|
|
 الشــمام حلــف مـا يضــارا
|
تصميم الازياء شغلانة ساهلة وهينة.... وكمان لزيزة.... المصمم يجيب ليهو اتنين متر قماش ويوزعو علي خمستاشر بت...ويقصو يستر الراس و القدم وبس....والشعر يلخبطوهو ويصوطوهو ويقولو دي موضة..... وبعد العرض والتصفيق....يجي المصمم ناطي...ويلمن فيهو البنات وكل واحدة تروح بايساهو....في جضمو...نعمة ما بعدا نعمة خمستاشر بوسة...وقروش كوم رز.... قررت اشتغل مصصمم ازياء وان شاء الله اهلي ينفضو ويجدعوني للكلاب...وحاصمم تسريحة الشعر مع الفساتين...اما الملابس الداخلية ما حاشتغل بيها تحاشيا لشيل الحال... يعني مثلا اعمل في الشعر عشرين كعكة وكل كعكة اربطا بي دلقان اخدر..واسمي التسريحة دي "ليمون بارا".... عشان ناس ليمون بارا ما يزعلو... اها قصرت معاهم؟....ولاّ الم الشعر كلو في قعر الراس من ورا..واخلي خصلتين من قدام.. خصلة ارقدا...والخصلة التانية ارفعا بي عود في زاوية ستين درجة مع الراس..وتكون دي تسريحة"بولة الكلب"....ولاّ احلق الشعر كلو...واخلي لي شعره واحدة في نص الصلعه اسمي التسريحة" ضرائب المغتربين".....او انكش الشعر كلو واوقفو زي الابر والونو لون احمر واسمي التسريحة دي" القيامة قامت في حلتنا"...
اما الفساتين.... دي حاجة بسيطة...اعمل فستان طويل يستر بس اخلي حتة كبيرة كدا فاتحة في الصدر...واسمي الفستان دا" الشمام حلف ما يضارا"...ولاّ قَصَة تانية... الف الصدر بي شلتوت واخلى البطن والسرة في الصقيعة...واستر التحت...واسمي الفستان" بئر ابو جابرة"..القَصة دي ما بتنفع مع سودانيات الداخل... لانو الغبار والعجاج الواحدة لو لبست كدا ورجعت البيت اخر النهار حتكون الصُرة اتردمت و علا تجيب لها كوريك وتشيل التراب منها....... ولا فستان يكون من قدام قافل من فوق لي تحت..ومن ورا الضهر كلو يكون برا... وما مغطى واسمي الفستان" الدوكة"....و قَصّة تانية..استر قدام كلو...وورا استر الضهر والكرعين...واكشف ما بينهما..واسمي القَصَة دي..." تيمان برقو المابتفرقو"....ولا اعمل بلوزة مع بنطلون البنطلون يكون كراع واحدة بس والكراع التانية مافي كلو كلو...واسميها " شريان الشمال"...ولاّ اسكيرت... يكون شفاف في النص من ورا ومن قدام...واسميهو "كاشف الرقم".......
باقي حاجة مهمة..... عشان ابقى نجم من نجوم تصميم الازياء العالمين....اغير اسمي...الي.... سجيمان دي بافوار
|
|
 
|
|
|
|
|
| العنوان |
الكاتب |
Date |
| الشــمام حلــف مـا يضــارا | سجيمان | 04-07-04, 09:12 AM |
| Re: الشــمام حلــف مـا يضــارا | saifkeli | 04-07-04, 09:36 AM |
| Re: الشــمام حلــف مـا يضــارا | ABU QUSAI | 04-07-04, 12:01 PM |
| Re: الشــمام حلــف مـا يضــارا | سجيمان | 04-07-04, 09:53 PM |
| Re: الشــمام حلــف مـا يضــارا | Ali Alhalawi | 04-07-04, 12:05 PM |
| Re: الشــمام حلــف مـا يضــارا | سجيمان | 04-08-04, 06:14 AM |
| Re: الشــمام حلــف مـا يضــارا | سجيمان | 04-07-04, 02:07 PM |
| Re: الشــمام حلــف مـا يضــارا | حبيب نورة | 04-07-04, 09:59 PM |
| Re: الشــمام حلــف مـا يضــارا | سجيمان | 04-08-04, 07:59 AM |
| Re: الشــمام حلــف مـا يضــارا | Abd-Elrhman sorkati | 04-07-04, 10:05 PM |
| Re: الشــمام حلــف مـا يضــارا | سجيمان | 04-08-04, 01:12 PM |
| Re: الشــمام حلــف مـا يضــارا | فرح | 04-08-04, 08:03 AM |
 Re: الشــمام حلــف مـا يضــارا | ترهاقا | 04-08-04, 10:25 AM |
| Re: الشــمام حلــف مـا يضــارا | سجيمان | 04-08-04, 03:23 PM |
| Re: الشــمام حلــف مـا يضــارا | سجيمان | 04-08-04, 02:30 PM |
 Re: الشــمام حلــف مـا يضــارا | Adil Kadees | 04-08-04, 09:21 PM |
| Re: الشــمام حلــف مـا يضــارا | سجيمان | 04-08-04, 09:41 PM |
| Re: الشــمام حلــف مـا يضــارا | سجيمان | 04-09-04, 03:04 PM |
|
| |
سجيمان
فيس بوك
تويتر
انستقرام
يوتيوب
بنتيريست