|
Re: أودعـكــم! (Re: Kostawi)
|
أن تسقط ورقة خضراء..
وتسقط عليها هذه الحروف الدامعة
وتتهافت نحوها هذه القلوب الصادقة ؛
لشئٌ رائعٌ بيد أنه يبلغ من الحزن ذروته
ثم يقفز الى أعلى ..
ايتها الورقة الخضراء :
هل مللتِ الغصنَ ؟ قلتِ : لا
هل ملَّ منكِ الغصنُ ؟ طبعاً لا
ولكن ...
خالص حبى واحترامى يا منى
شاذلى
| |
|
|
|
|
|
|
Re: أودعـكــم! (Re: shazaly gafar)
|
ولك مثل جمال كـلماتك ومشـاعـرك المريحـة أخـي شـاذلي.. وانت مش بتحـب تلعب.. أريكـا...عـميا?
أنـا كمان..بللا أرسـمها بالطباشير الأبيض.. اللـونو زي شـرابات وقمصـان المـدرسـة!
| |
|
|
|
|
|
|
Re: أودعـكــم! (Re: Muna Khugali)
|
منى خوجلى انسانة رائعة تبحث دائما عن الجمال
مني
برغم اني جديد في المنبر الا اني حاسة انو انا قديييييمة وبعرفك من زمان من كتاباتك الرائعة
وزي ما قالت الغنية الحزينة ما ترحلي
| |
|
|
|
|
|
|
Re: أودعـكــم! (Re: Elmoiz Abunura)
|
شـكرا أخـي المعز ابو نـورة وغسـان.. أتمني أن أكـون قـادرة دائمـا علي مشـاركتم في صـنع الفرح والسلم.. فالحياة أجمل وأريح كـذلك ...
تسـلم...
| |
|
|
|
|
|
|
Re: أودعـكــم! (Re: معتصم دفع الله)
|
عصـومي...زي ما بنادي معتصـم أصـغرنـا...
ربنـا أكـرمـني بمجمـوعة زمـلاء صـاروا أخـواني وأخـواتهم... معقـولة بس أرفس نعمـة ربنـا?
عشـت ياجميل وكـلك تهـذيب..
| |
|
|
|
|
|
|
Re: أودعـكــم! (Re: Muna Khugali)
|
الأخت الفاضلة/ منى خوجلي تحية طيبة ليس هنالك داعي للوداع فلتبقي بيننا ومعنا مازلنا نحتاج إلى تلك الكتابات الرائعه والجميلة إذا اتمهلي وشيلى الأمل وما ترحلي
| |
|
|
|
|
|
|
Re: أودعـكــم! (Re: الملك)
|
نـزلت دمعـة.. وسـطعت شـمس.. وجـات زهـرة... معاهـا ياسـمينـة... منتظـرة القمـر... يجـي بنجومه... نلعب تحـته... نرقص تحـته... ونقـول ليه... إحـنـا حـيينـا..
وبالحـب يعيش الانسـان...
| |
|
|
|
|
|
|
Re: أودعـكــم! (Re: Muna Khugali)
|
سـلامتكم...ناجي الملك ووالـدته!
نـاجي كـان حـزنان ياجماعـة... أمه كـانت عيانة.. في نفس اليـوم ناجـي مـرض وجـاتو ملاريـا.. لكـن ناجي بقي كـويس زح الغطـي منه وقـام... عشـان انتو كـنتو معـاه... زيـارة ورا زيـارة الحمـدلله...
وبالحـب يحـي الإنسـان...
| |
|
|
|
|
|
|
Re: أودعـكــم! (Re: محمد سنى دفع الله)
|
السني عـوض خـوجلي..قلت أحسن تنتظـر بعـد لكـن موش?
عليك الله يالسـني فراق البوسـتات مش صـعب? عـارف زي مـوت زرعـة انت كـبرتها...ولا الرحـيل من بيت انت بتحبه.. والبوستات اللإتأرشـفت دي.. عـاملة زي لمـاتقرا زمـان في التاريخ عـن الناس الودوهم المنفي!
ربنـا يخليك لينا..
| |
|
|
|
|
|
|
Re: أودعـكــم! (Re: تيسير عووضة)
|
ولكـن حـتي مـع وداعهـم الصـعب ....بوجـودكم مـعي...نستطيع ان نخـلق مسـاحـة مـن التفاؤل والفائـدة المتبادلة والنقاش الحـي ...
مـافي 'لـكن' تاني..... مـادام انتـو معاي.. Good bye my posts
I will come back to you soon my friends
Muna
| |
|
|
|
|
|
|
Re: أودعـكــم! (Re: تيسير عووضة)
|
طـيب انتي لـو بتحـبيني كـده ياتايسـا... لي مالميتي لي معاك حـق تـذكـرة حفـلة فـيروز?
اسـه لميتي كـم وفضـل ليك كـم?
| |
|
|
|
|
|
|
Re: أودعـكــم! (Re: Ibrahim Adlan)
|
الحبيبة مني خوجلي ..
هذه الكلمات الدافئة محلها القلوب لن تضيع في متاهات الارشفة .. قدرها ان تستمر ناشرة هذا الحب و الألفة بين الأحباب ..
تقديري لك ..
| |
|
|
|
|
|
|
Re: أودعـكــم! (Re: Muna Khugali)
|
Quote: وكـانت سـودانيز اون لاين ملجـئ وملاذي كـأسـرتي تماما..وكنتم انتم أهـلي ووطـني وإمتـدت احـلامي لحضـور مناسباتـكم ومشـاركـتكم الفـرح والحـزن كما تفعـلون معي تماما... |
ولـكـن.... لا بد من الرجوع .. فان تعذر فنرجو الا تغلقي الباب فنحن من خلفك ....
ود الباوقة
| |
|
|
|
|
|
|
Re: أودعـكــم! (Re: ود الباوقة)
|
Quote:
قـضـيت معكم زمـن جميل ...شـكل لحــياتي بعـدا أجمـل وأعمـق... صـعب هـو الوداع ...لكـن!
|
... مني .. قريت عنوان البوست من أول .. وكان شنطتي في ضهري .. قلت لما اصل اجي اكتب ليك: قائلةعلي كيفك؟
ولما دخلت تاني ولقيت بوستاتك المريحة مشرورة في البوست .. عرفت الحاصل
واقترح: أنك تكتبي .. بدل ( ترويـــع للبورد ) .. وتدفعي .. بدل .. جهجة وخلل .. لي أنا شخصيابمعدل ( أربعة ) بوستات في اليوم الواحد..
ــــــ أجمل بوست .. لتوديع البوستات
| |
|
|
|
|
|
|
Re: أودعـكــم! (Re: tmbis)
|
Quote: واقترح: أنك تكتبي .. بدل ( ترويـــع للبورد ) .. وتدفعي .. بدل .. جهجة وخلل .. لي أنا شخصيابمعدل ( أربعة ) بوستات في اليوم الواحد.. |
تمبس يا فنـان ياحـلو...الصـورة دي حـلوة شـديـد ماتغـيرها أسـة...
إنت مالك مقلم صـهرك بالشنطـة?
انـا هادفـع بـدل ترويـع...رضـيانة بحكـمكـم.... لكـن بس في ناس كـده زي تلاتة ولا أكـتر زعـلوا مـني ..وأنـا ياتمبس مـا باحب زول يزعل مـني...
أعـمـل شـنو?
انتظـر رأيـك بصـبر 'قصير'
| |
|
|
|
|
|
|
Re: أودعـكــم! (Re: ود الباوقة)
|
Quote: ولـكـن.... لا بد من الرجوع .. فان تعذر فنرجو الا تغلقي الباب فنحن من خلفك |
شـكـرا أخـي ود الباوقـة مسـتقرة بينكـم أهلي...
| |
|
|
|
|
|
|
Re: أودعـكــم! (Re: Muna Khugali)
|
تحياتي لك يا منى والى كل من ازرف دمعة لمجرد ابداء نيتكم في الوداع
يبدو وتاكد لى ان غيابك سيكون جرحا عميقا على قلوب محبيك
ربنا يكضب الشينة
| |
|
|
|
|
|
|
Re: أودعـكــم! (Re: الطيب شيقوق)
|
الحمـدلله مافي 'شـينه' يالطـيب شيقوق أخـوي...
تغني أم كـلثـوم ...
لـو كـل حـب في كـل قلب... إتجمـعـوا أنـا حـبي أكـثر...
وهـذا هـو حـالي مـع سـودانيزاون لاين بيتنـا ومـع أهـل بيتنـا...
أم كـلثـوم مش حـلوة? انتو كمان حـلوين...
شـكرا علي إهـدائي مشاعـر جميلة
| |
|
|
|
|
|
|
Re: أودعـكــم! (Re: محمدين محمد اسحق)
|
محمدين .....أنـا كـده إطـمئنيت شـوية ..
عـارف مشـاركـاتكم في تلك البوستات عـزيزة علي جـدا..... خـاصـة في بوسـت شـكرا لعـزائكم في الخليفة عـوض خـوجـلي..
وتـوديـع البوست ده بالتحـديـد كـان صـعب علي...حـسيت زي كـأني اتخـليت عـن والـدي لما خليت البوست يمشي الأرشـيف!
| |
|
|
|
|
|
|
Re: أودعـكــم! (Re: Ibrahim Adlan)
|
إبراهـيم.... لقيت عنـدي صـور اسـمرا وصـور مصـوع...تعـال نشـترك في بوسـت عنهم ايه رأيـك?
أنا يا ابراهيم كـان كـنت ماشية كـان جـيت كلمتك في الأول....يعني معقـول أخـيب أملك بعـد تعبـك في تسـجيلي هنـا?
دمت لي...
| |
|
|
|
|
|
|
Re: أودعـكــم! (Re: Ibrahim Adlan)
|
ابراهـيم عـوض أخـو مني عـوض المعروف هنـا بإبراهيم عـدلان..
مـذهـلة هي الحياة ابراهـيم بإمتـدادها ووجمالها وتمـدد المشاعر والكـفاح فيها...ولكـن الموت ايضـا مـذهل!!
لأنه يباغتـك....لأن له حياة أخـري الممارسات فيها مختلفة....لأنه جـديد في عمقه في كـل لحظـه يباغتـك فيها!
كم عنـدنا مـن زمـن هنـا?
وحـده الخـالق سـبحانه وتعالي يعلم!
فليكـن الحـب ولتكـن المـودة رفقاءنـا الي ان نـذهب ...
دمت أخـي الغالي...
| |
|
|
|
|
|
|
Re: أودعـكــم! (Re: Muna Khugali)
|
منو العزيزة
الحمد لله الجيت في الوقت المناسب
لانه قلبي وقف من العنوان ولكن جيت بعد ما اتضحت الحكاية
دمتي حبيبتي ودام القك الباهي ...
محبتي ..
| |
|
|
|
|
|
|
Re: أودعـكــم! (Re: ali elhassan)
|
وفـوق كـوم رمـلة كـبير.. وبعـد ماصـبت المطـرة .. والسما بقت صافية... وضـحكـتنا وصـلت فـوق... جـانا ود الباوقة ومـعـاه تمبس .. فرحـنا وصـفقنـا وغنينـا... باقي رذاذ مطـر نازل علينـا...وياحـلاوة الدنيا بينـا! مـرحـب شـيقـوق ومـرحـب خـالدة... حـفظـت ليـكم سحـاب أبيض جميل... ومكـان في الرمـلة بينـا... ولسـة في مكـان كـبير ... يقعـد عـدد أكـبر مننـا علي الحـسـن العزيـز... عــاينـو ليه .. يلعب بالرمـلة... فـرحـان ياحليلو بلمتنا الحـلوة... آيـة فرحـانة تنطط.. مـاما...صـحيح ديـل كـلهم خـيلاني وأعمـامي أيـوة حـبيبتي... أخـوان مـصطفي ومحمـد.. ولسـة عنـدك غـيرهم كتير... الخـليفة فرحـان شـديـد.. بناتي مـع أخـوانهم تب... وأنـا بينكم سـعيـدة جـد..
| |
|
|
|
|
|
|
Re: أودعـكــم! (Re: خالد سيد أحمد محمد)
|
الحبيبة منى:
لو فتحتى البوست ده عشان تعرفى مقدراك عندنا..فأهو براك شايفة
ما بنرضى فيك "الهبشة"
ولو صحى ماشة وعندك مشاغل..
مافيها حاجة مكانك شاغر لما تخل المشاغل "هو فى مشاغل خلصت قبل كده؟"
ولو ماشة كلو كلو..
دى ما حاجة بتقرريها انتى ..نحن عندنا فيك حق..
حق المحبة..
وما بنخلى فيك "الحبة"
فأرجوك ما تعملى ليناheart attack
من وش الصباح كده..
ادينا رضاك..
ولك كل المودة والوداد
| |
|
|
|
|
|
|
Re: أودعـكــم! (Re: Tumadir)
|
منوية
انا ما شفته البوست ده الا هسه
لي يومين ما دخلت البورد
وبعدين انا هسه اكتر واحده قلبي انقطع من اودعكم دي
لاني قريت أسف وزعل الناس كلهم على الوداع ده
من اول لحظه صدقت لكن تاني فهمت انك بتودعي في كل اللحظات
من فرح والم وحزن القضيتيها معانا والعكستيها لينا هنا وعايشناها معاك
يلا يلا سريع تعالي لينا في بوست الماذون اصلو البوصيري ده خلاص بقى يقدل بي هناك
حصلي سريييييييييييييييييييييييع
مودتي واحترامي
| |
|
|
|
|
|
|
Re: أودعـكــم! (Re: انعام عبد الحفيظ)
|
العزيزه مني
لالالالالالالالالالالالالالالالالالالالالالالالالالالالالالالالالالالالالالالالالالالالالالا
مابنقدر نسيييييييييييييييييييييييييييييييييييبك
| |
|
|
|
|
|
|
Re: أودعـكــم! (Re: Dr. Abdalla Siddig)
|
Quote: العزيزه مني
لالالالالالالالالالالالالالالالالالالالالالالالالالالالالالالالالالالالالالالالالالالالالالا
مابنقدر نسيييييييييييييييييييييييييييييييييييبك |
عبـدالله صـديق...
وأنـا ذاااااتي مابـقــدر أسـيبـكم... معاكـم انـا بتنفس... آمـالي بتسرح... وزهـوري بتتفتح...
| |
|
|
|
|
|
|
Re: أودعـكــم! (Re: انعام عبد الحفيظ)
|
الحمـد لله يانعـومـتي انـك جـيتي متأخـرة بعـد مافهمتي الحاجـات.. في ناس زعـلوا مـني يانعـومـتي وماعارفاهم زعلانين ليه أهـلي الحـلوين ديل...خـلي بالك يـكـون كـانوا عايزني أمشي جـد جـد...ياربـي?? ولا وريني يانعـومـتي السبب شـنو?
اتصـلت بيك أول أمس...خـارج الشـبكـة ...انتي مشيتي البلـد ولا شـنو?
| |
|
|
|
|
|
|
Re: أودعـكــم! (Re: خالد سيد أحمد محمد)
|
أبـادلكم كـلكم حـب حـقيقي...وبكـرة تشـوفـوا أنـا بحـبكـم قـدر ايه.. عمـو بكـري جـاب لينـا البوسـت تاني..شـكرا ياعمـو... تعـالوا نلعب حجـلة.... نقرا كـتاب ونناقشـه... نمـل ركـن نشتكي فيه لبعضـنا ونضـحـك... نـزور الناس ..نناقش بهـدوء... دقيقـة ياخـالـد أخـوي... ألفح توبي وأمشي معـاك نعـزي... وهنـاك نبارك... وفي خشـم الباب نسـالم ناس جـايين...
| |
|
|
|
|
|
|
Re: أودعـكــم! (Re: Abdelfatah Saeed Arman)
|
لاحولاااااااااا....لكن روحنا ماطلعت....يامني بالله عليك الله انت في غربة زينا وعارفة انو الادرينالين عندنا في السماء...بينزل حبة لمن ندخل البورد دا ...في داعي يطلع السماء تاني.....الله يديك العافية ويخلي ليك اية...كفاية كدا وطلعي لينا حبة من الابداع....سلمتي يا شفيفة..وراجي يوليو علي احر من الجمر..
| |
|
|
|
|
|
|
Re: أودعـكــم! (Re: yasir Abdelgadir)
|
زول سـاكت.. علي الأقـل وداع البوسـتات جـابـك لينـا... وانـا يازول بـدونكـم حـياتي ناقصـة... أنـا بحـب الناس حـلوين الروح والتصـرفـات.. وبحـب لمتهم والقعـاد جـنبهم...
عشـان بأمشـي!
| |
|
|
|
|
|
|
Re: أودعـكــم! (Re: Muna Khugali)
|
Quote: الحبيبة منى: لو فتحتى البوست ده عشان تعرفى مقدراك عندنا..فأهو براك شايفة ما بنرضى فيك "الهبشة" ولو صحى ماشة وعندك مشاغل.. مافيها حاجة مكانك شاغر لما تخل المشاغل "هو فى مشاغل خلصت قبل كده؟" ولو ماشة كلو كلو.. دى ما حاجة بتقرريها انتى ..نحن عندنا فيك حق.. حق المحبة.. وما بنخلى فيك "الحبة" فأرجوك ما تعملى ليناheart attack
من وش الصباح كده..
ادينا رضاك..
ولك كل المودة والوداد |
حـبيبتي ياطـمطم... أمـا وقـد شـرحـنا المـوضـوع أعـلاه... فإنا نقـول... مشـت بوستاتي وياحـليلا... سـنة مـن ونسـتي مـع أبوي وعـن أبوي.. كـتابة بعـد دمـوع فجـرية وصـلاة فجـرية... لمـة بيتنا وفسـحـة بالعربية.. لأ مـاتشتري لي ده ..وأنـا عـاوزة ده...
بوست كـان فيه.. صـلاة جماعـة...وحـولية وفتـة... كـان لازم أودعـوا مش فيه انـا جـوه ابـوي... ورحمـة ابـوي وطـيبة قلب أبـوي? تـذكـري فـبرايرالمجـنون وفالانتاين? بضـو كـان لازم أودعـه بمـا يليق بمقامه ومقام الناس البتحـب.. وبعـدين آية دي مابتي ...جـناي وحـياتي..تتأرشـف? أخـلي بتي وسـط الكهرباء والرفـوف إمكـن?
ولما الناس تسألني أقـول ليهم اتأرشفت? طـيب أضـعف الايمـان أودع بوسـت بتي! وياطـمطم ياحـلوة أنـا بس كـنت مخلصـة لبوستاتي.. أنـا ما بمشي بالهـين..أنـا بس قـاعـدة هنـا.. وسط اهلي انا قـاعـدة...
موش انتي برضـو قـاعـدة? تسلمـي وتسلمـوا كـلكـم مـن ال heart attack
| |
|
|
|
|
|
|
Re: أودعـكــم! (Re: Abdelfatah Saeed Arman)
|
عـارف يا عبـد الفتاح...
أنـا حـتي لـو كـان في نيتي أمشي... ماكـان بأمشـي بـعـد طـلبـك الرقيق ده...
أنـا قـاعـدة معاكـم أغـزل معاكـم توب فـرح كبير نلبسه كلنا..
تسلم أحـوي
| |
|
|
|
|
|
|
Re: أودعـكــم! (Re: Muna Khugali)
|
Quote: أيها الأحباب خصوصاً من هم مثلي أصحاب ضغط وسكرى وبلاوي أخرى على مهلكم رفقاً بأعصابكم
منى خوجلي لا تقصدكم بهذا الوداع ليست بمغادرة للمنبر ولا هي سالية لكم أنتم ليسوا / لسن معنيين بهذا الوداع على (المستوى المباشر)
بإختصار
منى خوجلي تودع بوستاتها التي لن تستطيع ترحيلها جميعها للفترة القادمة حسب تعليمات الإدارة .
تودع بوست آية وبلوغها السابعة عشر تودع بوست شكراً لعزائكم لوالدي الخليفة عوض خوجلي تودع بوست منى خوجلي إنسانة رائعة تبحث عن الجمال تودع بوست عازماكم رحلة لذلك قد تكونوا معنيين بهذا الوداع على ( المستوى غير المباشر )
لكنها ستظل معكم ( لحظة من فضلكم )
منى الغالية
هل قطعت حبل التشويق ؟ وبوظت عليك ( الشغلانية ) ؟ أرجو ذلك محبتي |
| |
|
|
|
|
|
|
Re: أودعـكــم! (Re: nile1)
|
عـارف يانايل ون مـن متين انت ماظـهرت علينا? منـذ انتقال والـدنـا الخـليفة! ليه كـده يانايل...مش المفروض تسـأل من أختـك... وأسـة لـو كـنت ماشية كـنت هأقـرا كـلامك ده وين? يللا سـلم لي عليـك وعلي ناس البيت...
| |
|
|
|
|
|
|
Re: أودعـكــم! (Re: عاطف عمر)
|
أنت عـرفتها بالضـبط ياعاطـف...
خـلاص يالله تعال الحـفلة.. وقـول لي سـعـدية تجـيب لي ولـدي وبناتي معاها ماتتأخـروا..سـمح?
| |
|
|
|
|
|
|
Re: أودعـكــم! (Re: Muna Khugali)
|
أول مرة أقول الحمدلله الجيت متأخرة،، دي احلي تأخيرة و فيها خيرات كتيرة ما خيرة واحدة،، كان إنفتحت ليك هنا ده حمبكة،، و كيف يعني وداعاً ولي اودعكم?!،،
الزول ده انا ما بحبو ما بحبو ما بحبو،، و شغلو معاي اشتر،، البوادعو تاني إلا بقدرة قادر الم فيهو،،
الحمدلله الجيت متأخرة،، سعيدة بحُبي و حُب الناس ديل كلهم ليكي،، و ما بترحلي،،
| |
|
|
|
|
|
|
Re: أودعـكــم! (Re: Soumeta)
|
سـوميتا ياوردة الدنيا الحـلوة...
شـكـرا علي حضـورك الشقي الـحـلو...إنتي جـيتك المتأخـرة دي زي مابتقـولي...أنـا شـايفاها 'فـرحـة' وحـب... أمـا 'النـاس ديل' وانتي بعض منهم..... فقـد صـاروا جـزء مهم للغاية مـن "عـالمي" ..
وأنـا بأحبكـم كـلكـم وهأفضـل أقـولها ليكـم مـادمت أحسـها..
| |
|
|
|
|
|
|
Re: أودعـكــم! (Re: saadeldin abdelrahman)
|
وهـذه رسـالة معـزة خـاصـة للـذيـن يعطـوني مـن وقتهم.. فيشـاركـوني الكـتابة بالقـراءة... أنـا زي ماقلت أعـزائي أنـا ماماشـية 'إلا بالشـديـد القـوي' .. حصـل شـفتو ليكـم زول ترك أسـرته وبيت أسـرته كـده بالسـاهـل? بنيت معاكـم خـلال سـنة ونص بيت مـؤسس بمشـاعـر كـتيرة .. أمشي منو كيف?
إنتـو علي الرغم مـن انكـم ما أعضـاء هنـا...لكـن انتو حـقيقي عايشـين جـواي وفي خـاطـري... كـل ما آضـحك ولا أبكـي ...
شـكرا علي كـلماتكم في البريـد الخـاص..أوتلك التي ارسـلتوهـا مـن خـلال زميـل أو زميلة...شـكرا علي اهـدائي فرح وتشـجيع...
دامت مساحـات المـودة والانسـانية والاحـترام بيننـا...
مـافي لـكـن...خـلاص!
مـني
| |
|
|
|
|
|
|
Re: أودعـكــم! (Re: Muna Khugali)
|
ويا ود يس صـدقت انـا بامشي?
أخـوي انت .... افـوت بعيـد منك ويـن? مش احنـا حـلفنـا سـوا? بـدم اخـوانـا مانتفارق.. ونفضـل سـوا? حـليل مصـطفي وحـليل معاوية.. قتلوهم ورمـوهم في الحـفرة سـوا... ياتو دم مـعاوية? وياتو دم مصطـفي? أنـا وانت زي معاوية وزي مصـطفي ماهنتفارق ...وهانفضـل سـوا!
| |
|
|
|
|
|
|
Re: أودعـكــم! (Re: saadeldin abdelrahman)
|
Quote: قربت اقرتق واكب البوستات في السهلة
ولكن !!!!!!!
فرحة عايزة ليها رقصة" |
عنـدنـا حـفـلة
دي محصـوص عشـانـكم يا حـنيين ياحـلوين...تعالـوا يللا هنـاك
مـني
| |
|
|
|
|
|
|
Re: أودعـكــم! (Re: Muna Khugali)
|
امانة يا عدم دخول البورد يوماتى ما ليك حوبة!!!
منى باقى نحن ناس على اعتاب ضغط بالله براحة علينا...يعنى رفقا بالضواغيط
لكن كمان كشفتى لينا الناس البكايين والحنينين..تسلمى بت الخليفة،،،
| |
|
|
|
|
|
|
Re: أودعـكــم! (Re: صديق الموج)
|
تسـلم ياصـديق ويسـلموا هم ومـن الضـغط والسـكري وأي مرض... ونحنـا كـلنـا هنـا حـنينين وحـريصـين علي بعـض...عشان كـدة بت الخليفة مـرتاحـة معاكم وفـرحـانة بخـوتكـم شـديـد.. تسـلم أخـوي ...
| |
|
|
|
|
|
|
Re: أودعـكــم! (Re: Muna Khugali)
|
يحق لى الان..
ان اكتب فى هذا البوست...
بعد ان اطمأنة نفسى ..........
كيف يكون لنا ان نتخيل المنبر فى غيابكم...........!!!!!!!!!!!!!!!!!
| |
|
|
|
|
|
|
Re: أودعـكــم! (Re: نادية عثمان)
|
Quote: ولمـا المعـز ابو نـوره جـه وقال أنا بفرحكـم...ضـميري أنبني.. بطـلي أمـور يامـني...لكـن مـني الطـفلة ردت للكـبيرة لأ... |
منى الصغيرونه عســــــــل
والكبيـــرة ..
| |
|
|
|
|
|
|
Re: أودعـكــم! (Re: Muna Khugali)
|
<a href="http://www.sudaneseonline.com/cgi-bin/sdb/2bb.cgi?seq=post&board=60&msg=1147408788&rn=1" target=_self> عـنـدنـا حـفـلة...
قالت أودعـكـم
قالــت....
| |
|
|
|
|
|
|
Re: أودعـكــم! (Re: أحمد الشايقي)
|
Quote: لا تعديني بوعد الوداع فههنا مجالك ومقيلك وقد كان في القلب على الدوام أبقي يا عبق الورد يا نخــب الود ودومي في الأفئدة كنز الوعـد |
أحمـد ود الخـليفة وأخـوي... وهنـائي بوجـودي في قلوبـكم لا يعـادله هنـاء...
اول كـلمات أخـطها في يـومي هي لـكم .. وآخـر ماأخطـه ليلا هـوأيضـا لـكم.. فكـيف يمكنـني أن أرحـل أو افكـر حـتي في الرحـيـل?
| |
|
|
|
|
|
|
Re: أودعـكــم! (Re: ombadda)
|
You must be joking Ombeddah, قـربت أصـدقـك...رفعت لي النفسيات...مافي منـع مـن الأحـلام!
تسلم اخـوي
| |
|
|
|
|
|
|
Re: أودعـكــم! (Re: عمر عبد الخالق سعيد)
|
مسرج غبارك حصانى القبيل مسافر مسافر وفاقد دليل واظنك عرفتى هموم الرحيل؟ واظنك عرفتى عواصفك مهبى ونهرك يعدى ويجهل مصبى خواطرى البتزرع وظنى البربى
وقولى خييييييييييييييييييييييير؟ انور عبد الرحمن ياصديقة الزمن الجميل
| |
|
|
|
|
|
|
Re: أودعـكــم! (Re: بارعة)
|
الأخت مني
تحياتي
أنا دائم الإطلالة على ما تكتبين أسائل عنك حبات حروفك الندية فتطمئنني عنك..فافضل الإستمتاع بالقراءة والإنصات دون أن أقاطع...أنحاز إليك حتي أمام نفسي لذا لا أبدي رايا فيما تكتبين كي أظل حياديا أمامها
أخوك/الزاكي
| |
|
|
|
|
|
|
Re: أودعـكــم! (Re: nile1)
|
الأخت الفاضلة/ منى خوجلي تحية طيبة ليس هنالك داعي للوداع فلتبقي بيننا ومعنا ومازلنا نحتاج إلى تلك الكتابات الرائعه والجميلة إذا إتمهلي وشيلي الأمل وما ترحلي واصلي الابداع منتظرين لكي التحية وإلى الملتقى
| |
|
|
|
|
|
|
Re: أودعـكــم! (Re: ناجي عز الدين الصديق)
|
أختى العزيزه منى
كدى قبلى جاى خلينا نشوف الحاصل شنو.... ولو فى زول زعلك بكلمه...قولى لينا.... لو ما فتحت لى بوست أسأله ملاقاتى خلف هذا المنبر...
أختى منى... نحن فى هواك نحن النبال... ولى البعكر صفاك نحن الجبال...
أخوك أسامه خلف الله (عوض خوجلى)
| |
|
|
|
|
|
|
Re: أودعـكــم! (Re: أسامة خلف الله مصطفى)
|
العزيزة منى
أودعكم أودع كيف ؟
متى كانت اللقيا حتى يكون الوداع ؟
سعدت بترحيبك بي عضو جديد في المنبر
وفجاه أقرأ عن الوداع !!
ولكنى سعدت بالتواصل والاستمرارية
وحتما سنسعد أكثر بكلماتك الأنيقة الجميلة
وأتمنى دوما الاطلالة بكل هذا الألق والبهاء
| |
|
|
|
|
|
|
Re: أودعـكــم! (Re: sudania2000)
|
Quote: الحبيبة مني سعدت جدا بسماعك thanx و عشانك بس جيت
لقيتك مودعة و خشيت لقيتك بتحلي اكثر يا حلوة كلك علي بعضك حلوة LOVE U |
سـودانية...
إنتي بتغيبي كـتيييير وفجـأة تظـهري... بس بتظـهري بمـواضـيع تيقظ القلق وكـل مانظـن أنه آمـن ومستقر..
شـكرا ليك علي تبادل الحـديث معي والذي اسـعـد به كـثيرا وعلي حـضـورك هنـا...
أتمني أن تتوثـق علاقتنا وتستمر....ممكـن? Love you too
| |
|
|
|
|
|
|
Re: أودعـكــم! (Re: anwar abu gaidaa)
|
أنـور...
نتلاقي في الزمـن الصـعب ... وننادي الزمـن الجميل وبنقـدر نجيبه.. وهانفرح...مـع أمي بتول نفرح.. مـع عثمان حـسين نقعـد...نتونس عـن الخليفة ونضـحك.. نزور محمـد ميرغـني وأقـول ليه أنا بحبك شـديـد ونسعـد.. أعـاين واتونس مـع عقـد الجـلاد الحـلويين ونغـني ونمـرح..
رد لي يا أنور.. ممكـن أشـوف الـدنيا السـودانية كـلها? أزور هنادي في مـايو ...ممكـن? وعم ابراهيم في أم درمـان...ممكـن? وشـفع في دار الأيتام...ممكـن? بعدين نشتري ترمس وكبكابي..ممكـن? تسـلم لي أخـوي دخـري... عـارفاك هاتقـول ممكـن!
| |
|
|
|
|
|
|
Re: أودعـكــم! (Re: Muna Khugali)
|
Quote: إنتي المصوراتي بتاعك منو؟ |
I think he was Leonardo Davinci But she was Monalisa with her cute smile whose made Davinci one of the famous artist in the last century.
OK......in simple words for those didnt understand She was just a reflection of beauty of the God Monalisa of course not Mona sorry Muna khogali
| |
|
|
|
|
|
|
|