|
الحُمـــىَ... ام بيـض
|
السارس... جنن الناس...وناس اسيا خصوصا....انفلونزا الطيور...عبدالدائم ود حمد عامل نفسو حكيم شعبي....عندو مرواد ومنجل لو جيت اشتكيت من كراع عنقريبكم... يجيب الكانون والفحم... يمسكك يكويك......قال لي .. قالو سارس ...؟..... سارس شنو يا سجيمان اخوي ؟... دي اسما الوِردا ام بيض....الحمىَ ام بيض...زمااااااان ظهرت في فريقنا دا.... وناس كتار ربنا مرقهم منها.... ويا سجيمان الزول العندو الحمى دي اول ما تجيهو تلقاهو طواااااالي قاعد تحت المزيرة ويحفر بي ضفورو..... كان مرا كان راجل... ووقت ظهرت عندنا المزيرة الواحدة تلقى تحتا اربعة وخمسة تنفار يحفتو....وما يقعد فوق بنبر الا النوع المخروم من النص...وان قعد فوق العنقريب تلقاهو قاعد في وضعية التبيّض يعني يكون مصنقر علي كرعيهو في نص العنقريب واعراضها يا سجيمان عند النسوان الله لا وراك.. سكينة بت عثمان.... جاتا الحمى ام بيض دي.. وبقت كل ما تشوف لها ديك... تقعد تتغتغت من الديك وتخجل...ووقت خلاص المرض مكنا... بقت تباري في ديك ناس الامين...من كوشة الي كوشة ومن كوشة لي كوشة وتغني في يا جميل ياجميل يا سادة
......حبك جنني... زيادة
ومرة قالو لقوها في عوضة النوم والديك يشاكل في روحو في مراية الدولاب وكل ما الديك ينط فوق المرايا هي تزغرت... متكيفة من الديك دا ورجالتو... لمن مراية الدولاب اتكسرت وادشدشت حتة حتة.... ولابسا طاقية الديش حقت اخوها الدياشي في راسا قالت زي العُرُفُ حق الجدادة.... اها وقت خلاص بقت علي التبيّض... جات وصنقرت تحت المزيرة تلاتة يوم بي لياليهن لا اكل لا شراب لا امشي لا تعالي...والبيضة المرقت منها يا سجيمان قدر البتيخة..... والحمى ام بيض دي عند الرجال نفس الحكاية... تلقى الراجل مباري الجداد برضو من كوشة لي كوشة وحيدر اخوي دا وقت جاتو... بعد ما حفت تحت المزيرة وجهز عشان يبيّض.... حبا ليهو جدادة منقطة كدي.....وبقى مباريها...وبرضو يغني لها
مهرك.... الغالي
واسكيلك العالي
مو غُنا ساكت.... يغني والدموع نازلات اربعة اربعة..يبكي.....وبرضو جا وبيّّض تحت المزيرة.... مزيرتنا الما تغباك القدامك دي.... علا ربنا شافو وبيضتو كانت صغيرة شوية....... علا يا سجيمان الحمى ام بيض دي علاجا ساهااال وهين... اربعة كيات بالمرواد محل ما بتنزل البيضة و خلاس....... انا كنت قاعد فوق كرسي جلوس رفعت كرعي واتعنقلت فوق الكرسي عاين لي..وضحك وقال لي يا سجيمان؟..... يا جنا نعل ماك حاسي لك بي شي؟
|
|
|
|
|
|
|
العنوان |
الكاتب |
Date |
الحُمـــىَ... ام بيـض | سجيمان | 04-01-04, 12:51 PM |
Re: الحُمـــىَ... ام بيـض | خالد الحاج | 04-01-04, 01:05 PM |
Re: الحُمـــىَ... ام بيـض | WALEED YASSIN | 04-01-04, 01:42 PM |
Re: الحُمـــىَ... ام بيـض | سجيمان | 04-01-04, 11:20 PM |
Re: الحُمـــىَ... ام بيـض | سجيمان | 04-01-04, 03:53 PM |
Re: الحُمـــىَ... ام بيـض | abas | 04-01-04, 01:32 PM |
Re: الحُمـــىَ... ام بيـض | Ali Alhalawi | 04-01-04, 02:02 PM |
Re: الحُمـــىَ... ام بيـض | سجيمان | 04-02-04, 02:50 PM |
Re: الحُمـــىَ... ام بيـض | سجيمان | 04-01-04, 07:57 PM |
Re: الحُمـــىَ... ام بيـض | حبيب نورة | 04-01-04, 11:47 PM |
Re: الحُمـــىَ... ام بيـض | هاشم نوريت | 04-02-04, 03:03 AM |
Re: الحُمـــىَ... ام بيـض | انور الطيب | 04-02-04, 03:42 PM |
Re: الحُمـــىَ... ام بيـض | Al-Masafaa | 04-02-04, 04:22 PM |
Re: الحُمـــىَ... ام بيـض | سجيمان | 04-03-04, 12:59 PM |
Re: الحُمـــىَ... ام بيـض | سجيمان | 04-03-04, 08:25 AM |
Re: الحُمـــىَ... ام بيـض | سجيمان | 04-03-04, 08:18 AM |
Re: الحُمـــىَ... ام بيـض | سجيمان | 04-02-04, 08:53 PM |
Re: الحُمـــىَ... ام بيـض | حبيب نورة | 04-03-04, 08:24 AM |
Re: الحُمـــىَ... ام بيـض | حبيب نورة | 04-03-04, 08:34 AM |
Re: الحُمـــىَ... ام بيـض | سجيمان | 04-03-04, 08:04 PM |
Re: الحُمـــىَ... ام بيـض | alfatih | 04-03-04, 05:51 PM |
Re: الحُمـــىَ... ام بيـض | سجيمان | 04-03-04, 08:14 PM |
|
|
|