|
|
 وقووووووووووووووووووووم يا بيتي إتسرِق وإتشلَّع مِرِق مِرِق
|
الأفراح لا تدوم
وفرق كبير بين
قووووم وقووووم
قوم الفرحة نجاح بتي
وقوم الترحة سرقة بيتي
من شهر 8 الفات ولليلة ولي بكرة وأنا بقتطع من قوت أولادي عشان أسدد السلفية الشلتها من الشركة عشان ابني لي حوش وغرفة واحدة والحمد لله
أها يوم في يوم وتلفون ورا تلفون وديون فوق ديون ياااااااااااا الله ياالله قبل إسبوعين جاتني رسالة تقول العرش تمة لكن لسع باقي وباقي وباقي ....
فرحت شديد بما تم
وجات عليها فرحة نجاح البنية ... ياخ أنا قربت أطق من الفرح وحسيت بأني عملت شئ لأولادي يواجهوا بيهو الزمن الصعب
سنتين ما مشيت السودان بسبب هذا القيد
قلت خلاص كلها كم شهر وتنتهي السلفية وكم شهر أجمع لي قرشين تلاتة عشان أمش أشوف وليداتي وأعزي في الأهل الماتو وحاجات زي دي
أمبارح العصر
جاني الخبر
زمرة لصوص وحثالة بشر
مجموعة تخطف فرحتي
تهدم أمالي العراض
طمعانا في شوية كمر
حسبي الله ونعم الوكيل .. حسبي الله ونعم الوكيل
|
|
 
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: Tabaldina)
|
أول شيء مبروك النجاح
تاريك عجوز يا ابن اللذين !!!
مفتكرك قدر ابوحراز
طبعاً بعد مافرحتنا زعلتنا بموضوع الكمر دا
يعني صراحة حاجة مؤلمة جداً
لكن برضو معليش عندنا شوية اهمال
يعني مفروض يكون عندك واحد حارس السيخ والطوب والكمر لحد ما يرفعوه
قبل ايام واحد عمل كل شيء بنفسه
آخر شيء زرع الشجر بره الحوش
بكره عليك أمان الله ولاشجرة مالقاها
يعني هسي في داعي الواحد يسرق ليهو شجرة ؟؟
وانت يمكن أحسن شوية
أنا نزلت الطوب والكمر والسيخ وكل شيء
وقلت ليهم بعد سنتين حا ابني
قوموا يا أهل العوض أي واحد عنده بنيان شال ليهو طوب من ابوحراز
واحدين شالوا الكمر
وآخرين السيخ
وهلم جراااااااااااااااااا
والله ولا اي شيء مافي
وبعضهم طبعا اتلحس ومات
والجماعة كلهم يقولوا ليك ربنا يعوضك
قلناخلاص ربنا يعوضنا وننسى الموضوع دا
يوم جونا جماعة عندهم جامع وعاوزين تبرعات
قوم يا ابوحراز اديهم 100 الف
ومشيت على عنقريبي نمت
عليك امان الله جوني جماعة ضخام جداً
اثنين شالوني من كرعيني
وأثنين من راسي
وكلهم قالوا لي : اسمع يازول
انت بيت ماعندك الموديك تتبرع للبيوت التانية شنو ؟؟
والله قمت مخلوع من النوم
طبعا صاحبك هسي حايبدأ من الصفر
والمشكلة طوبي شايفه هدااااااك
وسيخي 00 سيخي دي ظريفة
تصدق واحد بيته طوب أخضر وبرضو شال مني كمره
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: بدرالدين شنا)
|
بدر الدين العسل
الجاتك في الكمر سامحتك ، رغم إنو ممنوع الضرب تحت موضع الكمر ، الحرامي ده شكيتو على اللانام ولا أكل الطعام ، صحيح قالو كان سرقت أسرق بلد زي ناس الإنقاذ لكين سرقة الكمر دي ما ظاهرة يا البدري يا أخوي الحرامي ده أشد من رفيقو السرق التلفزيون والمسلسل شغال أو التاني السرق الساوند سيستم والحفلة رااااااابه ، وقلت لي شلع البيت وخلي عرشك زي عرش بلقيس والله يا بدر البدور حتى وأنت تواجه محنة أو مشكلة وبرضو بطيبة ونكته وحلاوة يا أخي إنت فنان بس في الحته دي بقيت فنان تشكيلي وأنا فنان أشكيلك ، والشكية لي أب أيداً قويه.
المهم عليك بالصبه في العرش فإن لم تستطع فحطب مكجول من أشجار السنط أو السلم أو السيال فإن لم تستطع فعليك بصلاة الإستسقاء وأهو حا تغيم وتجيب ليها سحاب وإن لم تستطع فأحتل جامع الحلة وأعمل الدخول بي قروش وصلاة الجمعه free of charge وأنا حا أجي أعسكر معاك وأبيع مويه في الأباريق الأبريق بي 2000 جنيه والقعاد أم قللو في الأرض ولو عاوز أبريق بي بمبر فعليك بدفع 3500 جنيه
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: almulaomar)
|
| Quote: زمرة لصوص وحثالة بشر |
يا بدري ما عندك مشكلة أنا عندي بيت فاضي معشعش فيهو الطير تعال اقعد فيهو ات وعيالك بعيداً عن هؤلاء السرق والسفلة .
وإذا ما عايز عندي قطعة أرض فاضية في الحاج يوسف مساحتها 200متر ، حلالك والخلاء ولا الرفيق الفسل
بطريقتك زكان غلبتك : أعمل بكلام الملا عمر .. انت عارف الملالي عملو شنو في الأفغان !!!
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: زول ساكت)
|
زى القدر جاهو لص شال الكمر......
عمك بدر كان ناوى الرجوع الا القدر..
ما عندو حل غير سلفية تانية وإسيب السفر...
النجح غادة اتوكل علية ونوم وادية الامر.....
البدرى الحاصل شنو اخبار موجبة(+) ويومين
بس اخبار سالبة(-),دى كهرباء عديل كدة
غايتو اللة اعوضك كمر 14 والشال الكمر
دا الا اكون داير اعمل بية طوطحانية
لانو ما بكون عندو حق البناء.
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: ali elhassan)
|
حسبنا الله ونعم الوكيل
نقول شنو في الناس
أنا والدتي وأخواتي جوة البيت
الجماعة جابو جرسهم ودللوه وباعوه وراحو
وفي النهاية ظهر واحد مزور الأوراق وأخد قرض في جهة ما من أطراف السودان المترامية
ومازال مسلسل السرقة والنهب مستمر
حسبنا الله ونعم الوكيل
وإنشاء الله حقك ما يروح
أنشاء الله الشال كمرك ما يشيل خلافو
يبقى ليهم أربعاء وعقاب شهر
يروعهم زي ما روعوك
ويهقلهم زي ما هقلوك
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: JAD)
|
والله يابدر الدين ..كبدتى دى انفرمت عليك وعلى حقك الضاع
بكانى انك بتغيب من اولادك فى الاجازات وما بتشوف عيونهم السمحات ..عشان توفر ليهم ضل..
وتخدم بايدينك وكرعينك "فى الهجير لا ضل ولا شمسية"
وبعد ما تلبن ياكلها الطير..
ياخى انحنا فى وضع مزرى ..وفى عالم حقير وفى زمن تافه..
ليه كده ..بدر الدين الجميل ده..أطيب منه الله ما خلق..وانضف من ذمته ما فى ذمة ..
يجى يتهان ويطلع من بلدو عشان لقمة العيش الجبارة..
ويتعب ويهلك ويشتت اولاده ويمنع نفسه من هنا الدنيا وراحة بالها
ويجى فى الآخر صعلوك ما عندو طبع..ولا اخلاق يشيل حقه ..فى نص ليل..ويعدمو نفاخ النار
لكن يا بدر ..ابشر بالخير والجاتك فى مالك جيدن جاتك فى مالك..كفاية فرحة غادة وعيوناتها..
وربنا يعوضك ..
وياريتنى لو بقدر
انا دى كنت اعوضك..
لكن الحمدلله على مراد الله..
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: Tumadir)
|
العفيفة الجميلة السمحة النصيرة بت أمي تماضر
| Quote: والله يابدر الدين ..كبدتى دى انفرمت عليك وعلى حقك الضاع |
Quote: وربنا يعوضك ..
وياريتنى لو بقدر
انا دى كنت اعوضك..
لكن الحمدلله على مراد الله.. |
ياالله يا الله يا الله
تماضر كفاية كفاية كفاية أنا ... أنا ... إنتي .. ووووووووووب أحي أحي لا إله إلاَّ الله آه آه آه
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: Tumadir)
|
بدر الدين اخوي
الله يعوض عليك.
وياهو حال الدنيا!!!
يكمل شيء (نجاع غادة)،، ينقص شيء (ضُلكم يتشلع).
نصيحة: حقك أربطو في نُصك وما تفارقو، والعترة بتصلح ....(لكن هي جنس عترة! شنكل من وراء!!)..
تخفيف: يا أخوي في ناس قبل سنين رسلوا اشتروا عربية (بُكسي) عشان يبنوا بيهوا البيت! ولحدي هسة برسلوا قروش لصيانة البُكسي. والبيت سهلة بيلعبوا فيهو اولاد الحلة دافوري!!!!!!!! والمفروض طبعا البيت يكون اتنقل من حي عادي لي كافوري!!!
هشام أبراهيم
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: Hisham Ibrahim)
|
بدر الدين الحنين
يعلم الله خبر احرررر من طعنة السكين
هجمتنى هجمة السوادوالرماد
يتهجموا وين ما يقبلوابركة اللا نام ولا اكل الطعام
والشال حقك ينزل عليه موية نار فى مصيرانو ويفرماويهردا دم
فى الدنيا قبال الآخره .. ويكون عظة لى غيره
ربنا عوااااض بعوضك ..
عمره ما بضيع حق زول .. خصوصا المتلك نزيه وعفيف وزاهد فى دنيته دى وراااااضى بقسمتو ولايك الصبر اتنين فى الغربه الحاره
البدرى يعلم الله شدة ما ممغوسه ما شايفه قدامى
البركه فى غاده ونجاحها وواخوانها وست بيتك الرزينه
والبركه فيك ات وفى رقبتك .. الله يعوضك صحة وعافيه وخير اكتر من الفات مرتين
وحسبى الله ونعم الوكيل .. حسبى الله ونعم الوكيل .. حسبى الله ونعم الوكيل
| |
|
|
|
|
|
|
|
|
|
Re: وقووووووووووووووووووووم يا بيتي إتسرِق وإتشلَّع مِرِق مِرِق (Re: soma)
|
سوما الهرم بت أمي الحرم
كيفك وكيف وليداتك وابو رامي
| Quote: البدرى يعلم الله شدة ما ممغوسه ما شايفه قدامى |
هي إنتي بتحدثيني أنا ما عارفك حنينة وبت بلد وأخت في الحارة والباردة وربنا يقدرني على جزاك وتبري يا سوما من المغسة وعدم الشوف وزي ما قلتي ليس لنا غير أن نقول
حسبنا الله ونعم الوكيل
شكراً سوما
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
Soumeta
jini
garjah
ابوحراز
almulaomar
عبدالرحمن الحلاوي
زول ساكت
المسافر
انعام عبد الحفيظ
معتصم دفع الله
امير عوض الجمري
Dr. Moiz Bakhiet
عبد الله عقيد
doma
JAD
Tumadir
Hisham Ibrahim
عاطف عمر
sumah
رأفت ميلاد
يازولyazoalيازول
tmbis
بارعة
طارق جبريل
walid taha
ترهاقا
المعتمد
فيس بوك
تويتر
انستقرام
يوتيوب
بنتيريست