|
|
 Re: اتحاد المــرأة.....فول حاجّات..و.. ضُــروس (Re: سجيمان)
|
الدكتور سجيمان عدو النسوان في بحري وأمدرمان ، يا أخي هو يوم المرأة مش يوم كيبور ولا يوم الجمعة ولا يوم داك ، فبالضرورة لازم التلفزيون يخصص فترة بثه على الهواء مباشرة للمرأة ، ودا اليوم الدايرنو ليك ، وأوعك من عثمان حسين ولا عبد الله عبد القادر البعيو ولا محمد الأمين ولا كمال درماس ولا ترباس يجي يغني ، تجينا عاد يا دكتور اليوم داك ندى القلعة وحنان النيل وكوكب الشرق وحنة التاج الممتازة بس أياك أياك أن تجيب لينا ضكر والأخبار جكس والمسلسل زاتو يكون جكس وحتى حسين فهمي يعمل لينا عفاف شعيب ومحمود ياسين يكون ليلي علوى وأحمد بدير ما يجي خالص وهنيدي نغير في الإسم ونعمله هنادي.
بعدين هذا من مساؤي حكومتنا يقولو ليك نأكل مما نزع أها شن بقيتن ما زرعنا ورزاعتنا أكلها الطير نأكل نيم يعني ولا شنو ، وهو زاتو الشيخ قبال كدي قال لي هوي إنتو عاملين فيها ناس إسلام ودين وإنتو ما ناقشين حنانكم في الدين ، قلت ليهو كيفين يا شيخنا قال ليهو تقولوا نزرع والمفروض تقولوا نحرث ، قلت ليهو تحرسك كلاب اشلاق إن شاء الله ما بنزرع كيفين عاد ، قال لي ألم تسمع قوله سبحانه وتعالي ف يمحكم تنزيله العزيز:
(أَفَرَأَيْتُم مَّا تَحْرُثُونَ أَأَنتُمْ تَزْرَعُونَهُ أَمْ نَحْنُ الزَّارِعُونَ {64} لَوْ نَشَاء لَجَعَلْنَاهُ حُطَامًا فَظَلْتُمْ تَفَكَّهُونَ).
ها يا سجيمان يا أخوي إتبومت أصلي قادي دين وعربي وإنجليزي ورياضيات والشيخ حجتو قوية خلاص وغلبني النضم.
أها نسواننا فلذات أكبادنا ياكلن التمر اليابس والنبق والمررو ليه ديل نسوان ولا سناجب المفروض يأكلن أم على وولدها زاتو ويأكلن أيسكريم وكان خايف عليهن من الشحم بحسب وصفك لنساء العالمين ممكن يكون أيكريم دايت وأم على بدون شلوخ – أى واحد ونص كلوري –
وفي نهاية مقالك شايفك بقيت تستنكح ومدخل ليك رابط كلو إستنكاح وأنا أصلي ما بفتحو وقالو زمان البباري الجداد يوديهو الكوش ، وكوشة تعرفها ولا كوشة ما تعرفها وشيطانين ما بتلمو في كوشة واحده ، ويا حليل كوش الخواجات
|
|
 
|
|
|
|
|
| العنوان |
الكاتب |
Date |
| اتحاد المــرأة.....فول حاجّات..و.. ضُــروس | سجيمان | 07-05-05, 03:41 AM |
| Re: اتحاد المــرأة.....فول حاجّات..و.. ضُــروس | حمزاوي | 07-05-05, 04:04 AM |
| Re: اتحاد المــرأة.....فول حاجّات..و.. ضُــروس | سجيمان | 07-06-05, 01:52 PM |
| Re: اتحاد المــرأة.....فول حاجّات..و.. ضُــروس | سجيمان | 07-07-05, 08:38 AM |
| Re: اتحاد المــرأة.....فول حاجّات..و.. ضُــروس | سجيمان | 07-05-05, 10:37 AM |
| Re: اتحاد المــرأة.....فول حاجّات..و.. ضُــروس | سجيمان | 07-06-05, 08:35 AM |
| Re: اتحاد المــرأة.....فول حاجّات..و.. ضُــروس | almulaomar | 07-06-05, 09:03 AM |
| Re: اتحاد المــرأة.....فول حاجّات..و.. ضُــروس | سجيمان | 07-06-05, 05:27 PM |
| Re: اتحاد المــرأة.....فول حاجّات..و.. ضُــروس | Muna Khugali | 07-07-05, 00:56 AM |
| Re: اتحاد المــرأة.....فول حاجّات..و.. ضُــروس | سجيمان | 07-09-05, 10:02 AM |
| Re: اتحاد المــرأة.....فول حاجّات..و.. ضُــروس | سجيمان | 07-07-05, 11:35 PM |
| Re: اتحاد المــرأة.....فول حاجّات..و.. ضُــروس | سجيمان | 07-08-05, 12:23 PM |
| Re: اتحاد المــرأة.....فول حاجّات..و.. ضُــروس | سجيمان | 07-09-05, 10:17 PM |
| Re: اتحاد المــرأة.....فول حاجّات..و.. ضُــروس | bushra suleiman | 07-10-05, 12:19 PM |
| Re: اتحاد المــرأة.....فول حاجّات..و.. ضُــروس | سجيمان | 07-10-05, 08:30 PM |
|
| |
almulaomar
فيس بوك
تويتر
انستقرام
يوتيوب
بنتيريست