|
Re: مصطفي عثمان اسماعيل : كنا عيون وآذان للمخابرات الامريكية في دول مجاورة!!! (Re: Wasil Ali)
|
الاعزاء واصل، الباقر و معتصم
عجبني التعبير دا
Quote: لكن مساكين ناس المحاكم الاسلامية قايلين ناس البشير دايرين يصلحو حالهم وهم يحمرو ليهم في بصلتهم.
|
اسوء حاجة تذاكي الاغبياء، خلو بالكم هذا المعتوه بتصريحه دا اتخيل انه دخل التاريخ مع العظماء،، مصطفي عثمان يحسد علي غباءه. اذكر اني حضرت كم لقاء ليهو مع الزول العجيب داك الاسمه احمد البلال الطيب تصوروا كمية المهدئات البحتاجة المشاهد لمسل هذه المساخر المشوهه وزير الغفلة اتكلم بصورة طفولية عن بطولات و اختراقات ليه في دهاليز الكونجرس و الادارة الامريكية و ابو احميد يدفعه للمزيد،، صاحب الفتوحات قال انه لمان يمشي امريكا ما بتقيد بالرسميات فمثلاً يتصيد النواب في (برندات) الكونجرس و يعرض عليهم حاجاته (هكذا) و كما في البيت الابيض حدثت ليهو (مغامرات) بأن وجد نفسه في مواجهة مسؤولين كبار (وهو في طوفة) و ما تتصوروا خلعة البلال (او تصنعه لذلك) قدر شنو و ام فريحانة الركبت المستوزر كم كيلو. في نفس سلسلة اللقاءات تلك كانت احدي الحلقات عشية صدور قرار مهم من مجلس الام بخصوص دارفور و السيد الوزير طمأن محاوره و عموم الشعب السوداني بأنه (مكرب شقله) و القرار لن يمر باي حال من الاحوال و ذلك بناءا علي دقة عمله الدبلماسي التي قام به في جولاته الماكوكية و انه حتي في هذه اللحظة علي اتصال مع الممثلية السودانية في الامم المتحدة و الامور تحت السيطرة!!. صدر القرار و في حلقات لاحقة لم الحظ اي علامة لحياء من سيادة المستشار (حاليا) بل واصل في نفس السذاجة و السطحية (ولا عليهو).
|
|
|
|
|
|
|
|
|