|
|
|
 Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
دكتور حيدر سلامي،
لحقت اتسختا يا دكتور بي ادبيات خطاب الاسلام السياسي النازي الاستعلائي؟
البعرفو عند معلمك الشهيد محمود كلو اسلام!
مافاهم انت ليه عايز حاملة مشعل الثورة تكون مسلمة تحديدا، بما يعني غير المسلمين بي فهمك الجديد ده، لا!
انتا لحقت نسيت من هو المسلم بالالف واللام في سودان دويلة لا اله الا الله؟
نعم، المسلم هو الجلابي تحديدا، او نوبة الجبال مثلا، الان كفار في نظر منظري دويلة لا اله الا الله!
دكتور حيدر قال خصوصا المسلمة قال، في نفس الوكت البتكلم فيهو بي صيغة كوكبية!
حولا ولاقوة!
ياربي الحاصل شنو، في الدنيا دي، لما حتي امثال دكتور حيدر، يجرفم خطاب الاسلام السياسي ولو لثانية؟
امنتو بامون، او محمود رسولا له!
| |
 
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
اكتر من دكتور حيدر، انا ككوشي ثقافة، مؤمن ايمان قاطع خلاصنا لن يتم الا علي يد امراة!
كموحد كوشي، هذا ما اؤمن، لانو هكذا امن اجدادي منذ عشرات الالاف من السنين!
عشان ما يظهر المهدي المنتظر اوزريس، هناك دور محدد حتقوم بيهو ايزيس في الاول.
ده من حيث ايماني العميق الذي لايحده حدود بي دور المراة، الكانت الساس والراس في ثقافتنا، قبل ما ندخل غيبوبتنا الحالية، بل بعضا من جوانب ودارنا الحالي يعود لغياب دورة المراة الكوشية في حياتنا علي مستوي الدولة.
اذن زعامة المرأة مفروغ منو، ولكن الذي صعقني هو اقصاء دكتور حيدر لغير المسلمة في السودان بي فهم الاسلام العربي للمفردة، من نيل هذا الشرف، رغم كل الحصل والحاصل في بلدنا!
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
سلامات يا بشاشا
Quote:
لاحظ الموضوع اصلا عن ناشطة يمنية مش مسلمة فازت بي جائزة نوبل.
فلماذا اقحام عقيدة هذه السيدة هنا؟
|
عاوز حوار يا كمال!؟
توكل كرمان تنمي لحزب الاصلاح .. الليهو الاسلام السياسي الاخواني ذات نفسو!
شفت كيف؟
هل دا بقلل من استحقاقها للجائزة؟
لا، ؤ ابداً .. تستحقها و نص و خمسة
تستحق الاحتفاء من الكل
نعم و الف نعم
انا قريت مداخلة د. حيدر في سياق مختلف، موافق لاعلاه
------
اذكرك و عزيزك القارئ ..
انا زول حساس شديد .. النبز بعمل لي بهق
اذا شايفني ما اتيت لحوار .. بالله ما تكرمش مشاعري
جلي مداخلتي دي بس
اتفقنا!؟
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: قيقراوي)
|
Quote: اذكرك و عزيزك القارئ ..
انا زول حساس شديد .. النبز بعمل لي بهق
|
والله يا قيقراوي او يا قيقرنا ضحكت من البهق واحكي لك واقعه
انا ذهبت لشباب في امريكا الحقيقة هم الذين اصروا علي ان ابيت معاهم
اها في الصباح جابوا لي شاي سااادة وانا ليس لي في السادة او القهوة اذا في شاي بلبن صباحي اوكي
ما سالتهم تذكرت واقع الحال وان زمان ناس تشرب الشاي بتمرات يجعلن للشاي طعما لان السكر في حال معسر
اها براهم قعدو يتحدثوا عن الحلال والحرام اها في نظرهم ان اللبن حرام وان جديد وضيف اقلتها في حناني
قلت يا ربي لييه اللبن حرام اها قالو الماده الحافظه مادة خنزير ؟؟
لعنت الهوس الديني في سري وعلني وحكاوي كثيرة ؟؟
بشاشا
تحياتي الطيبة
مررت للمعرفة وقراية ما قاله دكتور حيدر
بجييك راجع
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: قيقراوي)
|
قيقا مرحب بيك،
مؤهلات السيدة اليمنية والجائزة اطلاقا ما موضوعنا.
موضوعنا انو احد ابرز تلاميذ الاستاذ محمود في المنبر ده، خطابو فيهو ظلال من ادبيات الاسلام السياسي، وهذه ملاحظة حبينا نبرزا، عشان نفهم الحاصل في الدنيا دي، شنو!
الاقتباس واضح جدا، لالبس ولاغموض فيه، بخصوص تذكية دكتور حيدر للمسلم تحديدا، واقصاء لغير المسلم!
مع انو الموضوع بعيد كل البعد عن قضية مسلم او كافر!
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
Quote: شاشا
تحياتي الطيبة
مررت للمعرفة وقراية ما قاله دكتور حيدر
بجييك راجع |
صبري الشريف مرحب بيك.
حقيقة كلام دكتور حيدر مزعج او مفارق لي تعاليم استاذو، القدم روحو فداء لغير المسلمين في السودان، وهو يبتسم!
دكتور حيدر يدوس علي ده كلو او بي بساطة يقصي السودانية الغير مسلمة فقط لانو صادف او كانت ما مسلمة بالفهم الغريب، شوفوني، متعصب او استعلائي لي مصطلحات مسلم او ما مسلم في ادبيات الاسلام السياسي، من فرصة نيل شرف قيادتنا كشعب!
ياخي حتي الترابي عراب الاسلام الوافد، ابتدا يتعري او يتبرا من مفاهيم اقصائية، متحجرة، متخلفة، عدائية، زي دي!
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
Quote:
دكتور حيدر يدوس علي ده كلو او بي بساطة يقصي السودانية الغير مسلمة فقط لانو صادف او كانت ما مسلمة بالفهم الغريب، شوفوني، متعصب او استعلائي لي مصطلحات مسلم او ما مسلم في ادبيات الاسلام السياسي، من فرصة نيل شرف قيادتنا كشعب!
ياخي حتي الترابي عراب الاسلام الوافد، ابتدا يتعري او يتبرا من مفاهيم اقصائية، متحجرة، متخلفة، عدائية، زي دي!
|
سلامات يا بشاشا
نعرف "الاصلاح" عموماً .. و جيل توكل كرمان و تحديداً هي نفسها عملوا اختراق كبير جداً في داخل تيارات الاسلام السياسي ..
اقلها و ارفع تمظهراتها انهم داخل تجمع احزاب "اللقاء المشترك" البجمعهم مع القوميين العرب، الاشتراكيين، الليبراليين .. بل حتى الشيعة، كتيار اسلام سياسي مغاير و مناقض.
في تصريح رسمي اقر الشيخ الزنداني : " الشعب اساس الشرعية و الحقوق" و ا مفهوم نرمزي بنسف كل خطرفات النتأسلمين بالحق الالهي وو التفويض الالهي!!
Quote:
تعد توكل كرمان أحد أبرز المدافعات عن حرية الصحافة وحقوق المرأة وحقوق الإنسان في اليمن وهي ابنة السياسي والقانوني المعروف عبد السلام خالد كرمان . على الرغم من النظرة التقليدية للمرأة في مجتمع محافظ كاليمن ، إلا ان كرمان قدمت نموذجاً متميزا للمرأة التي تخوض في الشأن العام بشجاعة وإصرار ، فكانت في مقالاتها ومواقفها ناقدة قوية وفاضحة للفساد وانتهاكات حقوق الإنسان ، ولطالما دعت إلى ثقافة الحوار والتعايش وانتقدت التطرف والغلو والإرهاب وضرورة الإصلاح والتجديد الديني .
|
و تذكر انو الجائزة مجالها " السلام"
المجد لله في الاعالي ..
و على الارض السلام
و للناس المحبة
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: قيقراوي)
|
قيقا شلوم تاني،
ياخي مقدر كلامك عن كيزان اليمن وهذه السيدة الفازت بالجائزة، ولكن ده ما موضوعنا.
موضوعنا هو اقصاء ابرز تلاميذ محمود بالمنبر، لغير المسلمين، رغم كل محارق الابادة والتطهير العانو منها غير المسلمين او العرب في بلدنا!
ده موضوع البوست يا عزيزي.
كيزان اليمن ادري بي بلدم ثقافتم او اسلامم العربي، فلا ناقة لي ولاجمل في اجتهادات اسلا ميي اليمن مع كامل احترامنا ليهم.
فقط احنا ماعايزين ولا محتاجين لي اسلام هذه السيدة في بلدنا!
لهم اسلامهم ولنا اسلامنا!
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
بشاشا
ليه عدلت في اقتباس اخونا حيدر؟؟؟؟؟؟؟؟؟؟؟؟؟؟
الامانة وعلامة الاقتباس تستدعي وتعني ان تقتبس الكلام كما ورد!!!!!!!!
اقتباسك:
Quote: | Quote: الذي ظلت المرأة المسلمة تتطلع إليه خصوصا المسلمة |
|
كلام حيدرالاصلي:
Quote: وسيساهم فوزها في ترسيخ الدور الكوكبي
الذي ظلت المرأة المسلمة تتطلع إليه. فقد آن للمرأة من حيث هي إمراة، خصوصا
المسلمة، أن تحمل مشعل الثورة الفكرية، الثقافية، العلمية، وأن تنطلق بنا
حيث فشلنا نحن، الرجال، إلى آفاق أرحب! |
كما تلاحظ الفرق كبير، فاصلة صغيرة ممكن تغير كتيير يا بشاشا
بعدين حيدر متين كان شيوعي ولّ ملحد حتى يمنع من حض المرأة المسلمة لتتبوأ الدور المناط بها
انت اكيد بتكون زعلتك كلمة العروبة، موش؟
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: الشفيع وراق عبد الرحمن)
|
الشفيع مرحب بيك،
كلامك صاح، حصل خطآ في الاقتباس ولهذا نعتذر بشدة.
كانو اقتباسين منفصلين، خشو في بعض.
الاقتباس الاول كان لي تخصيصو المرأة المسلمة تحديدا كمتطلعة لي دور كوكبي، كتر خيرك الجبت الحتة دي بعد ماطشت، والاقتباس الثاني كان حول تصورو لي مشعل الفكر، شايلاهو مسلمة حصرا، وهذا عجيب بحق!
| Quote: بعدين حيدر متين كان شيوعي ولّ ملحد حتى يمنع من حض المرأة المسلمة لتتبوأ الدور المناط بها |
الشفيع،
نوع حيدر ده انتو ما اعدمتو شنقا، بدعوي الكفر المباح لاي بني او بنت ادم بنص القران ومن شاء، فليكفر؟
هسي ذات الكافر الجمهوري اصبح فجاة مسلم او ما ملحد، لانو بردد في كلامكم المتخلف عن مواطنة وادمية معيارا اسلام العرب؟
اشمعنا المراة المسلمة اسلام سياسي اي اسلام ثقافة عربية هي المناط بها تحديدا؟
ليه؟
عشان ميزتا شنو مثلا، المستلبة هذه، او نموذج اسلامكم شايفنو قدام عينا عديل كده؟
| Quote: انت اكيد بتكون زعلتك كلمة العروبة، موش؟ |
نعم مع تعديل طفيف:
انا زعلان ما من كلمة عروبة، ولكن من ادعاء ذنوجة للعروبة هربا من اصلهم!
طبعا انتا ما شايف عار تنكر البني ادم لي اصلو وادعاؤو بالباطل لي هوية غزاتو او مستعبديه العرب!
واخ الاستلاب، في الاسترقاق الثقافي، العربي يسعدو، اما نحن المعتزين بي اصلنا الاسود كذنوج افارقة، فنشقي بي زي استعذاب امثالكم لي ذل العبودية بواسطة الاعراب!
معاي حق ولا لا؟
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
| Quote: طبعا انتا ما شايف عار تنكر البني ادم لي اصلو وادعاؤو بالباطل لي هوية غزاتو او مستعبديه العرب! |
ومنو القال ليك اني من (المغزيين)، موش ممكن اكون من (الغازين)؟
انا لا اتنكر لي اصلي
انامسلم، زنجي، عربي
عرب ممزوجه بى دم الزنوج الحاره ديل اهلى
نيلنا ازرق ونحنا سود
وصغيرنا يحتقر الاسود
ايمان قوى واراء تسود
وكرمنا ما جحدو الحسود
ديل اهلى البقيف فى الداره وسط الداره واتحكر واقول للدنيا ديل اهلى
عرب ممزوجه بى دم الزنوج الحاره ديل اهلى
لو ماكنت من ديلاى واسفاى وا مأساتى وا ذلى تصور كيف يكون الحال لو ماكنت سودانى واهل الحاره ما اهلى
بخصوص خطأ الاقتباس تشكر على الاعتذار والمفروض يتبعه قراء تانية للمقتبس
وبقية المداخلة اخونا حيدر كفيل بالرد عليها
تحياتي
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: الشفيع وراق عبد الرحمن)
|
الاخ الغالي مرحب بيك، نورتا البوست.
اولا انا سعيد جدا بي لغة "الاقلية الحاكمة" في خطابك، اللي بشاشا فعلا ابنها، وان كان عاق!
الكلام انتا يالغالي!
للاسف بي زي وعيك القبلي ده، عامل "عربة" او غيرك "زرقة" في دارفور انتا بتحارب كعسكري نفر في جيش الاقلية الحاكمة.
هل صدفة اننا ما سمعنا منك تحدثنا عن الاستوج مجرم الحرب الجنجويدي موسي هلال مثلا او دورو كمخلب قط، بينما انت تسود الصفحات عن قبلية العدل والمساواة، او كيف هي مجرد واجهة للمؤتمر الجلابي الشعبي، بل الانكا تصويرك للصراع في دارفور مابين الاغلبية المهمشة والاقلية الحاكمة، كصراع "غرابة" او بالتالي يبعد من تعرية امثالك من ركابين السرجين، القبليين، بشاشا!
نجي لي موضوع البوست الانتا جيت معتل بقج غباينك كايس تسد، فوق النافوخ:
| Quote: الدكتور حيدر بدوى صادق قمة سامقة ليحاسب بسطر او فقرة عبر عنها |
علي العكس، القمم السوامق الحساب معاها بكون اكثر تدقيق بحكم موقعا في سلم المسؤولية.
بعدين المواقف والافكار لاتقاس بكم الحروف او السطور، ولكن بكيفها.
دكتور حيدر يظل اكثر جمهوري عرفتو، عايش في حالة عقدة ذنب متجذرة، لما يتصوره خذلان من تلاميذ الشهيد محمود لوالدم الذي احبهم، ساعة الصفر.
اذن انطلاقا من هذا المستوي العالي جدا، من الاحساس بالمسؤولية، تجاه تعاليم الشهيد محمود او ضروة الوفاء لها، احنا بادرنا بمحاسبة دكتور حيدر الذي حاد عن جادة تعاليم، رسول امون في نظرنا بل خان دماء والده اللتي بذلها رخيصة فداءا لغير المسلمين بالفهم الاسلاموي للمفردة، عندما قاوم قوانين سبتمر حد الاستشهاد كما لم يقاومها احد قط.
مصداقا لنبوأة رسول امون، دويلة المسلمين حصرا حصدت ارواح اكثر من 2,000,000 في الجنوب بدعاوي ادخالم في الاسلام!
هل يعقل بعد ده كلو تاني من اول اوجديد دكتور حيدر يدعونا الي عزل واقصاء غير المسلمين من قيادة الثورة القادمة؟
ثم وفقا لتعاليم الشهيد محمود، مافي حاجة اسمها ده مسلم او داك غير مسلم لومسيحي. بل كلهم اصلا مسلمين، ولهذا هو بيسمي الاديان الثلاثة، الثالوث الاسلامي.
بعيدا عن طرح الشهيد محمود، كافارقة وسودانيين، عمرنا في حياتنا اليومية ماعرفنا التمييز علي اساس الاعتقاد فيما قبل الغزو الكنسي الصليبي اوغزوة المرتد ابن ابي السرح،!
ده فهم ثقافة عربية، بدوية، قبلية حتي النخاع، وافدة او دخيلة علي وعينا الصوفي، الروحي الخالص من شوائب النزعة المادية البارزة في مرجعة الثقافة القوقاذية بعامة او في مقدمتا الثقافة العربية، بحكم خلفيتا البدوية، في مقابل خلفية ثقافتنا الحضرية الزراعية، تاريخيا!
اذن دكتور حيدر بي تبنيه، لي طرح اسلام الثقافة العربية، العدواني، شوفوني بي طبعو البدوي، يعيد انتاج ماساتنا الماثلة الان في دارفور، الجبال، والنيل الازرق، فوق لي خروجو التام في الحتة دي، عن تعاليم والده، الشهيد محمود.
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
Quote: upده فهم ثقافة عربية، بدوية، قبلية حتي النخاع، وافدة او دخيلة علي وعينا الصوفي، الروحي الخالص من شوائب النزعة المادية البارزة في مرجعة الثقافة القوقاذية بعامة او في مقدمتا الثقافة العربية، بحكم خلفيتا البدوية، في مقابل خلفية ثقافتنا الحضرية الزراعية، تاريخيا!
|
العزيز بشاشا
تحياتي
صراحة انا اختلط على الموضوع في الاقتباس الفوق ، هل العبارة الانتا ذكرتها في الاقتباس ( او في مقدمتا الثقافة العربية ) تقصد بيها العبرية ام العربية كما في الاقتباس ، و لو بتقصد بيها العربية حاول صحح لي معلوماتي و فهمي بقدر الامكان ، لاني اعتقد ان احتقار العرب للسود هو ردة فعل في عقلهم الباطن راجعة لاحتقار بني سارة لابناء هاجر السوداء لانهم كابناء لسارة لم يجدوا لانفسهم مزية غير تمجيد لون ولدتهم الابيض و تحقير اللون الاسود لزوجة ابيهم صاحبة الحضارة المتفوقة في ذلك الوقت بان هذا اللون الاسود كان نتيجة نقمة من الخالق اثر دعوة جدهم الاعلي على احد ابناءه بسبب موقف ما ، و شملت تلك اللعنة ذرية ذلك الابن الي ابد الابدين . و الحال ينطبق على السودانيين المستعربين الذين يحتقرون ذوي البشرة الاكثر سوادا لا لسبب ا لا لانهم يفترضوا في انفسهم انهم لا يقلون عن عرب نجد و الحجاز عروبة و انهم ايضا يحتقرون ذلك الاسود و اكثر منهم ، و يستعيرون العقل الباطن العربي الباطن الذي يريد ان يثبت للعبري او اليهودي انه ايضا قادم من نفس البيئة الرعوية القوقازية السامية المميزة عن تلك البيئة السوداء المتخلفة ، وان دم العربي السوداني لم يختلط بدماء هؤلاء المزارعين السود الحقراء العبيد الا لان جده السامي جاء لهذه الارض دون ان يصطحب معه زوجته العربية السامية البيضاء التي لو هاجرت مع جده لما كان حاله كما هو اليوم و لكنه يثبت لكم انه ابنكم و من صلبكم و يجب ان تقبلوه و تغفرو خطأ جده لانه يفعل كما كان يفعل اباءه بالسود .
تحياتي و تقديري لدكتور حيدر و ارجو ان تجمعنا الظروف قريبا
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
| Quote: دكتور حيدر يظل اكثر جمهوري عرفتو، عايش في حالة عقدة ذنب متجذرة، لما يتصوره خذلان من تلاميذ الشهيد محمود لوالدم الذي احبهم، ساعة الصفر. |
العزيز د/حيدر ...
أهو زي الكلام الفوق ده .. نتاج لعدم الوقوف بشدة أمام الموهومين ومصنفي أنفسهم كأنصاف آلهة يشرفون على تقسيم العباد بمعرفتهم ومقدرتهم الفائقة على التوغل داخل الأنفس ومعرفة خباياها كما فعل الأمير الكوشي أعلاه .
....
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: حاتم يوسف العبيد)
|
سلام لكوش وللكوشى وتحياتى للمتداخلين
مايريد بشاشا قوله واضح الا لمن لمن يريد تفسيره حسب ما يبتغى
وفعلا بتعمل مخولة فى الدماغ لمن يحتفى د.حيدر بالفائزة على اساس اسلامها
وحتى مسلمة واى فهم للاسلام وهو الملتزم بتعاليم الاستاذ محمود وبينما نجد توكل
اخت مسلمة وتؤؤل للاصولية وتؤمن تماما بايات الفروع لا الاصول ,والمدنية لا المكية
التى تجعل الوصاية والقوامة من الرجال على النساء ووفق القهم الفهم السلفى المسلم اعلى من
التصرانى ولا ادرى لماذا لم تصدر فتوى فقهية بتحريم هذه الجائزة ولا يحق لمسلمة استلامها
وهى المحجبة كما يقولون وفى راى ان هذا يثبت مدى شفافية الغربيون وعدم تمييزهم بين
البشر على اساس اللون او العنصر او الدين وهذا هو عين التدين عند الاستاذ والصوفية .
وكما نجد ان حيدر حاول ان يحليها شوية وقال فازت مسلمة عربية واخرى افريقية وارجعنا
للافروعربية فى الستينات والسبعينات من القرن الماضى وايام الغابة والصحراء وارادنا ان نحتفل
فى هذا الاطار ونقول له too late يادكتور نحن تخطينا السودانوية والوحدة فى التنوع الى افاق
ارحب للهويات الثقافية وحتى الاسلام السياسى يتحدث عن الوحدة فى التنوع وتخطى الافروعروبية
لكن قد يكون الدكتور مازال فى ثمانينات القرن الماضى وعندما تكالبت قوى الظلام وازهقت روح الاستاذ
وحيدر يقول يزع بالسلطان ما لا يزع بالقران واذا لم تصدقونى اقراوا صحيفة السودانى اليوم الثلاثاء 11-10-2011
واقراوا ما خطه د.خيدر صادق وهذا الغزل الرفيع فى حق المؤتمر الوطنى غزل لم يقول بمثله الا الجمهورى
القيادى وشاعر الاستاذ الملهم عوض الكريم موسى ولذا لا تستغرب لطرب اهل الاسلام السياسى والعروبيين من امثال
وراق لما يقوله حيدر .
صابر عابدين
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: صابر عابدين)
|
Quote: مايريد بشاشا قوله واضح الا لمن لمن يريد تفسيره حسب ما يبتغى
وفعلا بتعمل مخولة فى الدماغ لمن يحتفى د.حيدر بالفائزة على اساس اسلامها وحتى مسلمة واى فهم للاسلام وهو الملتزم بتعاليم الاستاذ محمود |
الاخ العزيز صابر مرحب بيك، نورت البوست.
دعني اقيف لدي مفهوم شهيد امون للدين او الاسلام او كيف انو واحد، او كلو اسلام.
الفهم ده حقيقة ضخم!
والاضخم، انو تاريخيا صاح، بي صورة تذهلني باستمرار!
فقط كلام محمود تحديدا هو البجيك مقلع دافر، من بين السطور، لما انقب في الكتب القديمة اللتي تؤرخ الي ماقبل عصر الاهرامات اي منذ اكثر من 4,000 سنة، خلت!
مش كده او بس، بل اكثر اجد مقاربات محمود هي الوحيدة حسب علمي المحدود، البتوائم ما بين بعض مفاهيم تلك الحقبة، او مفاهيم عصرنا الحالي.
الان اؤمن ايمان كبير، انو محمود محمد طه، ليس بفرد عادي من غمار الناس، حقيقة.
نعم الاساس في طرح محمود هو ارثنا الصوفي، وارثنا الصوفي هو ذبدة ارث ماقبل عصر الاهرام " بري بي لهجة دنقلا"، ولكن علي نحو خام مخلوط بكم هائل من شوائب المعقدات الوافدة، كاسلام ابن ابي السرح، المرتد، او الاسلام السياسي، ولكن الشهيد محمود كمنقب تمكن من صهر خام ارثنا هذا، واتانا بالدهب المجمر حقيقة!
خذ مثال بسيط جدا، زاوج فيهو محمود مابين روح عصرنا، او عصر الاهرام، فيما اتصل بي اساليب نشر المعرفة، المتمثل في اركان النقاش!
في ارث عصر الاهرامات الصوفي، هذا تابو او محرم تحريم كامل، يخرج عن الملة بي فهم الاسلام السياسي للمفردة.
نعم، في فهم اجدادنا، انتا ما ممكن تلم الناس في مكان عام او تقول ليهم، قال الله!
بي فهم الوهابية اليوم، سلوك كهذا كان كفر زي ماتقول بي فهم اليوم، لانو الاعتقاد والدين امر خاص جدا جدا، او فردي، اساسو الممارسة مش النصوص!
النصوص في الزمن داك كانت لوكتبت بتكتب في شكل رموز فقط مش حروف، او حتي ده، كان بالحبر السري زي مانقول، امعانا في السرية المطلقة، والتركيز الكامل علي الممارسة مش الحفظ او التسميع!
هكذا امن اجدادنا، الذين حرمو مبدا الخوض علنا او جماهيريا في مجال المعرفة الاصلا لدنية بي مصطلحات محمود الخلاقة المعبرة.
المعرفة في فهم اجدادنا قط لم تخرج عن اطار التوحيد بي فهم الاسلام السياسي، الي درجة، نجد فيها، حتي الرياضيات اداة معرفة لدنية، توحييدية صرفة، بل حتي الموسيقي او بالذات الرقص!
نرجع لي موضوعنا، تاريخيا الاديان المتداولة اليوم من يهودية مرورا بالاسلام والمسيحية، وانتهاءا بالبوذية، الكنفوشية، والهندوسية، كلها ماخوذة، احيانا بالنص، من عقيدة التوحيد المروية، دين ماقبل عصر الاهرامات!
الزمن داك مش ابراهيم، اب الاديان "السماوية" الثلاث، "افتراضا"، بل جنس ابراهيم االسامي ، كمجموعة بشرية، لم تخلق بعد، او تمشي علي الارض مجرد مشي ساكت!
حقيقة الدين واحد، سمه ما شئت، والدين كوشي اي سوداني ومروي، من لدن ادم الكان ايضا سوداني، والي اليوم!
اذن من جانب اخر، كلام حيدر، مستفذ غاية الاستفذاذ، لما نضع في الاعتبار كيف اهلنا في الجبال البتعرضو للابادة في نظر البعض من اذلام ابن ابي السرح، حتي مسلميهم كفار عديل كده، دع عنك مسيحيهم، وهم اقدم بشر مشي علي قدمين، علي سطح هذا الكوكب، بل هم، او ممكن نضيف هم تحديدا، من وهبو البشرية التوحيد!
معقولة ناس زي ديل، اباء البشرية والاسلام بالالف واللام، بتاع ادم، بي جرة قلم دكتور حيدر عايز يشطبم من قائمة المؤهلين لقيادة ثورتنا القادمة؟
من هم قادة ثورتنا الان واللحظة يا دكتور حيدر؟
البموتو او بشردو بعشرات الالاف الان واللحظة او منذ مئات السنين، منم يا دكتور؟
ده كلو لايشفع لهؤلاء ولا يؤهلم الدخول في قائمتك مع ستك اليمنية؟
ما دخلنا نحن واليمنيين اصلا؟
حتقول لي تاني الاسلام؟
طيب بماذا شفع هذا الاسلام الوافد والدخيل، وبماذا نفع مسلمي دارفور، جنوب كردفان، والنيل الازرق، اصلا عشان تمرقا في اليمن من اول او جديد؟
الاصل السوداني للتصوف - منبع الفكر الجمهوري.
الاصل السوداني للاديان(1):اليهـــــــودية.
الاصل السوداني للاديان(2):المسيحية.
نعم، مصر الكوشية، القديمة، اسس حضارتها، جيش من جنوب السودان الحالي!
عروبة 'السودان':واقع أم أوهام وأضغاث أحلام!
...يتبع...
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: حاتم يوسف العبيد)
|
| Quote: صراحة انا اختلط على الموضوع في الاقتباس الفوق ، هل العبارة الانتا ذكرتها في الاقتباس ( او في مقدمتا الثقافة العربية ) تقصد بيها العبرية ام العربية كما في الاقتباس ، و لو بتقصد بيها العربية حاول صحح لي معلوماتي و فهمي بقدر الامكان ، لاني اعتقد ان احتقار العرب للسود هو ردة فعل في عقلهم الباطن راجعة لاحتقار بني سارة لابناء هاجر السوداء |
حمد فتح الرحمن مرحب بيك تشرفنا بمعرفة امثالك..
لافرق في اي شئ مابين فروع الثقافة السامية كان عربية كان يهودية كقاعدة.
احتقار العرب لابناء السوداء لاعلاقة له للمماحكة بين الضرات هاجر او سارة، لانها بتفترض سارة او ابناءها كانو بتعالو علي هاجر باعتبارا سوداء، والكلام ده او الانطباع ما صحيح بالمرة!
هذا اسقاط لقيم عصور تالية او بالذات عصرنا الحالي علي عصر هاجر، حيث التراتيبية الحالية كانت في الزمن داك راسا علي عقب!
بمعني ان امثال ايراهيم او سارة كانو هم مستضعفي عصر هاجر الكانو قومها حينها سادة الكون او في مصاف الالهة عديل كده!
سادة عالمنا اليوم البيض او القوقاذييين اليوم، او الجنس الاري، بالذات اوروبيي اليوم، كانو في قاع بشرية عصر هاجر!
شاملبيون الذي حقق في "وثيقة بيبان الملوك" اللتي قدمت تعريف موجز مع ترتيب راسي لوضعية اجناس الكون في عصر هاجر، مقارنة بقوم هاجر اي السودان، كتب في رسالة خاصة لي شاملبيون الاخر قائلا we have come a long way،في رباطة جأش يحسد عليها، وقد فجع الرجل بوضعية سادة اليوم "الخواجات" اهله، في قاع بشرية عصر هاجر، تماما كما هو حال قوم هاجر في عالم اليوم!
طبعا اطلاقا ما خطر بي بالو ولا في الخيال انو ده يكون حال الانسان الابيض، سيد هذا العصر، في عصر هاجر، بالذات انو الرجل قدم الي مصر للتنقيب عن اثارو اجدادو البيض، مؤسسي حضارة مصر القديمة، كما فهم جورج رايزنر الامريكي الملقب باب تاريخ السودان القديم، ياللنكتة، عند قدومو للسودان للتنقيب عن تاريخ اجدادو البيض!
كطالب في اداب جامعة الخرطوم، في حصة التاريخ اشهد هذا ما لقننوني اياه!
نعم المقرر الرسمي لتاريخنا، ينصب مخلوق زي ده كاب لي تاريخنا القديم!
هل صدفة انو ده حالنا اليوم؟
او ده حال نظرتنا لانفسنا كقوم سود؟
وكنتيجة نحن نذبح ما نظن انهم زرقة، ونحن عربة، اين ما وجدناهم اليوم في بـــــــــــــــــــــــــلاد الــــــســـــــــــــــــــودان يا لسخرية الاقدار؟
اذن العرب ابناء السودان احتقرو حبوبتم، فقط لانها بنت سوداء، بي فهم العصور التالية او بالذات عصرنا!
اذن ابوذر لما شتم بلال كابن سوداء، الصحابي حينها كان بمارس في الاسقاط النفسي من جانب اخر علي خالو بلال، اي "الخال" الان بي لغة اليوم!!
فاللون الاسود وليس الابيض هو الكان ممجد في عصر سارة.
بل مرا علي اجدادنا حين من الدهر، كانو لما يلاقو زول ابيض علي الفور بيكتلو عديل من فرط مقتهم للون الابيض، ولكن ليس من منطلق عنصري بي مفاهيم اليوم بالمناسبة، او ماعايزين نسرح اكتر برا موضوعنا.
اذن كراهية العرب لاعلاقة له بابنا عمهم اسحق او والدتو سارة، وان وظف ابناء اسحاق لاحقا دونية ووضاعة اصل والدة العرب "السوداء" بي فهمهم، لمصلحتم.
قريت في الشرق الاوسط مرة اشتباك بين اليهود والعرب بي خصوص هاجر، وقد ذهلت حقيقة حينها!
Quote:
هذا اللون الاسود كان نتيجة نقمة من الخالق اثر دعوة جدهم الاعلي على احد ابناءه بسبب موقف ما ، و شملت تلك اللعنة ذرية ذلك الابن الي ابد الابدين . |
اللعنة والنقمة علي اللون الاسود طبعا حديث جدا، لايتعدي القرن السادس الميلادي طبقا لمراجعنا، وهذا يؤكد ما ذهبنا اليه كيف النظرة لي هاجر كابنة سوداء، او بالتالي "عبدة" حديثة جدا، او بالتالي هو اسقاط لمفاهيم عصور تالية علي واقع عصر سابق مختلف اختلاف جذري!
هذه اللعنة علي الانسان الاسود في التوراة افتراضا هي انعكاس لواقع الصراع الضاري الذي جري في اسرائيل ما بين الساميين والكنعانيين، وهذا لا يختلف عن الصراع الاعنف الذي دار في جنوب الجزيرة العربية او جنوب مصر في عصر ترهاقا، الذي يمثل بالحق الحقبة المفصلية في تاريخ الانسان الاسود، الذي صاغ اساس وضعيتو الحالية في عالم اليوم.
كاحساس بالقلب، تجدنا متعلقين بي سيرة ترهاقا من دون ما نعرف التفاصيل!
ختيت بالك لي لازمة "جنوب" هذه المباريانا من دهور؟
ادعاء ذنوجة السودان للعروبة، كهروب او جك مما يتصورونه اصل ########، حقيقة مبكي حد الضحك!
لانو اساس هذا التصور للانسان الاسود في عالم اليوم، ليس السود، وانما غزاتهم، والمصيبة هنا!
الفي يدو القلم طبعا ما بكتب روحو شقي!
شقي الحال قطعا هو الاسود المتمدد بين يدي الغازي الابيض، كما الميت، في حالة تنويم مغنطيسي كامل، يتلقي فيه، مثل هذه التصورات المسبقة عن دونية الانسان الاسود، الذي لم يسهم في تاريخ الحضارة البشرية، اللتي انشاها الانسان الابيض، بخلاف توفير مادة الاستعباد، للسيد الابيض!
لهذا نحن ندعو قومنا ان هلمو الي المدرسة الافريقية، لتتعلمو عن انفسكم، بانفسكم!
حقيقة امني النفس بقيادة مسيرة في شوارع الخرطوم نتبول فيها شخخخخخخخ او علنا علي اعمال الثنائي نعوم شقير او جورج رايزنر، بعد حرقها، حتي لايتسبب هذا الحريق في اي ضرر، ينجم عن السنة اللهب المتصاعدة ذات نفسها، بحرقة!
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
Quote:
أهو زي الكلام الفوق ده .. نتاج لعدم الوقوف بشدة أمام الموهومين ومصنفي أنفسهم كأنصاف آلهة يشرفون على تقسيم العباد بمعرفتهم ومقدرتهم الفائقة على التوغل داخل الأنفس ومعرفة خباياها كما فعل الأمير الكوشي أعلاه .
|
حاتم العبيد مرحب بيك
عارفك جاي من وييين او بالتالي ماشي وين!
بالنسبة لي دكتور حيدر، خليهو يجي او ينكر كلامنا ده، لو بقدر.
كونو يقوم صوف ما بحلو، او هو عارف بشاشا لايجامل قط.
مافي توغل هنا، ولا الهة، ولكن كلام منشور هنا في المنبر ده، يعبر فيهو دكتور حيدر عن خذلان الجمهوريين لي شيخم محمود!
دكتور حيدر بدل مجرد الخذلان، الان يخون دم والدو كما اسماه، اي الشهيد محمود، بي اقصاؤ لغير المسلمين، او اشتراطو الاسلام بي فهم الثقافة العربية كمؤهل لقيادة الثورة القادمة.
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Bashasha)
|
عزيزي بشاشا،
تحياتي وشوقي، يا صديقي اللدود!
قبل أن أساهم بالتداخل هنا، هل لي أن أطلب منك إنزال المداخلة المعنية
كاملة؟ في تقديري أنها ستعطي القارئ الكريم فرصة وافية ليقدر
المعنى المقصود من السياق العام للمداخلة. هذا يقتضيه العدل والانصاف
الفكري، كما لا يغيب عليك. وتقتضيه أخلاقيات الحوار الحر، بين
كوشي، وآخر، مثلي، يزعم أنه ليس كوشياً فحسب بل كوشي وزيادة!
| |
|
|
|
|
|
|
|
|
|
Re: حتي د.حيدر بدوي الجمهوري اصابه مس خطاب الاسلام السياسي! (Re: Haydar Badawi Sadig)
|
دكتور حيدر شرفت البوست،
انتا عارف قسوتنا عليك من معزتنا ليك، وهي من باب الصدق مع النفس او مستحقات البر، والدين النصيحة، لو ممكن نستلف ده، سلفة!
فيما يلي الاقتباس كامل:
Quote:
شكراً، يا واصل، وموصل!
ترتيبك للفائزات فيه رسالة عميقة، أقدرها منك أيما تقدير.
توكل، الناشطة اليمنية، كما أشارت الكريمة نازك، تستحق هذه الجائزة
عن جدارة. وأضيف على ما ذكرته نازك، أن هذه الناشطة اليمنية
الفريدة، لا تعمل في ظروف قاهرة للمرأة فحسب، بل هي تعمل بقدرات
فكرية، وعلمية، وتنظيمية فائقة. طاقتها في العمل لا تكاد تكون لها حدود.
وهي سابقة لكل من رشحوا، من مصر وتونس وغيرها، ليس في مجال العمل
السياسي العام فحسب، بل في مجالات عدة، تشمل العمل الطوعي. هي، باختصار،
سيدة، يمنية، كوكبية فريدة. وسيساهم فوزها في ترسيخ الدور الكوكبي
الذي ظلت المرأة المسلمة تتطلع إليه. فقد آن للمرأة من حيث هي إمراة، خصوصا
المسلمة، أن تحمل مشعل الثورة الفكرية، الثقافية، العلمية، وأن تنطلق بنا
حيث فشلنا نحن، الرجال، إلى آفاق أرحب!
أما أختينا من ليبريا، فلا جدال أنهما استحقتا الجائزة عن جدارة كذلك. فهما، إضافة
إلى أنهما رائدتان، كل في مجالها، فقد عملتا في ظروف قاسية، وكانتا دوماً على
إستعداد على تقديم روحيهما فداء للإنسان.
أكتب في عجلة من أمري، يا واصل، فأعذرني إذ أتوقف هنا، راجياً منك أن تتفضل،
مشكوراً، بإمداد الخيط بسيرتنا إخواتنا الثلاثة.
فما أسعدنا اليوم، نحن السودانيين، إذ نحتفي بأفريقيا في أختينا الليبيريتين، وبإسلامنا
وعروبتنا في أختنا اليمنية!
في تقديري، وبحكم موقعنا الجغرافي والإنساني، نحن كسودانيين، يجب أن نكون
أسعد أهل الأرض اليوم!
أليس كذلك؟!!! |
| |
|
|
|
|
|
|
| |
Bashasha
قيقراوي
الشفيع وراق عبد الرحمن
فقيرى جاويش طه
الغالى شقيفات
حمد فتح الرحمن
Haydar Badawi Sadig
فيس بوك
تويتر
انستقرام
يوتيوب
بنتيريست