|
|
 النيل الازرق دايرين يشفــروها..... عشـــان ياكـــلو نيــم
|
ناس قناة النيل الازرق نصيحة لوجه الله...مجانية لكم.....وبي قروش لي انا.....اووعكم تستعجلو تشفرو القناة.....ولو شفرتوها في وقتكم الحددتوهو دا...... وحات سيدي الحسن تشربو ما تروّ.....وتاكلو نيم..
قولو لي ليه؟
قلتو لي ليه؟
برامجكم... لي حسي ماها االبرامج.... المشجعة لي زول يدفع قروش عشان يتفرج فيها.....مافيها جديد..زمن حيث الموضوعية.... يعني النضم والهرجة في الفضائية السودانية .......وبعدين الفنانين البيجو يغنو عندكم..... الواحد مرقتو منكم..... يدخل بالنفاج علي ناس القناة السودانية.....ونفس الاغاني الغناها هناك يجي يغنيها هنا....ونفس الزول النضام الجبتوهو في برنامج عشان ينضم..... يشيل نضمو ونضمكم بي صُرتو....وينضمو في الفضائية السودانية.....والشي المحيريني حتى الجمهور الفي البرنامج يتلمو بي عصاة المعلم ويمشو للقناة السودانية نفس الدينيقيسات الشفناها عندكم نشوفا بي جاي.....تاني ان جاكم فنان امرقو معاهو لحدي باب عربيتو وانتظروهو لحدي ما يركب يدورها....... وان ما اداكم قفاهو ما تدخلو جوا للاستديو
.الحاجة الوحيدة.....الانا شخصيتاً....حاتضرر منها.....انو انا متابع برنامج بابكر حنين..... البرنامج سمح.....لكن انا لي غرض تاني.....اشغل الفيديو واسجل الحلقة كلها.....بس عشان القى لقطة لي بابكر وهو بيضحك و ادخل بها التاريخ.....مستني ضحكة منو زي المستني لي قون من مردونا ...ولاّ زي الجماعة المقدمين لللوتري بتاع امريكا.... دايرو يضحك واخد ليهو لقطة.....واوزعها لي وكالات الانباء....وابيعها للمغتربين هنا بالشي الفلاني ...وامشي محلات القماش والتيبان.....واقولهم سمو توب جديد ضحكة حنين.....واغنا من وراهو و ارطب .....انتو الزول دا مالو؟ القاعد يزعلو منو قبل ما يجي البرنامج؟ عليكم الله ما تزعلوهو و تلغِتو عليهو.......والله بعد مرات اقعد اشحد في الله ينط واحد من ضيوفو ديل....و يكلكلو عشان يضحك........و مناي في الدنيا..... قبل الرحيل
اشوفو يضحك... لكن مستحيل
ان دايرين شورتي؟؟؟ القناة ما تشفروها..... اتفقو مع ناس ضرائب المغتربين...وخلوهم يسو لها رسوم ويضيفوها للمغتربين ولاد الحنوت ديل....يعني القناة السودانية ارجل منكم؟.....الله بيسعلني حتى الرعاوية الفي الخلا ومع الغنم وما عندهم كهرباء...قاعدين يدفعو حقها....وبعدين عندنا سفارة وقنصليات هنا....والله حقكم دا اصلو ما بيلعبو فيهو يجيبوهو لكم من عيون ولاد اللزينا ديل....حتى كمان لو دايرنهم يجمعو لكم جلود الضحية من المغتربين بي يجمعوها لكم......يعني أي مغترب داير يجدد جوازو يحفض جلد الضحية ويدبغو....ولما يمشي يجدد جوازو يخم الجلد في اباطو ويوديهو لي ناس السفارة.....ويقول لهم دا حق قناة النيل الازرق....
|
|
 
|
|
|
|
|
| العنوان |
الكاتب |
Date |
| النيل الازرق دايرين يشفــروها..... عشـــان ياكـــلو نيــم | سجيمان | 11-21-04, 09:00 AM |
| Re: النيل الازرق دايرين يشفــروها..... عشـــان ياكـــلو نيــم | ود الشيخ | 11-21-04, 09:08 AM |
| Re: النيل الازرق دايرين يشفــروها..... عشـــان ياكـــلو نيــم | سجيمان | 11-22-04, 05:47 AM |
| Re: النيل الازرق دايرين يشفــروها..... عشـــان ياكـــلو نيــم | jini | 11-22-04, 01:24 PM |
| Re: النيل الازرق دايرين يشفــروها..... عشـــان ياكـــلو نيــم | سجيمان | 11-23-04, 11:33 AM |
| Re: النيل الازرق دايرين يشفــروها..... عشـــان ياكـــلو نيــم | abas | 11-21-04, 08:29 PM |
| Re: النيل الازرق دايرين يشفــروها..... عشـــان ياكـــلو نيــم | nazar hussien | 11-22-04, 02:04 AM |
| Re: النيل الازرق دايرين يشفــروها..... عشـــان ياكـــلو نيــم | سجيمان | 11-23-04, 04:01 AM |
| Re: النيل الازرق دايرين يشفــروها..... عشـــان ياكـــلو نيــم | سجيمان | 11-23-04, 01:27 AM |
| Re: النيل الازرق دايرين يشفــروها..... عشـــان ياكـــلو نيــم | Walid Safwat | 11-22-04, 06:42 AM |
| Re: النيل الازرق دايرين يشفــروها..... عشـــان ياكـــلو نيــم | سجيمان | 11-23-04, 08:26 AM |
| Re: النيل الازرق دايرين يشفــروها..... عشـــان ياكـــلو نيــم | محمد الامين احمد | 11-22-04, 01:01 PM |
| Re: النيل الازرق دايرين يشفــروها..... عشـــان ياكـــلو نيــم | سجيمان | 11-24-04, 05:32 AM |
| Re: النيل الازرق دايرين يشفــروها..... عشـــان ياكـــلو نيــم | سجيمان | 11-24-04, 10:44 PM |
|
| |
سجيمان
فيس بوك
تويتر
انستقرام
يوتيوب
بنتيريست