|
|
 ملــكة جمــال العــالم
|
خلاص ...نويت.... اخلي بنتي فوفو ...ملكة جمال العالم لعام 2025..... الوفت داك حيكون عمرا 23 سنة...نويت اسعاها من حسي... عشان تكون... طويلة... معصعصة.. تمشي ملولوه.... ما تعرف قلبتا من عدلتا....اولك بالتبادي... ن يوم الليلة..... حاوقف منها الطحنية...والحلاوة....وحارقدا علي بطنا...عاوزا تتعلم لغات....واول شي جاري "محسن" الدنقلاوي امو جات زيارة... اخليها تمشي تاخد كورس عندهم....وتحت يد امو...اول لغة حتتعلما....لكن برضو عشان ما تصوط العربي العارفاهو..... نعملها مراجعة يومية في البيت...
لابد من المراجعة الجمالية ليها.... لماتبكي قاعدة تفتح خشما للاخر.....ودي حاجة يتساعد في انو الخشم حيكون كبير...وبعدين ما من الاتوكيت تبكي وهي فاتحة خشما....حنمرنا علي انهاتبكي وخشمامقفول.... او مفتوح ضلفة واحدة.. البزة واللهاية من عوامل كبر الشلاليف... ما حنحرما من البزة لكن لما تجي ترضع ندخل الشلاليف جوا الخشم في الاول وبسرعة نلحقا البزة...ولازم الرضاعة تكون تحت اشراف الضاقم كلو انا وامها واخواتا.. عشان كلو ما شلوفة تجي ناطة واحد فينا يدفسا جوا تاني..الحقيقة هي مشاكلها الجمالية كتيرة... لكن كلو مع الاصرار...حيكون تمام....نخرينا مفرجخات اكتر من اللازم.... نحاول بالعلاج الطبيعي نرجعن شوية ونصغرن..... بي مشبك هدوم... نجيبو نجمع فتحتين النخرة على بعض ونربطن بالمشبك... لمدة خمستاشر دقيقة كل يوم....لمدة عشرين سنة... لانو لو غفلنا منهن يوم واحد يبتقن تاني ويقومن...برضو الضحك بتاعها ما مضبوط...لما تضحك.. بتضرب كراعا بالواطا وتمد لسانا....برضو نحاول مع الطاقم... نسيطر على الكراع لانو ضرب كراع واحدة بالواطة يدي فرصة للكراع دي تكون كبيرة والتانية اضغر منها شوية...بالاضافة لانو العادة دي كعبة ما معقول اثناء العرض لاختيار الملكة تقوم تضحك وتضرب كراعا بالواطا واللسان برضو لما يتمدا كتير حيطول..وبرضو ما ممكن تقيف قدام اللجنة وتضحك وتمد لهم لسانا ....طبعا مع التمارين وبمرور الوقت المسعلة دي حتروح..
الرقاد بتاعها يكون تحت المراقبة.... ما نخليها تتكرفس كلو كلو... عشان القوام يكون ممشوق ...وما تطلع لنا ملولوه ومعفصة...كل ما تكرفس كرعيها نجرهن راجعات...ونمطهن...
يعني كدي لما تصل عمر ال23 سنة حتكون في غاية الرشاقة......والاوتوكيت......وندخل بها مسابقة ملكات جمال العالم وانا متوكد حتفوز......بس لبس المايوه....ما معانا
|
|
 
|
|
|
|
|
| العنوان |
الكاتب |
Date |
| ملــكة جمــال العــالم | سجيمان | 06-22-04, 04:52 PM |
| Re: ملــكة جمــال العــالم | مريم بنت الحسين | 06-22-04, 05:48 PM |
| Re: ملــكة جمــال العــالم | Adrob wad Elkhatib | 06-22-04, 05:54 PM |
 Re: ملــكة جمــال العــالم | ناجى الزبير الملك | 06-22-04, 07:01 PM |
| Re: ملــكة جمــال العــالم | سجيمان | 06-23-04, 03:34 AM |
| Re: ملــكة جمــال العــالم | سجيمان | 06-23-04, 03:10 AM |
| Re: ملــكة جمــال العــالم | سجيمان | 06-23-04, 02:35 AM |
| Re: ملــكة جمــال العــالم | مريم بنت الحسين | 06-22-04, 07:13 PM |
 Re: ملــكة جمــال العــالم | تولوس | 06-22-04, 09:52 PM |
| Re: ملــكة جمــال العــالم | سجيمان | 06-23-04, 06:50 PM |
 Re: ملــكة جمــال العــالم | abas | 06-23-04, 04:17 AM |
| Re: ملــكة جمــال العــالم | ابو جهينة | 06-23-04, 06:40 AM |
| Re: ملــكة جمــال العــالم | سجيمان | 06-23-04, 07:06 PM |
| Re: ملــكة جمــال العــالم | سجيمان | 06-23-04, 06:55 PM |
| Re: ملــكة جمــال العــالم | Teeta | 06-23-04, 06:49 AM |
| Re: ملــكة جمــال العــالم | سجيمان | 06-23-04, 07:34 PM |
| Re: ملــكة جمــال العــالم | jini | 06-23-04, 07:01 PM |
| Re: ملــكة جمــال العــالم | سجيمان | 06-23-04, 08:03 PM |
| Re: ملــكة جمــال العــالم | Outcast | 06-23-04, 10:38 PM |
| Re: ملــكة جمــال العــالم | سجيمان | 06-24-04, 03:34 AM |
| Re: ملــكة جمــال العــالم | كبسيبة | 06-24-04, 08:12 AM |
| Re: ملــكة جمــال العــالم | ابو يسرا | 06-24-04, 08:24 AM |
|
| |
سجيمان
فيس بوك
تويتر
انستقرام
يوتيوب
بنتيريست