|
بـــاركــو لـــي ...... اضــــاني الجــديدة
|
عندي عادة زي الزفت........ اقيف قدام المرايا واقعد اقلب في اضني الاتنين.....وافتشن كويييس...... اقلب الاضان علي صفحتها التانية... واتأكد انها سليمة.....امسك حلمة الاضان واديها قرصة......وارفعها واعاين تحتها.....عندي حفيرة صغيرونة تحت الحلمة.....والاضان من ورا مركوزة بنتوء غضروفي ..... مخليها عامله زي صحن الساتلايت......ومقلوبة لبرا...حقيقة انا فخور جدا باضاني ذات الغضروف دي..... لانها لحسي لا وجعتني ولا غلطت علي..و السمع ما شاء الله....... اخدت لي مدة كدي اشغلت بهموم الدنيا.......وخليت التغزل في اضنيا.........البارح علي التعترني......... قمت عليهن وداير اطمن....... ويا للهول....... قيت الحفيرة ديك بقت حفرة كبيره.... وشكلها زي الاضان بالضبط والربط.......وقلت يا ربي دايرة تقوم لي اضان تالتة .... الله يقطعني؟ غايتو.... ان قامت ومشت لقدام وبقت اضان....حاكون اول زول عندو تلاتة اضنين....... لكن كمان خايف الاضان التانية ... تقوم تقل عقلها .....وتلد لي واحدة تحتها برضو ويبقن اربعة....لكن المخوفني اكتر باقي......اعضاء الجسم تقوم تحاكي الاضنين....وابقى روح واحدة في جسدين يا قول عثمان حسين.............لكن معقول يا اخوانا انا ادبّل بعد العمر دا؟...... والله يمكن انا وقتي دا كلو كنت يرقة....... وماني عارف نفسي.............. غايتو الله يكفينا شر الما نقدرها..... يا قول حبوبتي....بخيتة بت الارباب
|
|
|
|
|
|
|
|
Re: بـــاركــو لـــي ...... اضــــاني الجــديدة (Re: سجيمان)
|
بسم الله الرحمن الرحيم
الفنان المبدع/ سجيمان سلام وإعجاب
ياخي إنت مباااااااااااااااااالغة
أنا شخصياً بديت أشك في أنك فنان متخفي في هذا الإسم
أما حكاية الأضان التالتة دي والرابعة ونظام التدبيل
بعد شوية بتطالب بي إنو يحللوا ليك تمانية نسوان
وشوية شوية حا تبقى ناس سجيمان
| |
|
|
|
|
|
|
Re: بـــاركــو لـــي ...... اضــــاني الجــديدة (Re: سجيمان)
|
الاخ سجيمان الرمدان
او سحيمان ود بت بخيتة بت الارباب
او سجيمان ود ولد بخيتة بت الارباب
بعد ده حتكون سجيمان ابو اضان
يازول الف مبروك الاضان الجديد
ان شاء الله تسمع بها زينك وعديلك
قول آمين
ولكن يا ابو اضان
الفايدة الايام دى فى الكلو
ربنا يرفع البلا والامراض
وخاصة الفشل الكلوى
| |
|
|
|
|
|
|
Re: بـــاركــو لـــي ...... اضــــاني الجــديدة (Re: شرير والبرتقاله)
|
الاخ سجيمان تحياتى طيب لو قالو ليك اضانك وين تقول شنو طيب لو كنت من ناس القرى او ناس الحواشات البستعملو حبوبة ونسيينى (اللمبة ام خيط) وامك رسلتك عشات تولعها من جارتها وتقولك خت ايدك فى اضانك حتسوى شنو على فكرة حط ايدك فى اضانك دى من ناحيةعلمية كدا لما تضع ايدك فى اضانك وايدك التانية شايل بيها اللمبة لزوم عدم الحركة التى ينتج منها الهواء المصتنع من حركة اليد الذى يطفى اللمبة
وشكرا ابوقوتة
| |
|
|
|
|
|
|
Re: بـــاركــو لـــي ...... اضــــاني الجــديدة (Re: سجيمان)
|
الاخ سيجمان
علك عافي يا زول ومبروووووووووووك الاضان الجديدة وعقبال العيون كمان يقن تلاتة يعني بقيت زي الاعلان الزمان داك ليست اضان واحدة ولا اثنتان بل ثلاثة اضنين مرة واحدة وبقيت سيد الاضنين التلاتة على وزن سيد الحيشان التلاتة
بس لو عندك نضارة حاتلبسها كيييييييييييييييييييييييييييييييييييف
شرووم
| |
|
|
|
|
|
|
Re: بـــاركــو لـــي ...... اضــــاني الجــديدة (Re: سجيمان)
|
مبروك ..يا سجيمان .. تعرف بقول ليك مبروك ليه ..لانو اتذكرت نكتة ....قالو واحد طلع من البيت مشبي المحطة الوسطي ...لقي الخلق كلها جارية ...جري شديد ...قام طوالي فتح معاهم ...بعد شوية نفسو قام سال يا جماعة الحاصل شنو ..قالو ليه ناس الحكومة بيلقو اي واحد عندو اضان زايدة بيقطعوها ليهو ...زولك طوال وقف قال ليهم ..طيب انا عندي اتنين بس ..قالو كلنا عندنا اتنين لكن ناس الحكومة بيقطعو بعدين بيحسبو .. عشان كده انت لو لقيت الناس فاتحين ما تجري معاهم ...لانو ناس الحكومة ح يريحوك منها.. ..بس الخوف يكونو غيرو و بقو بيقطعو حاجات جديدة ...
| |
|
|
|
|
|
|
|