نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 قــطع رحـط تمــاضر شــيخ الدين
|
شفت الشريط الفيديو المسجل للحفلة..... على النت طبعا... الحقيقة الشريط كان...مضلم....وياالله قدرت اشوف شي فيهو..... زمان قطع الرحط كان في واحد بيكون شايل رتينة فوق عشان الناس تشوف العروس ورقيصا.... كويس............. لكن الزول الشايل الرتينة في حفلة ناس تماضر.... كان قاعد تحت المسرح...ورافع الرتينة.... عشان كدا انا شفت ... كرعين البنات البيرقصن.... لكن صلاتي علي ابو ابراهيم..وعيني باردة....كرعينن ما جاتن شي.....وبرضو شفت الزول القاعد يدق في العود.... اكان ما اخاف الكضب...
اتظكر زمان العروس كان بي يدسوها قبل العرس بي ايام كتيرة.... ويعلفوها وينضفوها وينظموها...ويمسحوها ويدهنوها.........ويمشطوها...انا...واعوذ بالله من كلمة انا يا قول ناس الحكومة...انا كنت من هواة كشف بكان العروس الداسنو فيهاوانا طفل.... اكوس الحلة بيت بيت وعوضة عوضة.... لمن اقع فوقا...... علا واحدة ما لقيت بكان داسنها علا بعد اسبوع....ووقت لقيتا..... وشفتها.... اتخلعت.... لقيت بت الناس ادردمت واتلكدمت...واتملست..ولونا فتح....ووقفت انا اعاين لها... فاتح خشمي اندهاشا ..وانفهاشا..وانفحاشا ..وقلة ادب.....لحدي ما في مرا عجوز نهرتني وتلتني من ايدي....وقالت لي يا ولد طير برا امش العب....
.... تحية لتماضر...وللناس المع تماضر.... وللناس الزي تماضر...الدايرين يورو العالم ...وشنا السمح...بعد ما عرفو وشنا الكعب
|
|
 
|
|
|
|
|
|
|
|
Re: قــطع رحـط تمــاضر شــيخ الدين (Re: سجيمان)
|
الغريبة أول ماشفت البوست دا.خفتا خوف شديد خلاص. وطوالي بي فكري قريتو(قطع راس تماضر شيخ الدين) لأنو أحداث الساعة كلها بقت قطع رؤوس في التلفزيون والجرايد وغيرو.. الآيامات دي.. بعد شوية عاد لى صوابي قريتو قطع رحط.. فحمدت الله وشكرت.. لأنو الأخت تماضر تربطنا بهم وبأسرتهم روابط كثيرة.. يا دوب شلت نفس وحمدت الله. وقلتا الله يغفر لصاحب البوست عمل لى لخمة..
| |
|
|
|
|
|
|
|
|
|
Re: قــطع رحـط تمــاضر شــيخ الدين (Re: سجيمان)
|
شكراً لكل الذين ينقلون انفاس الوطن ليتدفأ بها العالم
وشكراً لكل الذين يحملون السودان وبساطته وسماحته
ليقدموننا للآخرين
هذه اضافة كبيرة للفن السوداني
وهدية كبيرة لمجتمعه
وفتح لأبواب السياحة في السودان
| |
|
|
|
|
|
|
| |
سجيمان
تولوس
nazar hussien
Rawia
Mohammed Tirab
abuguta
Tumadir
Kostawi
Raja
منصوري
حبيب نورة
humida
abas
ابوحراز
فيس بوك
تويتر
انستقرام
يوتيوب
بنتيريست