوري ساي كان حريا ان يكون قبل الفاس تقع في راس طويل التيلة.. الان وقد عمل الدود عمايلو.. وعرف الناس المختلس من المال العام والخاص البهمنا انو الناس دي يتم اتخاذ الاجراءات في مواجتهتها وبصورة غير منقوصة... هل تعتقد- وانتا محامي- انو السودان ده يفتقد لقوانين كافية لردع الفساد..
ماهذا المراجع العام كل يوم جاري بي ورق لي جهة بكورك يا ناس ده مخالف..
نحنا ناقصنا ضمير شفاف وناس تسك حقها.. سك الحق يااستاذ مع اصحاب الحق..اهو قدامك وانتا محامي وقادر وعارف ..
في قضية الاقطان دي تحديدا لا يجب ان تهمنااي شفافية لانها لانحتاج الى شفافية فيها ..لقد شفت وشفت حتى شفنا كيف يتم تبرير الجريمة وتحلل المجرم .. ماظهر منها كافي لاحقاق الحق في بلد تعج بالقضاة العدول مثلما تعج باللصوص وبالفقة الديني الغريب الذي لايغني عن نص القانون الواضح شيئا..
دايرين منك - كمحامي ضليع- شي قانوني مفيد في وقائع القضية- اذا كان مسموحا بذلك في هذه المرحلة من الاجراءات الدعوى..مادايرين كلام ثيوري ممكن يتقال في صباح الخير ياوطني.. شوف شوية عن مسالة (التحلل) دي ودعنك مسالة الحوكمة والشفافية..
|
|
|
|
|
|