|
|
 Re: هنيه يقول أن السودان وعد بتقديم 10 ملايين دولار للفلسطينيين (Re: garjah)
|
أخي قرجة الحكومة كلها حرامية أها ناس الحركات المسلحة ديل خلاص بعد ما ضمنوا المنصب من نائب لى مساعد لي كبير مساعدين لأنو من كترتهم بقيت المناصب زاتها إلا يخلقوها ليهم ويفصلوها عليهم ، ديل كلهم هل فعلاً تحققت أهدافهم وشعاراتهم بالمساواة والعدالة الإجتماعية وتقسيم الثروات وناس الهامش والكلام الدراب الكان يتطاير داك خلاص إنتهي بالوصول إلى القصر الجمهوري والحرس والحسابات البنكية والمهمات الرسمية خارج البلاد – ديل مش لازم يكونوا رقيب على تصرفات الحرامية وتنفيذ بنود الإتفاقيات التي تم توقيعها والتي أدخلت السودان في حالة اللاحرب واللاسلم. ولا بعد ما قبضوا من الحكومة وإقتسموا معها الثروة نسوا كلو حاجة وشعاراتهم ذهبت أدراج الرياح.
الناس بتموت لسه في الجنوب والشمال والشرق والغرب أها وين العدالة الإجتماعية وين الثروة الإتقسمت ووين السلام العملو ليهو وزارة ووين الأمن ووين الصدق في وسائل أعلام الدولة الناس تموت في المعسكرات داخل البلاد يجيبوا ليك إنفجار سيارة مفخخة في منطقة الحلة غرب بغداد وبعد شوية يجيبو ليك إعصار كترينا وفيضانات الفلبين ، وما شغالين بالشأن الداخلي شغلة.
مشكلة مشاكلنا أخي قرجة الشعارات الرنانة ونحن في معظم الأحوال ما قدرها يعني جبه أكبر مننا ونعالات أكبر مننا لا بتسهيل مشيتنا لا بتخلينا قيافه أمام الناس.
==
كسره من الأمية الفي ميدان رابطة ديوم بحري والواقعة في الناحية الجنوبية الغربية للملعب:
قالوا في قريتنا كان في برنامج إنتخابي محتدم بين قطبين من أقطاب القرية وكان رمز أحدهما (الرمز الإنتخابي) العربية ورمز الآخر السكين ، وكان قائد حملة القطب الأول الإنتخابية من الذكاء والدهاء بمكان فعمل الشعار من بيتين إثنين ألا وهو:
العربية بتفسحنا
والسكين بتجرحنا
ونجح صاحب شعار العربية برغم عدم كفاءته في الفوز بالإنتخابات ممثلاً لقريتنا ولم يفتح الله عليه خلال تمثيلنا بأن قدم أو أخر ولم يحل أو يربط وإنتهت فترة عضويته في محلية من الحلو ما بحول بعد أن حال عليه الحول وحل المجلس بقرار جمهوري حال بينه وبين تمثيلنا مرة أخرى.
|
|
 
|
|
|
|
|
| |
almulaomar
فيس بوك
تويتر
انستقرام
يوتيوب
بنتيريست