يا عبداللة عثمان... يس عمر الأمام شال الفاتحة على بنك الخرطوم اولا ثم بنك النيلين

Quote: الأخ عبداللة عثمان تحياتى فى أول زيارة لى للسودان بعد الهجرة فى عام 97 كنت قد ذهبت لبنك الخرطوم فرع البرلمان, (طبعا اخوك موظف سابق بالبنك وانا فى اجازة بدون مرتب لمدة سنتين, تم نقلى من الرئاسة الى دنقلا, وطبعا انا فى اجازة, وبدون مرتب وفى امريكا لم انفذ النقل, لذا تم استدعائى لمجلس محاسبة بعد اسبوعين, ولم احضر لذا تمت محاكمتى غيابيا, بالفصل من البنك) جملة اعتراضية... ذهبت لبنك الخرطوم للتحية والمجاملة واجراء معاملة بنكية, وطبعا وجدت جميع الزملاء كان قد اتى عليهم الدهر(فصلوا) واستلموا جوابات شكرهم خيرة الموظفين لأنتمائتهم السياسية, كما وجدت جيش جرار حديث التعيين من الأنقاذيين!!! ذهبت لقسم التسهيلات, وقابلت مدير القسم الذى كنت اعرفه من على البعد, وكان يرتجف,, لأن هنالك خطاب من الرئاسة ادارة التسهيلات, تطلب منه الذهاب للمحكمة ممثلا بنك الخرطوم ضد يس عمر الأمام, لأن يس عمر الأمام لم يوفى بدينه للبنك (دم الشعب السودانى) لقد كان السيد يس مستدين مبلغا كبيرا جدا من البنك وكان الضمان الوحيد هو مطبعة يمتلكها السيد يس عمر الأمام, ولقد كانت قيمتها اقل بكثير جدا من مديونته على البنك, لقد قرر البنك بيع المطبعة ولكن لم يتجرأ احد لشرائها وذلك لأن المالك يس عمر الأمام وان قيمتها لاتوفى جزء بسيط من قيمة الدين,, بل أكثر من ذلك اتضح انها مرهونة ايضا لبنك النيلين!!!!!! عجبى قمة فى الفساد الأسلامى (مثنى وثلاث ورباع) نعم ممكن تكون اترهنت مرة ومرتين وتلاته واربع,, المهم فى الموضوع صاحبنا اتصل بالرئاسة وقال ليهم والله كان استقيل ما امشى المحكمة,, انتو دايرنى اترفد؟ ولا اتبهدل؟,, لو فى زول امشى يمثل البنك يكون مساعد المدير العام للتسهيلات,, الكلام دة كلو كان قدامى,, والوقت داك حكومة الأنقاذ فى قمة جبروتها,, صاحبنا قال لى واللة المطبعة دقينا فيها الجرس,, مافى زول فتخ خشمو وما جابت ولا تعريفة ولا مريسة التامزينا, الغريب فى الأمر ومحيرنى الزول دة قدر يرهنا لبنك النيلين كيف, وهى مرهونة لبنك الخرطوم,, يا اما لعبة, يا الزول القام بالأجراء من التعينات الجديدة,, لأن اول اجراء الموظف بيتخذة هو التأكد من ان الجسم المعنوى خالى من الموانع الطبيعية,, وليس هنالك مطالبة قانونية ضد الجسم المعنوى,, فى الختام لك ودى والمتداخلين اجمعين لطفى

(عدل بواسطة Abu Eltayeb on 08-19-2007, 03:11 AM)