|
كــلاب الســـودان... تستنـكــر
|
السيد رئيس الولايات المتحدة الأمريكية
بواسطة السيد وزير خارجيته
نحن الموقعين أدناه.... اتحاد عام كلاب السودان..... نستنكر وندين ونشجب بشده... حضور كلاب أمريكية مع السيد كولن باول بقصد حمايته وحراسته....إنها إهانة ما بعدها إهانة....وإساءة لنا نحن كلاب هذا البلد المعطاء.. نفيدكم أنكم اتلومتم فينا لوم شديد...وحقرتونا حقارة ما بعدها.....ان قصدتم أن كلابكم... شمامة..... إن لنا نخيرين..نفتخر بها.....وكما قال شاعرنا:-
حبيبي.............. يا الفقري
اجري قدر........ ما تجري
كان هجرتني وانا في بُري
اشمك حتى لو مشيت وين؟ و وين؟
ان شاء الله بحري
.........
وقالت شاعرتنا جِريِوة بت عبود تتغنى بخصال محبوبها جرقاس
ما بياكل من كوّش... ياكل كِرت مطاعم
اب ضنبن ملوي عُقبان لهيجو ....طاعم
حاشا ما خنقو عضُم
ولا شافوهو بالحلة حايم
ينبح... ليلو كلو.....ما قالو لِقهو نايم
هيع
...وبعد كل هذا يا سيادة الرئيس.... تجيبو كلاب من أمريكا وكمان بالإنجليزي؟.لا وألف لا.....إننا نتوج احتجاجنا هذا.... بالإضراب لمدة تلاتة أيام بلياليها..إضراب عن النبيح والهوهوة....وان شاء الله البلد كلها تتسرق اكتر مما هي مسروقة
أما لو كان قصدكم أن كلابكم.... نصيحة وشديدة في الحراسة...نقول لكم ما صدقتو....كلابكم كان بالصِح حراسّة....مالا ما حرست مونيكا من كلينتون؟...
السيد الرئيس.... أننا ككلاب من العالم التالت...ولكنها حرة... وتمارس حياتها بكل ديمقراطية... أحسن من اجعص زول حايم في البلد دي.... وأحسن من اجعص كلب حايم في أمريكا...ونتمتع بحرية التعبير...قولا وفعلا....واسال أي عمود بتاع كهرباء واقف.....او أي كفر ولستك بتاع عربية....او أي حجر قايم من الواطا شوية....يحكي لك .... كم نحتنا فيه... من ذكريات...ويقف شاهد على حريتنا في تبولنا بدون وصاية ولا طقيّع وضرب بالحجارة.....وكما قال شاعرنا:-
كم فتاة مثل ليلى
وفتى مثل ابن الملوّح
انفقا الساعات
هو يبول وهي تنبح
وقال شاعر اخر:-
سألت عنك كارو جارة
وزرعت اسمك حارة حارة
في مشاوير السكارى
في عماويد الإنارة
في لحى الاشجار
نحتو....كتبتو......
.... في صُم الحجارة
دا كلو بدون ما زول يقول لنا..جر
كما وأننا... نتمتع بثقافة جنسية عالية....ولا حجر على ممارسة الجنس لدينا.... في كل مكان وزمان...في البيت في الشارع في المسرح...حيث انه حق من حقوقنا الشرعية..الذي كفله لنا الدستور...ويشهد على ذلك مطربنا..بوبي جيفة...وهو يشدو
جاريني...وأنا جاارو
يا ناس وحياة الله
متلاصقين حايمين بالحِلة
الحِلة
الحِلة
جاريني وانا جاارووو
إننا نطالبكم بالاعتذار العلني..... عن الإساءة لنا...
اتحاد عام كلاب السودان
|
|
|
|
|
|
|
العنوان |
الكاتب |
Date |
كــلاب الســـودان... تستنـكــر | سجيمان | 07-01-04, 03:23 PM |
Re: كــلاب الســـودان... تستنـكــر | سجيمان | 07-02-04, 05:50 AM |
Re: كــلاب الســـودان... تستنـكــر | لقمان حسن همام | 07-02-04, 09:07 AM |
Re: كــلاب الســـودان... تستنـكــر | سجيمان | 07-02-04, 06:08 PM |
Re: كــلاب الســـودان... تستنـكــر | مراويد | 07-02-04, 06:43 PM |
Re: كــلاب الســـودان... تستنـكــر | ترهاقا | 07-02-04, 07:01 PM |
Re: كــلاب الســـودان... تستنـكــر | Rawia | 07-02-04, 07:38 PM |
Re: كــلاب الســـودان... تستنـكــر | سجيمان | 07-03-04, 09:37 AM |
Re: كــلاب الســـودان... تستنـكــر | سجيمان | 07-03-04, 06:08 AM |
Re: كــلاب الســـودان... تستنـكــر | سجيمان | 07-02-04, 08:51 PM |
Re: كــلاب الســـودان... تستنـكــر | singawi | 07-03-04, 02:57 PM |
Re: كــلاب الســـودان... تستنـكــر | سجيمان | 07-04-04, 04:54 AM |
Re: كــلاب الســـودان... تستنـكــر | شمهروش | 07-04-04, 09:47 AM |
Re: كــلاب الســـودان... تستنـكــر | سجيمان | 07-04-04, 09:28 PM |
Re: كــلاب الســـودان... تستنـكــر | singawi | 07-04-04, 02:35 PM |
Re: كــلاب الســـودان... تستنـكــر | سجيمان | 07-05-04, 02:24 AM |
Re: كــلاب الســـودان... تستنـكــر | أمير تاج السر | 07-04-04, 10:14 PM |
Re: كــلاب الســـودان... تستنـكــر | سجيمان | 07-05-04, 02:53 AM |
Re: كــلاب الســـودان... تستنـكــر | زوربا | 07-05-04, 11:54 AM |
Re: كــلاب الســـودان... تستنـكــر | سجيمان | 07-05-04, 06:41 PM |
|
|
|