|
التعـــب...و...الرقيـص الكعـــب
|
مدخل:- النوم جافني ..... قسمتو لي جيراني
التتاو.. الوشم.... الرسم في الجسم...... الخواجات ماسكين فيهو قوي.... رجال على نسوان..... تلقى الخواجية.... أي مساحة فاضية في جسما ترسم فيها....حتى المناطق الواقعة بين خطوط عرض حظر الطيران .....مرسوم فيها....وبعدين الخواجيات نسوان طيبات وماهن غتيتات... الواحدة الرسمة وين ما كانت في جسما توريك ليها....لو قابلت واحدة ساكت في درب الله دا..وسلمت عليها وقلت لها كيفنك؟..... تملص جلابيتا وتديك قفاها وتوريك الوشم......وتسعلك والابتسامة تعلو وجهها البرئ..... عجبك؟.....وشم في حتات نحن طعن الحقن فيهن عندنا فيهو راي..... وراي كبير..وممكن دم للركب.....سعدية بت التوم وقت جاتا الموراريا..... والحكيم كتبت لها حُقن.... اول حاجة الممرض شارطوهو يديها الحُقن في الليل....ووقت يجي يطعن الحقنة يطفو النور وهو يغمض عيونو..ويقبل لي غادي.....والحقنه محل ما تنطعن فيها الشفا حتى لو انطعت في المرتبة....ولازمن يكون اخوانا الاربعة حاضرين طعن الحقنة وكلو واحد شايل عكازو وسكينو في ضراعو وحارسين اختهم..... الممرض ان قلّ ادبو وفتح عيونو الله قال بي قولو......اخوها الكبير حلف عليهو بالطلاق علا ياخد الحقنة هو بدل اختو وخايف باكر الممرض يمشي يتونس ويقول شاف البكان البي يطعنو فيهو الحُقن حق سعدية بت التوم وتقعد لهم فضيحة لي جنا الجنا .....علا الجماعة اقنعوهو بعد مداولات و قالو لو النضم دا ما بيبقى....... ....الخواجيات يورن الوشم الفي بكان الحُقن لاي زول ماشي في الشارع.....و اظنو في وشم جديد للناس العميانين.... الواحدة تقول للعميان كدي اديني ايدك وتمسك الايد وتختها في بكان الوشم وتقولو اها تراهو دا...عجبك؟....دا كلو كوم.....والحلَق كوم... حلق في الاضنين وحلق في اللسان وحلق في الكرعين وحلق في الصُرة.... واي لحيمة زايدة معلق فيها حلق.... ما بعرفو الخواجيات فهمن في الحلق الفي الصُرة دا شنو؟..... شفت لي مطربة عربية خليجية.... راسما الحنة في ضرعاتا.. الضراع اليمين والضراع الشمال..... راسما قلب كبير....وقربت ترسم في ما جاور الضرعات...... بيني وبين نفسي قلت دي.... بعد شوية..الحِنة ترسما في محل الحقن....وتجي التلفزيون وتقابلنا بيها وتغني" رجب حوش صاحبك عني....رجب صاحبك جنني".... براكي كايسة للجن.... حسي دا محل يرسمو فيهو حنة؟...... نسوانا السودانيات الله يغتي عليكن ويحفظكن...... خسمتكن بالله وبالرسول.... كان واحدة فيكن جات تتحن.... وحننت كرعيها حدكن عضيّم الشيطان..... اوعكن تمشن لي فوق....مع اني شايف الحنة زاحفة....والله يستر.....
مخرج من مدخل محرج:- الايام دي..... كل ما انوم.. يجيني حلم قلل علي منامي....وقلق بي.... احلم اني اتقلبت موبايل..جوال....الناس تحلم انها اتقلبت ملك رئيس انا اتقلب جوال..... قسمة من ربنا الحلم زاتو قسمة....ونصيب.... احلم اتقلبت جوال ونوكيا...... ويدخلو فيني نغمات....كل مرة نغمة جديدة..... في نغمة من النغمات ديل وقت يشغلوها......تكلكلني....واقعد اضحك بي طول حسي...واضحك واتهزا.... يكونو برضو مشغلين الهزاز....البارح نص الليل جاني نفس الحلم واتقلبت موبايل....وشغلو النغمة.. وكلكلتني....وقعدت اضحك...واتهزا.. المرا قامت مخلوعة وصحتني..... سجيمان قول بسم الله مالك.......؟..... قلت لها... النغمة.... النغمة يا ام الخير.. النغمة كلكلتني........
|
|
|
|
|
|
|
العنوان |
الكاتب |
Date |
التعـــب...و...الرقيـص الكعـــب | سجيمان | 03-06-05, 00:32 AM |
Re: التعـــب...و...الرقيـص الكعـــب | saif massad ali | 03-06-05, 00:54 AM |
Re: التعـــب...و...الرقيـص الكعـــب | سجيمان | 03-06-05, 01:55 PM |
Re: التعـــب...و...الرقيـص الكعـــب | willeim andrea | 03-06-05, 04:10 AM |
Re: التعـــب...و...الرقيـص الكعـــب | ابو جهينة | 03-06-05, 04:54 AM |
Re: التعـــب...و...الرقيـص الكعـــب | سجيمان | 03-07-05, 09:48 AM |
Re: التعـــب...و...الرقيـص الكعـــب | سجيمان | 03-06-05, 11:08 PM |
Re: التعـــب...و...الرقيـص الكعـــب | ود الشيخ | 03-06-05, 05:42 AM |
Re: التعـــب...و...الرقيـص الكعـــب | motaz | 03-06-05, 05:12 PM |
Re: التعـــب...و...الرقيـص الكعـــب | سجيمان | 03-09-05, 01:57 AM |
Re: التعـــب...و...الرقيـص الكعـــب | سجيمان | 03-08-05, 12:48 PM |
Re: التعـــب...و...الرقيـص الكعـــب | Mohamed A. Salih | 03-07-05, 09:54 AM |
Re: التعـــب...و...الرقيـص الكعـــب | سجيمان | 03-09-05, 04:19 AM |
Re: التعـــب...و...الرقيـص الكعـــب | serenader | 03-07-05, 10:29 AM |
Re: التعـــب...و...الرقيـص الكعـــب | سجيمان | 03-07-05, 05:47 PM |
Re: التعـــب...و...الرقيـص الكعـــب | الزوول | 03-07-05, 07:57 PM |
Re: التعـــب...و...الرقيـص الكعـــب | سجيمان | 03-09-05, 06:08 AM |
Re: التعـــب...و...الرقيـص الكعـــب | aosman | 03-07-05, 07:44 PM |
Re: التعـــب...و...الرقيـص الكعـــب | shiry | 03-08-05, 02:34 AM |
Re: التعـــب...و...الرقيـص الكعـــب | سجيمان | 03-09-05, 03:27 PM |
Re: التعـــب...و...الرقيـص الكعـــب | سجيمان | 03-09-05, 12:11 PM |
Re: التعـــب...و...الرقيـص الكعـــب | Raja | 03-08-05, 02:52 PM |
Re: التعـــب...و...الرقيـص الكعـــب | سجيمان | 03-09-05, 06:02 PM |
التعب والرقيص الكعب | ahmed shaaeldin | 03-08-05, 03:42 PM |
Re: التعب والرقيص الكعب | Sobajo | 03-09-05, 07:57 AM |
Re: التعب والرقيص الكعب | سجيمان | 03-10-05, 01:11 PM |
Re: التعب والرقيص الكعب | سجيمان | 03-10-05, 08:06 AM |
Re: التعـــب...و...الرقيـص الكعـــب | حبيب نورة | 03-10-05, 09:08 AM |
Re: التعـــب...و...الرقيـص الكعـــب | سجيمان | 03-11-05, 00:11 AM |
Re: التعـــب...و...الرقيـص الكعـــب | wadaldeem | 03-10-05, 02:11 PM |
Re: التعـــب...و...الرقيـص الكعـــب | نادية عثمان | 03-10-05, 06:18 PM |
Re: التعـــب...و...الرقيـص الكعـــب | سجيمان | 03-11-05, 11:12 PM |
Re: التعـــب...و...الرقيـص الكعـــب | سجيمان | 03-11-05, 08:37 AM |
Re: التعـــب...و...الرقيـص الكعـــب | humida | 03-11-05, 11:53 AM |
Re: التعـــب...و...الرقيـص الكعـــب | سجيمان | 03-12-05, 00:28 AM |
Re: التعـــب...و...الرقيـص الكعـــب | Tabaldina | 03-12-05, 09:30 AM |
Re: التعـــب...و...الرقيـص الكعـــب | سجيمان | 03-13-05, 07:22 AM |
Re: التعـــب...و...الرقيـص الكعـــب | سجيمان | 03-13-05, 08:59 PM |
|
|
|