نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
عصيــر الدليـــب......كيــــة لي فتحيــة
|
انا ما بلوم ناس التفلزيون.... انا بلوم ناس وزارة الاعلام..لي شنو الحقارة دي يا اخوانا....؟.... نحن يعني ما فينا ولازول بيشبة عصير المنقة؟.... يسو العصير عند اهلنا وفي الدعاية يجيبو السوريين يشربو فيهو...وفي تفلزيونا؟...ونحن نتفرج فيهم..اسرة سورية تشرب في عصير منقتنا وقدام عيونا... راجل ومرا ووليداتم....الشراب بالسوري والنضم بالسوري....وحتى المرا السورية خالفا كراعا بالسوري....نحن نسوانا البيعرفن لي خلف الكراع كتار..... وان ما قدرت تخلفا... اليخلفوها ليها ناس التفلزيون.... ويربطوهن علي بعض وبعد التصوير يفرتقو الكريعات من بعضن......اصلو عذر مافي....حسي عليكم الرسول زي سمية عبد اللطيف دي ان لحقت خلفت كراعا في دعايتكم دي وجغمت المنقة..... ما بتشرب لها صفيحتين حقات عصير؟...ان ختت الرحمن في قلوبا....ولاّّ بس عدم سعوال.. فينا؟..... انا الفهمتو من دعاية عصير المنقةدا.... انو نحن قداديمنا دي ما قداديم عصير....... نحن نشيل المنقة بي حالا ونقعد نكد فيها....ونحلق ليها كويس....ووليداتنا.... يجيك الواحد مارق من اهلو نص النهار....والمنقة مسيلة فوق جضومو وعارقيهو وكرعيهو....ومتجربن كلو.....وشايل المنقة وجاري وتجي امو لافحا توبا وساكاهو في نص الشارع .... يا ولد عصام انت الله يقُصك ويفُصك.... ادخل....من الهجيرة دي...... خلاص عصير المنقة خليناهو ....وقت قالو مو شبهنااليسوى دعاية لي عصير الدليب....وحات الله بنشربو ليهم......... ودعاية عصير الدليب ما دايرا اي امكانيات.... عنقريب في ضل الضحا....وصفيحة وكوز....وسمية عبد اللطيف وبلقيس عوض..... يقعدن في العنقريب.... ويجغمن في عصير الدليب... كوزين كوزين.. بعد ما يتملن عصير دليب..... يقومن يردحن.... ويكشفن روسيهن.... ويخلن ايديهن في وضع حي ووووب...... قعاد ضل الضحى فوق العنقريب وحلاتو جغيّم ... عصير الدليب وكية لي فتحية وكية لي فتحية وكية لي فتحية
|
|
|
|
|
|
|
العنوان |
الكاتب |
Date |
عصيــر الدليـــب......كيــــة لي فتحيــة | سجيمان | 05-17-04, 08:45 PM |
Re: عصيــر الدليـــب......كيــــة لي فتحيــة | عدلان أحمد عبدالعزيز | 05-17-04, 08:54 PM |
Re: عصيــر الدليـــب......كيــــة لي فتحيــة | المسافر | 05-17-04, 10:05 PM |
Re: عصيــر الدليـــب......كيــــة لي فتحيــة | سجيمان | 05-18-04, 11:57 AM |
Re: عصيــر الدليـــب......كيــــة لي فتحيــة | سجيمان | 05-18-04, 08:19 AM |
Re: عصيــر الدليـــب......كيــــة لي فتحيــة | سجيمان | 05-20-04, 09:19 AM |
Re: عصيــر الدليـــب......كيــــة لي فتحيــة | ABUHUSSEIN | 05-17-04, 10:42 PM |
Re: عصيــر الدليـــب......كيــــة لي فتحيــة | سجيمان | 05-18-04, 04:14 PM |
Re: عصيــر الدليـــب......كيــــة لي فتحيــة | aboalkonfod | 05-18-04, 07:15 AM |
Re: عصيــر الدليـــب......كيــــة لي فتحيــة | سجيمان | 05-18-04, 08:38 PM |
Re: عصيــر الدليـــب......كيــــة لي فتحيــة | abas | 05-18-04, 07:32 AM |
Re: عصيــر الدليـــب......كيــــة لي فتحيــة | سجيمان | 05-18-04, 08:57 PM |
Re: عصيــر الدليـــب......كيــــة لي فتحيــة | الطيب بشير | 05-18-04, 06:50 PM |
Re: عصيــر الدليـــب......كيــــة لي فتحيــة | سجيمان | 05-18-04, 09:07 PM |
Re: عصيــر الدليـــب......كيــــة لي فتحيــة | بلدى يا حبوب | 05-18-04, 07:26 PM |
Re: عصيــر الدليـــب......كيــــة لي فتحيــة | سجيمان | 05-18-04, 10:42 PM |
Re: عصيــر الدليـــب......كيــــة لي فتحيــة | Rawia | 05-19-04, 02:38 AM |
Re: عصيــر الدليـــب......كيــــة لي فتحيــة | سجيمان | 05-19-04, 08:59 AM |
|
|
|