|
|
|
 Re: المــرأة التي جـابت.. ضقــلا يكــركــب (Re: سجيمان)
|
| Quote: دي البيقعد معاها منو... عشان نهارو كلو ياكل في البرسيم والسعدة....وفي الليل يتربع في نص العنقريب...ويتبوم ويتكوم... وتقولو دي اليوقا |
كاااااااااك لكن الشكية لي أب أيداً قوية من دي الولية
عارف يا عم سجيمان المرة دي الا تكون قاطعة جوة وبرة
ودي بمغرزوها بي ضرّة ودي قمّة المضرّة بالنسبة لي زول
داير يخلف الجرّة... ووممكن يجر جوكر وومكن يجر بنت شيريا
وهو قافل علي دينارية ...  هههههههههه شكيتك
علي اللانام ولا أكل الطعام يا سجيمان ..عفواً عم سجيمان
| |
 
|
|
|
|
|
|
|
|
Re: المــرأة التي جـابت.. ضقــلا يكــركــب (Re: سجيمان)
|
سجيمان الظريف
لك الود
والله وحشتنا شديد تانى ما تغيبوا مننا طلبتكم بالنبى
يا سجيمان لسه هى حتجيب ضقلا يكركب نحن فى ابو ظبى جابتوا لينا من زمان .
فى احدى المحاضرات فى جمعية المرأة سألتنى كم سنة مع زوجك للان قلت ليها خمستاشر سنة قالت لى مبسوطى قلت ليها الحمد لله قالت لى ما بصير لازم يعملوا ليك تمثال ويعطوكى الاوسكار خيتى وعاد رجعت الوش كان ابو وضاح قال لى سلام اقول ليه وينوا التمثال لاتمثال لا اوسكار قاعدين ساكت نحن هاملات النسوان عملوا ليهم تماثيل يقول الله ينعلك يا مريم نور كان غير الكلام الفارغ ما عنك شغله انشاء الله ما تشوفى النور لى يوم القيامة كان ام وضاح دى ما سمعتها تنقنق الا بعد ما حضرت كلامك الزى وشك ده .
لكن الاسوأ من ده طالبت انه المرأة لازم يكون عندها اربعة ازواج زى الراجل وسألوها عن اثبات نسب الطفل كيف ؟ قالت بسيطه كل ثلاثة اشهر تكون مع احد ازواجها والشهر الرابع بدون زوج اذا لم يثبت حمل تذهب للزوج الثاتى وهكذا داير شنو اكتر من ده يا سجيمان شوف ليك محن تقول لى حتجيب ضقلا يكركب دى جابت ابوه ذاتوا نحن عملنا ليها مقاطعة كاملة تنبح براها وتقوم تمشى
الله يكفينا شرك يا مريم نور يا ام المحن
التحايا والود
ام وضاح
| |
|
|
|
|
|
|
|
|
|
Re: المــرأة التي جـابت.. ضقــلا يكــركــب (Re: essam&amal)
|
سي جي الرجل الحديقة
تحياتي
إنت عندك خبر إنها راحت السودان و عملت حلقة كاملة عن أعشابنا و نباتاتنا ؟ و أكتر شي عجبها القرض و الحرجل و التنوم و قالت راجعة تاني .. أها المرة دي ( ضقلا ) بيجينا يكركب و عامل دخاخين زى المكنة العاوزة عمرة ...
| |
|
|
|
|
|
|
| |
سجيمان
حبيب نورة
essam&amal
ابو جهينة
abas
صديق الموج
humida
فيس بوك
تويتر
انستقرام
يوتيوب
بنتيريست