|
بنتـــي....مجـتـــرة
|
ولدوها....ناقصة....جات ناطة من بطن امها بلا بسم الله...... خاتنها في الحضانة خمستعاشر صباح.....وكل يوم انا امشي.....وادخل راسي في اوضة الممرضات...... ومتوقع الممرضة تقول لي ..... الكعوبية الجبتوها دي انشاء الله ربنا يعظم شفاعتها....كانت عبارة عن راس بس... ومشروع بتاع كرعين وايدين.... وبطن...فيها سطور كراس انجليزي..... بعدين بقن ضلوع....سبحان الله يخرج الحي من الميت.....كبرت...وبقت حلاةالدنيا عليها.... سميتها بعد شهرين.....كنت. خايف اخسر لي اسم ساكت...وهي تتلحس......عمرها حسي فوق السنه... ما حبت اصلها....ولا حاولتو...ابدا....من سدر امها الي البرندة مباشرة.....حالفة بدينها وايمانها الا تعيش بالقوة... وتعاصر التكنلوجيا......اتعلمت الاكل.... طباعها عينة براها.......لما تزعل.... الا يملصو لها هدومها كلهن..... وبعد داك....تختار ركنا قصيا...في أي حتة وتدردق وتبكي....... تعبيرا عن غضبها....ولانها بتزعل كتير....... قررنا انا وامها نخليها عريانة وجاهزة للتدرديق...والحرداب......اها.... بقينا وقت نجيب موز ولاّ برتكان..... لازم يقشرو لها الموز والبرتكان.... لكن...لازم يرمو اللب وهي تقعد تاكل في القشر....البطيخ نفس الحكاية...الشمام.....برضو.....الملوخية امها تورق فيها وهي تشيل وتاكل...في الورق......واوعى تجيب لها......باسطة ولاّ....حاجة ملفوفة في ورقة.......ترميها وتاكل الورقة........الحكاية دي ازعجتني...وشكيت بيني وبينكم في ناس المستشفى...يكون بدلوها لي... وادوني بنت صناعة صينية ومركبين لها مكنة نعجة....لكن انا متأكد النمرة الرابطنها لها في كراعها ياها زاتها من يوم جات مارقة.....وبعدين انا كنت بعرفها من اضيانتها......ما يشبهن حقات الشفع.... قلقلت من مسألة اكل الحاجات الما بتاكلها الا مخلوقات لها معدة من اربعة غرف....حيوانات مجترة...سعالت اهل الخبرة.....قالو لي ما تخاف تكبر و تستعدل....وتاكل زيكم واحد....الرضاعة....واقفة على كرعينها ترضع...وامها في حالة جلوس.... ترضع وعاوزة تتونس....تفك الشطر وتنضم وترجع تاني ترضع وهكذا..... حلفت ايمان مغلظة انو البنت دي لو استمرت في طريقة الرضاعة دي... بعدين حتطالبنا نجيب لها شيشة بدل البزة.... المصيبة الكبرى ....انها قاعدة تقول لامها بابا....وتقول لي ماما.....ورافضة رفضا باتا أي تغير في المسميات دي...ومزاجها دائما تجيني وتقول لي ماما لما يكون عندي ضيوف رجال....وانا منجعص في وسطهم واحكي....وكل دقيقة احلف طلاق........ونفس الحكاية لامها.
|
|
|
|
|
|
|
العنوان |
الكاتب |
Date |
بنتـــي....مجـتـــرة | سجيمان | 07-26-03, 01:21 PM |
Re: بنتـــي....مجـتـــرة | HOPELESS | 07-26-03, 01:32 PM |
Re: بنتـــي....مجـتـــرة | دورنقاس | 07-26-03, 02:05 PM |
Re: بنتـــي....مجـتـــرة | سجيمان | 07-26-03, 04:01 PM |
Re: بنتـــي....مجـتـــرة | سجيمان | 07-26-03, 02:19 PM |
Re: بنتـــي....مجـتـــرة | shiry | 07-26-03, 03:00 PM |
Re: بنتـــي....مجـتـــرة | ابو جهينة | 07-26-03, 03:35 PM |
Re: بنتـــي....مجـتـــرة | سجيمان | 07-26-03, 08:14 PM |
Re: بنتـــي....مجـتـــرة | سجيمان | 07-26-03, 05:52 PM |
Re: بنتـــي....مجـتـــرة | albagir altahir | 07-26-03, 03:34 PM |
Re: بنتـــي....مجـتـــرة | Tumadir | 07-26-03, 05:10 PM |
Re: بنتـــي....مجـتـــرة | Najm | 07-26-03, 09:15 PM |
Re: بنتـــي....مجـتـــرة | انور عمر | 07-27-03, 07:14 AM |
Re: بنتـــي....مجـتـــرة | سجيمان | 07-27-03, 09:17 PM |
Re: بنتـــي....مجـتـــرة | سجيمان | 07-27-03, 04:44 PM |
Re: بنتـــي....مجـتـــرة | سجيمان | 07-27-03, 01:12 PM |
Re: بنتـــي....مجـتـــرة | سجيمان | 07-27-03, 10:02 AM |
Re: بنتـــي....مجـتـــرة | بدرالدين شنا | 07-27-03, 07:17 AM |
Re: بنتـــي....مجـتـــرة | قلقو | 07-27-03, 10:41 AM |
Re: بنتـــي....مجـتـــرة | سجيمان | 07-27-03, 09:43 PM |
Re: بنتـــي....مجـتـــرة | سجيمان | 07-27-03, 09:40 PM |
Re: بنتـــي....مجـتـــرة | Mandingoo | 07-27-03, 10:46 AM |
Re: بنتـــي....مجـتـــرة | abuguta | 07-27-03, 10:16 PM |
Re: بنتـــي....مجـتـــرة | سجيمان | 07-27-03, 10:30 PM |
Re: بنتـــي....مجـتـــرة | سجيمان | 07-27-03, 10:25 PM |
Re: بنتـــي....مجـتـــرة | dreams | 07-27-03, 11:12 PM |
Re: بنتـــي....مجـتـــرة | سجيمان | 07-28-03, 03:16 AM |
Re: بنتـــي....مجـتـــرة | Teeta | 07-29-03, 06:50 AM |
Re: بنتـــي....مجـتـــرة | سجيمان | 07-29-03, 02:11 PM |
Re: بنتـــي....مجـتـــرة | حنين للبلد | 07-30-03, 09:34 AM |
Re: بنتـــي....مجـتـــرة | خالد | 07-30-03, 10:39 AM |
Re: بنتـــي....مجـتـــرة | سجيمان | 07-30-03, 02:13 PM |
Re: بنتـــي....مجـتـــرة | Elmosley | 07-30-03, 12:04 PM |
Re: بنتـــي....مجـتـــرة | سجيمان | 07-30-03, 02:20 PM |
Re: بنتـــي....مجـتـــرة | Rawia | 11-19-03, 03:52 PM |
|
|
|