يـــوم المـــــرأة..........و........طهــــارة الســــُنة

سجيمان تحياتي

ا طبعا الموضوع فى يد النسوان دى حقيقة. الشباب بقوا اهم حاجة عندهم انو البنت ما تكون مطهرة. عندنا واحد صاحبنا ظريف جدا، اتعرف ليهو على وحدة وظهرت بيناتم بودار اعجاب ماشي على وحب وزواج وحاجات زي دي الحكاية كانت سريعة جدا. المهم صحبك بقى متردد شديد سألنا يا زول مالك ما تتوكل البنت كويسه وما عندها عوجة تب. قال لينا بصراحة عندي مشكلة كبيرة جدا، قال البنت لحدي اسي ما عارفها مطهرة ولى لا، وعايز اعرف قبل ما ادخل معها فى الجد، لانو لو مطهرة ما بتلزمني. قلنا ليهو يعني انتي عايزها مطهرة؟؟ قال شرط اساسي ولو كلفني اجيبها خواجية. قلنا ليهو طيب ما تسألها مطهرة ولى لا؟؟ قال بصراحة دى مشكلة ما عارف اسألها كيف؟؟ اها يا سجيمان الشباب جزء منهم قال السؤال ده عادي جدا، وجزء اخر قال بصراحة صعب شديد تسألها انو مطهرة ولى لا؟؟ وخاصة السؤال ما منو فايدة تذكر خاصة وانو الما مطهرة دى زي بترول السودان حتى اذا فى بتكون مدسوسه ، لانو النسوان لو لحقوا عرفوا انها غلفة ايييييك الله كان فى عونها. لكن الشباب اتفق على انو النسوان لو ما انتبهوا من بدري للمسألة دي ح يجي يوم يندموا على البسوا فيهو ده زي ما اسي ندموا على الشلوخ