|
|
 ســعادة الســــفيـر
|
دخلت في البدلة الجديدة... وعاينت لي تفسي في المراية...اتبسطت من نفسي تب.... تاكسي والمطار... خمسين ريال بس في جيبي... دفعت للتاكسي الباقي خمستاشر...... جريت علي الكاونتر.... الطيارة قبيييييييييييل طارت انت وين يا سجم الرماد....طارت؟ اها كيف الراي؟.... الرجوع للبلد دايرو خمسة وتلاتين ريال...وانا عندي خمستاشر واقرب طيارة بعد اربعة وعشرين ساعة....
قلت كدي.. الملم نفسي واقعد... افكر....حمت في المطار مشيت علي السفريات... الدولية... اسمع واحد وراي.... بالانكليزي يناديني.... سعادة السفير؟... سعادة السفير؟..... الزول قصدني عديييييييييل..... انا اخوك انت..... سفير مرة واحدة..... شفت النعمة دي يا سجيمان؟..... يا ربي ما يديّّني خمسين ريال علي حس السفير دي؟....الزول نضم نضم كتير بالانكليزي شي قبضتو وشي ما قدرت عليهو....وبين كل كلمة والتانية شابكني يا سعادة السفير.....الليله وينك يا ام الخير.... تجي وتشوفي راجلك....وبيقولو ليهو سعادة السفير...عشان كل ما هو يقول سعادة السفير انتي تزغردي تلاتة زغريدات كبار.....قمت وقفت علي حيلي ونفخت سدري ... ولويت شلوفتي... وصريت صرة صغيرونة والزول ينضم..... وانا ما عندي ليهو غير كلمة يس... يس.....يا ام الخير دحين انا ان بقيت سفير.....توبك المشدر دا علي الطلاق ما يبارينا لي هنوك.....حسي يا ام الخير بتعرفي تسلمي علي نسوان السفراء التانين في جضومن؟....... والله ما ظانيتك.....انتي وقت تجي تسلمي علي وليدك في جضمو.... يا الله ويا امين... بعد ملاوة حتين .... نفك خشمك من جضمو...وبعدين خلي بالك السفراء قاعدين يسو حفلات وبيجيبو نسوانهم....وبيسلمو علي بعض..... ام الخير اووووووووعك تسوي احمر شلاليف...وتقعدي تسلمي عليهن في جضومن...... لاني متاكد كل واحدة حتكون شايلة الختم بتاعك في جضمها......ومكتوب عليهو صنع في البشاقرة..... ان كان دايره تحومي يا ام الخير خسمتك بالرسول تمشي براحة....... في فرق يا ام الخير بين مشي الكرعين وسواقة مكنة الخياتة.... انتي ابدا الاتنين عندك واحد....و القعاد فوق الكرسي تقعدي براحة...وتحاولي تخلفي كراعك.... انا عارفك ما تعرفي تخلفي كراعك علا وانت راكب لك حمارة...ووقت يجيبو العشاء اوووووعك تقعدي تعمطي...وتكوسي محل الدمعة وين.....وتلفي اللحمة داخل الرغيفة... انا عارفك.... انتي قايلاني ما قاعد اشوفك؟
الزول الضهبان دا لي حسي ينضم.... فهمت ان عندو مشكلة... مع السفارة الاثيوبية...وهو جنسيتو كيني.... قال انو شغال في.. منظمة انسانية....وما بيحتاج لفيزا وفهم من ناس السفارة.... انو التأشيرة في المطار يا خدها لكن ناس الخطوط السعودية ابو ما يركبوهو عشان ما عندو تأشيرة...وهو مسيّكين قاليني انا السفير الاثيوبي....غايتو اتلمو فوقنا كم زول كدي و كلهم اثيوبين.....النسوان...كوركن للرجال وجن بنيات يا ام الخير حلاة الدنيا عليهن........ عشان يجو يقابلو ويشوفو السفير..وقعدو ينضمو معاي بالامهري..... سجيمان امانة ما ورط زول....لكن برضو انا اتنفخت ومرقت صندوق السجاير وولعت لي سجارة.. وقدمت الكراع اليمين واخرت الشمال...ووقفت وقفة دبلوماسية بت ابوها......واشحد في الله ما يجي بوليص ويقول الناس ديل متلمين مالم؟....... عشان اثبت لو انوالحكاية فيها سؤ فهم ..... داير لي ستة شهور في السجن....... الحمامات يا سجيمان...امشي الحمامات ومن هناك ابقى رقيق...وزوغ...... وفعلا ...قد كان........
|
|
 
|
|
|
|
|
| العنوان |
الكاتب |
Date |
| ســعادة الســــفيـر | سجيمان | 10-21-03, 00:59 AM |
 Re: ســعادة الســــفيـر | haneena | 10-21-03, 01:17 AM |
| Re: ســعادة الســــفيـر | HOPEFUL | 10-21-03, 01:35 AM |
| Re: ســعادة الســــفيـر | سجيمان | 10-21-03, 07:58 AM |
| Re: ســعادة الســــفيـر | سجيمان | 10-21-03, 06:39 AM |
| Re: ســعادة الســــفيـر | Maged | 10-21-03, 01:33 AM |
| Re: ســعادة الســــفيـر | سجيمان | 10-21-03, 04:24 PM |
| Re: ســعادة الســــفيـر | الزنجي | 10-21-03, 07:20 AM |
| Re: ســعادة الســــفيـر | nazar hussien | 10-21-03, 08:24 AM |
| Re: ســعادة الســــفيـر | ابو جهينة | 10-21-03, 08:53 AM |
| Re: ســعادة الســــفيـر | سجيمان | 10-22-03, 02:04 AM |
| Re: ســعادة الســــفيـر | سجيمان | 10-22-03, 00:19 AM |
| Re: ســعادة الســــفيـر | سجيمان | 10-21-03, 08:28 PM |
| Re: ســعادة الســــفيـر | maia | 10-21-03, 09:52 AM |
| Re: ســعادة الســــفيـر | Adrob wad Elkhatib | 10-21-03, 04:05 PM |
| Re: ســعادة الســــفيـر | سجيمان | 10-22-03, 02:08 AM |
| Re: ســعادة الســــفيـر | سجيمان | 10-22-03, 01:55 AM |
| Re: ســعادة الســــفيـر | 3mak Hasabo | 10-21-03, 09:12 PM |
| Re: ســعادة الســــفيـر | سجيمان | 10-22-03, 02:10 AM |
| Re: ســعادة الســــفيـر | ABUHUSSEIN | 10-22-03, 01:35 AM |
| Re: ســعادة الســــفيـر | سجيمان | 10-22-03, 02:12 AM |
| Re: ســعادة الســــفيـر | ابنوس | 10-22-03, 05:56 AM |
| Re: ســعادة الســــفيـر | سجيمان | 10-22-03, 08:52 AM |
|
| |
سجيمان
فيس بوك
تويتر
انستقرام
يوتيوب
بنتيريست