|
Re: لا عقلانية العداء لامريكا بين السودانيين. (Re: Bashasha)
|
يا بشاشه حركتك دى ما ظريفه،انحنا بدينا نقاش فى بوست تانى ومتعلق بنفس الامر،ما كان فى داعى تفتح واحد تانى بعد ده مافى مشله،نتناقش هنا،بس ما النقاش يجر تمشي تفتح بوست تالت لووووول
قبل ما نمشي قدام ممكن تشرح لى الاتى، عشان اكون فاهمك كويس
- ماذا تعنى ب Quote: صراع ثقافات حول المصالح |
كيف تتصارع الثقافات على المصالح،واى مصالح تعنى الموارد الماديه المتاحه،ام الهيمنه الثقافيه،ماهى تجليات هذا الصراع الثقافى على المصالح؟؟ - كتبت Quote: وكمحصلة نهائية الصراع سينحصر ما بين البيضان والسودان، |
من هم البيضان و من هم السودان،هل هى مجموعات عرقيه تقسم حسب لونها دون اعتبار للفوارق والمواقع الاجتماعيه بينها؟؟ هل الذى يحدد موقع هذه المجموعه او تلك من هذا الصراع الثقافى على المصالح هو لون بشرتها فقط ؟؟ اين موقع المليارات من البشر (الهند و الصين مثلا) وهم لا يصنفون انفسهم لا بيض و لاسود؟؟ - ما معنى هذا الكلام Quote: استراتيجيا لا افرق بين العربي والغربي واليهودي، حيث يتبع ثلاثتهم لثقافة المهد الشمالي والجنس الاري او القوقازي |
هكذا و فى سطر واحد تلغى كل التمايزات والاختلافات الثقافيه و الطبقيه (نعم الطبقيه الكلمه التى صار يخشي الكثيرين استخدامها)والدينيه واللغويه والحضاريه والاقتصاديه و التاريخيه بين هذه المجموعات،اذا افترضنا صحة هذا التقسيم من اساسه،بينها وبين بعض و فى داخل كل مجموعه على حده؟؟ وتضعها كلها فى مواجهة القوميه الافريقيه او السوداء؟؟ الا ترى فى طرحك هذا اختزال و تبسيط مخل جدا لتركيبة المجتمعات واذا كنا ننتقد ما عرف بالماركسيه المبتذله لانها تختزل الصراع المعقد جدا لصراع اقتصادى بين الطبقات وان البنيه التحتيه تحدد البنيه الفوقيه بشكل الى،هل نستجير من نار الاختزال الاقتصادى برمضاء الاختزال العرقى ولون الجلد؟؟
- كتبت
Quote: تكتيكيا وفي الظرف الراهن كافارقة وكسودانيين مصالحنا تقتضي الحياد في الصراع العربي اليهودي، مما يستدعي الموازنة الدقيقة في علاقتنا بالعرب واليهود وعلي قدم المساواة، علي ان نميل متي مانميل، حيث مالت مصالحنا.
وحيث لا افرق كثيرا مابين امريكا واسرائيل علينا ان نوطد علاقاتنا بالاثنين علي نحو يخدم الخلل في التوازن القائم الان، والمائل كلية تجاه العرب بلا طائل او ادني مردود، بل ضار تماما لمصلحة السودان.
وفي كلمتين، لا للعداء لامريكا واسرائيل، من اجل عيون العرب. |
يا اخى العداء لامريكا ليس من اجل عيون العرب،بل من اجل المبادئ ،نعم المبادئ ايضا كلمه عادت لا تعنى الكثير فى زمن السوق والبيع والشراء،و برضو من اجل المصالح والبتخصنا انحنا السودانيين. نبدا من الاول :كونوا انو فى السودان مورس ويمارس استعلاء عرقى من قبل مستعربى السودان وظلت ما تسمى الدوله السودانيه ترسخ لهذه السياسه ووصلت اعلى مراحلها بوصول غلاة تيار العروب-اسلاميه هذه نتفق فيها،يجب ان نكشف قناع هذا التيار،ومحاربة سياساته المعلنه والخفيه،وكون مواقف كل الدول العربيه ومعظم التيارات السياسيه العربيه من القضيه السودانيه موقف سئ و مخجل ومنحط لا جدال فيها وكون الواقع العربى يدعو فعلا للتنصل منه هذا واقع،سؤالى هل كل هذا ينفى ان شارون فاشي و مجرم حرب وان الدوله الصهيونيه (مثلها مثل جنوب افريقيا سابقا)دوله قائمه على التمييز و دوله عنصريه؟؟ لا ثم لا. كون ان هناك مستعربين او اسلاموين تهتز قلوبهم لما يجرى فى الفلوجه او لاغتيال الشيخ احمد يس وكلهما بشع و لا انسانى و لايهزهم التطهير العرقى فى الجنوب ودارفور وكلهما بشع و لا انسانى بل ينكرونه ويتهمون من ثار على الظلم بالعماله والخيانه،كل هذا لن يدفعنى لرد الفعل بالتعامى عن الماسي والمذابح التى ترتكب هنا وهناك،بل فى كل مكان واكرر لك مره اخرى فى المكسيك مع انتفاضة الهنود او مع ثوار الدرب المضئ فى كولومبيا او البوليساريو او سكان الاقاليم المستغلين من قبل شركات البترول فى نيجيريا (اتذكر حملة التضامن مع سارو ويوا النيجيري) الخ...تبقى نقطه اتفق معك فيها انو اولويتنا السودان...و ارجع اقرا كلام خالد الحاج تانى اواصل
|
|
|
|
|
|
|
العنوان |
الكاتب |
Date |
لا عقلانية العداء لامريكا بين السودانيين. | Bashasha | 04-12-04, 01:11 AM |
Re: لا عقلانية العداء لامريكا بين السودانيين. | خالد الحاج | 04-12-04, 01:34 AM |
Re: لا عقلانية العداء لامريكا بين السودانيين. | kamalabas | 04-12-04, 01:48 AM |
Re: لا عقلانية العداء لامريكا بين السودانيين. | kamalabas | 04-12-04, 02:26 AM |
Re: لا عقلانية العداء لامريكا بين السودانيين. | مراويد | 04-12-04, 02:39 AM |
Re: لا عقلانية العداء لامريكا بين السودانيين. | مراويد | 04-12-04, 02:43 AM |
Re: لا عقلانية العداء لامريكا بين السودانيين. | maryoud ali | 04-12-04, 03:02 AM |
Re: لا عقلانية العداء لامريكا بين السودانيين. | Bashasha | 04-12-04, 03:09 AM |
Re: لا عقلانية العداء لامريكا بين السودانيين. | Mohamed Adam | 04-12-04, 05:30 AM |
Re: لا عقلانية العداء لامريكا بين السودانيين. | Bashasha | 04-13-04, 08:44 AM |
Re: لا عقلانية العداء لامريكا بين السودانيين. | ودقاسم | 04-13-04, 09:34 AM |
Re: لا عقلانية العداء لامريكا بين السودانيين. | حمزاوي | 04-13-04, 10:13 AM |
Re: لا عقلانية العداء لامريكا بين السودانيين. | Bashasha | 04-16-04, 11:37 PM |
|
|
|