|
|
 عيـد ميلاد سـعيـد رأفت..
|
قرأت في إحـدي مساهماتك اللطـيفة أن ميلادك كان يوم 29 ديسـمبر..
وبحثت اليوم عن تلك المساهمة لأتأكـد من التاريخ ولم أجـدها..
مش مهم..ماهو انت اكيـد اتولـدت في يـوم.. في شـهر.. في سـنة!
يبقي نحتفل بيك ومعاك الليلة..
كل سـنة وانت جميل وطـيب..واحنا كلنا بنحبك..
مني
|
|
 
|
|
|
|
|
|
|
 Re: عيـد ميلاد سـعيـد رأفت.. (Re: Muna Khugali)
|
| Quote: كل سـنة وانت جميل وطـيب..واحنا كلنا بنحبك.. |
الأخ العزيز رأفت..
يابختك يا عم !!
نحن نلقاها منك والا من الفاتح التبلاحي ؟؟!!
كل سنة وانت طيب ونكاية فيك..ربنا يحفظ ليك زوجتك !!
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: Adel Sameer Tawfiq)
|
ياست منى
كل سـنة وإنتى طيبة
ويجعل أيامك كلها هناء ومودة
الطريف فى زحمة الحياة وتوالى الأعياد ما فى زول إتذكر
وكانت مفاجأة للجميع . وعملتى كيكة ما بطال معاى
يس الواحد بعد ده لازم ينزل صورة البروفايل
رغم إنها صورة حديثة والله عشرة سـنين بس 
Quote: قرأت في إحـدي مساهماتك اللطـيفة أن ميلادك كان يوم 29 ديسـمبر..
وبحثت اليوم عن تلك المساهمة لأتأكـد من التاريخ ولم أجـدها.. |
بتذكر المداخلة و ما متذكر السـبب . بس متذكر إنو قلت بكبر سـنتين فى تلاتة يوم
يعنى عمرى يحسـب اليوم 2006 وبعد تلاتة يوم على 2007
شكرآ على الشعور اللطيف
تحياتى
رأفت
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
إزيك يارأفت..
ممكن حـتة من الكيك ده?
لأ..ماعايزة شـاي معاه عايزة قهـوة!
بتتذكـر يارأفت يوم ولدوك?
ماتستغرب... في ناس حافظة تفاصيل اليوم ده من امها مثلا..
أو علي الأقل كـلام اتقال عن يوم الميلاد..
مثلا في أمهات يقـولوا..
ده كـان يوم السعـد..يوم ولدتك أبوك رقـوه في وظيفته..
ولا ..
كنا اشترينا بيتنا الجـديـد..
في ناس تانيه وبعـد الشر عليك منهم..أمهم تقول ليهم..
أيوه فاكراه..كـان يوم أغبر يوم ما ولدتك!
شـايف..دي الفكرة يعني!
ولا شنو مولاناتنا أحمـد الشايقي وعادل سـمير?
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: Elmosley)
|
Quote: عيد ميلاد مجيد
الاخ رأفت ميلاد,
وكل عام وانتم بخير
شكرا منى على التقديم
أحمـد الشايقي |
الأخ العزيز أحمد الشايقى
كل سنة وإنت طيب
قرأت التهنئة فى مكان آخر قبل ما أشوف البوست ده
وكنت قايل عيد الميلاد
شكرآ جزيلآ
ولك كل الأمنيات الطيبة
أخوك
رأفت
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: saadeldin abdelrahman)
|
Quote: الأخ العزيز رأفت..
يابختك يا عم !!
نحن نلقاها منك والا من الفاتح التبلاحي ؟؟!!
كل سنة وانت طيب ونكاية فيك..ربنا يحفظ ليك زوجتك !! |
أنا ماعارف عملت ليك مداخلة وما لقيتا
كان عندى ضيوف أوع أكون ختيتا فى بوست تانى
المدام عملت لينا دعاية بالتلفون والناس متسـبلة جات طايرة
قالت الخبر جانا بالنت والراجل أسهمو فى السما
ما تعاين لى دى المره البتقول
كل سـنة وأنت طيب تحياتى للعائلة
رأفت
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
| Quote: بتتذكـر يارأفت يوم ولدوك? |
متزكر تمام يا منى . طبعآ مولود فى حلفا وعشـت هناك 40 يوم
وما رجعت عشـان غرقت . أنا قعدت فى الخرطوم وأبو بكر مشـى الخليج.
أمى كانت لما أقول جعان بتقول لى تاكل الحمت رمت ولا تقول لى جوعة بت الغرب
الشـوت رحطا . أها يكون لما إتولدت جبت ليهم مجاعة ؟ 
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
Quote: المدام عملت لينا دعاية بالتلفون والناس متسـبلة جات طايرة
قالت الخبر جانا بالنت والراجل أسهمو فى السما
ما تعاين لى دى المره البتقول |
كل سنه وانت طيب يارأفت وتستاهل احتفال كبير
منال
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: Muna Khugali)
|
Quote: المدام عملت لينا دعاية بالتلفون والناس متسـبلة جات طايرة
قالت الخبر جانا بالنت والراجل أسهمو فى السما
ما تعاين لى دى المره البتقول
هو النت غير الشمارات فيه شنو
كل سنه وانت طيب بمناسبه عيدميلادك وعيدالسي المسيح عليه السلام وعيد الضحيه وراس السنه الميلاديه
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
أها وصلت البيت
عشان كدة الردود كانت تلغرافات
أها يا بورداب الندن
نفسكم قايم فى عيد الصحية
شوفوا بورداب سويسرا
وروضة تزبط الكمونية
ومنال الحنكوشة خايفة من المرارة
قبال ما نكمل الشـمار يا منال خوجلى
مرحب بيك يا ماجدة خوجلى
وأهلآ بيكى
والخوجلاب زادوا زهرة وفضلت واحدة لسة بره
كيفك يا منال خوجلى
بعد طول غياب
كل سنة وإنتو طيبين
ويكفيكم عين المولاانات الأرارين
شكرآ يا منى على اللحظات السعيدة
ودمتم
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: منتصر الامين)
|
Quote: مبروك يا رأفت عيد ميلادك الخامس والثمانين!!!!!!
وعقبال ما تطفي الشمعة المية!!!!!!!!!!!
يعني بعد 15 سنة بس ..... |
صباح الخير يا فاروق
فى رأيك ال 85 دى بنحصلا
الخواجات هنا بصلوها زى الفل
نحن كاااان وصلناها نكنكش رى القرد
لكن بينى وبينك بحساب الشـايقية طولنا من ما أكلنا الكسـرة
الله يحفظ الجيل الجديد من البهدلة
تحياتى
وشكرآ على التهنئة
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: Tragie Mustafa)
|
Quote: رأفت كل عام وانت بخير
وربنا يجعل ايامك كلها اعياد
وتحياتي لفاتن.
شكرا منى.
تراجي. |
جانى خطابكم جانى
وقريتو وعرفت الفيهو
وأبدآ أبدآ ما رديت
شكرآ على مرورك الباهى
وكل عام وأنت بخير
وحازم وسند بألف خير
تحياتى
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
Quote: ولا انسى ان اهنيك باعياد الميلاد
والاضحى والعام الجديد وكل عام وانت بخير
وجعل الله كل ايامك اعيادا |
عزيزى منتصر الامين
جعل الله أيامك كلها أعياد
وكل سـنة وإنت طيب وتعود الأيام بالصحة والسلامة
والأهل كلهم بخير
وشكرآ على المرور الأنيق
أبدآ
رأفت
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
يااخوي اللحمه دي عمبلوق سااااااكت ... اخير منها كسرة روضه!!
ما كلمتنا!! كنا ربيناها ليك ....
ياخلي لمن اجي بجيب ليك كوليكت ورد ..قصرنا معاك ...
كل سنة وانت طيب وعمر مديد التحيات للاسرة والحبيب مكلب ..
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: عماد شمت)
|
| Quote: يااخوي اللحمه دي عمبلوق سااااااكت ... اخير منها كسرة روضه!! |
والله يا خوى حمل فتى
عرفت ليك الحفرة
كان بتعرف الضبح أنا إتعلمت السـلخ
منعنا مرتضى من العمل عشان ناكل حلال وهو سيدو
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
تسعد حبيبنا رأفت ... بكل لحظة من عمرك { المديد } بإذنه
فلو كان العمر يتسع بمقدار حب الناس لشخص , لكنت فى قامة
نوح عليه السلام , ولو كانت المشاعر الإنسانية هي سقف العمر
لإستظل الناس على نخلتك ... وتساقط عليهم رطبا جنيا .
كل عام وإنت طيب ... وسنة حلوة ... يا رفيع .
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: عبد المنعم سليمان)
|
هووووووى ده بوست عيد ميلادى
داير تودى الخور مالك
ياسـر طيفور قال مشى الخور يغسل الكرشة
لقى ناذر ضابح هناك
كان دايرنى طالعنى فى الخور
وجيب معاك كوارع عتوت
ده كفاه أخير لى يروح مكتبة منى وما يروح الخور
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
عزيزي رأفت،
عمر مديد لك يا صاحب الثقر النضيد.
ربما كان بعض من سر لطافتك يكمن في أنك ولدت في أرض حلفا الطيبة والطيب أهلها. لا أدعي اللطف ولا الطيبة، وإن كنت من أهلها. ولكني، مثلك، ولدت فيها. كان ذلك في العام 1961، عام "الهحجرة،" أي قبل ميلادك بعامين، إن كان تقديري صحيحا.
دمت ودام لنا عطاؤك المتفرد.
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: Haydar Badawi Sadig)
|
عزيزى د. حيدر بدوى صادق
الرجل الصادق أبدآ
كل عام وأنت والأهل بكل خير
الدعابة مهمة فى حياتنا لاإسـتمرارها ولا فرار منها
والحلفاويين فعلآ كما قلت من أكثر الناس لطفآ ودعابة
| Quote: أنك ولدت في أرض حلفا الطيبة والطيب أهلها. لا أدعي اللطف ولا الطيبة، وإن كنت من أهلها. ولكني، مثلك، ولدت فيها. كان ذلك في العام 1961، عام "الهحجرة،" أي قبل ميلادك بعامين، إن كان تقديري صحيحا. |
حسـاباتك دقيقة جدآ . وتأكيدآ على ذلك فى أكتوبر 64 كنت فى مظاهرة خلف أحد الحلفاوين أذكره جيدآ وهو يهتف ( باعوا حلفا بلاد النوبة .. ذكرى حلفا لن ننسـاه .. ولن نتهاون فى ذكراها ) ولكن يبدو أنك تخلفت عن هذه التظاهرة
تحياتى
أخوك الأصغر
رأفت
---------
بعيدآ عن الدعابة : القصة حقيقية ولا أنسـاها وأنا طالب بالفصل الأول بمدرسـة باوارث الوسطى بمدينة بورتسـودان . وكنت الدفعة الأولى التى بدأت بها المدرسـة هذه . ويمكنك الحسـاب على هذه المعادلة
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: رأفت ميلاد)
|
الاخ العزيز رأفت الميلاد
كل عام وانت بخير وبذات الابتسامة
لاتزال دهشتى مستمرة بعثمان ابنى عند مولده فقد ولد فى يوم الاثنين بتاريخ 25/07/2005الساعة الثانية والنصف بعد الظهر واتولدت انا فى يوم الاثنين 25/07/1970 الساعة الثانية والنصف بعد الظهر ايضا" شفت التوافق ده غريب كيف
| |
|
|
|
|
|
|
|
|
|
Re: عيـد ميلاد سـعيـد رأفت.. (Re: بابكر عثمان مكي)
|
العزيز بابكر عثمان مكي
كل عام وأنت وعثمان ووالدة عثمان بكل بخير
| Quote: لاتزال دهشتى مستمرة بعثمان ابنى عند مولده فقد ولد فى يوم الاثنين بتاريخ 25/07/2005الساعة الثانية والنصف بعد الظهر واتولدت انا فى يوم الاثنين 25/07/1970 الساعة الثانية والنصف بعد الظهر ايضا" شفت التوافق ده غريب كيف |
والله مصادفة غريبة وتطابق عجيب . سـيكون بينكم توافق تام بإذن الله .
أحكى لك قصة غير مطابقة . من طبيعة عملى هنا الإهتمام بالمسـنين . يوجد أحد المسـنين مشـاغب ومقلق لكل أهل الدار والإدارة . أجد نفسـى أتقبله وأشـمله برعاية خاصة . وأصبحت الشـخص الوحيد الذى أتحكم فيه ويخضع لى مما جعل الإدارة والنزلاء يلجأون إلىّ عندما يثور . بمراجعة ملفه وجدته مولود 07.01.1925 وهو نفس تاريخ ميلاد أبى الذى كنت مرتبط به تمامآ رحمه الله .
أتمنى لك التوافق مع عثمان روحيآ ويقدرك الله على حسـن تنشـئته
تحياتى
رأفت
| |
|
|
|
|
|
|
| |
Muna Khugali
أحمد الشايقي
Adel Sameer Tawfiq
رأفت ميلاد
Elmosley
حسام يوسف
Salah Waspa
saadeldin abdelrahman
Manal Awad Khugali
ماجدة عوض خوجلى
tmbis
انعام عبد الحفيظ
Mustafa Mahmoud
فاروق حامد محمد
منتصر الامين
Tragie Mustafa
خالدة البدوي
محمد مكى محمد
ناذر محمد الخليفة
عماد شمت
HAYDER GASIM
عبد المنعم سليمان
Haydar Badawi Sadig
بابكر عثمان مكي
فيس بوك
تويتر
انستقرام
يوتيوب
بنتيريست