|
Re: مـن طــرائــف المنـاسبـات الســـودانيــة :) (Re: ناذر محمد الخليفة)
|
Quote: ود القوز ...
أها هاك من الطرائف بوست كامل الدسم أبو تلاتة صفحات عشان تآآمن : |
واللاي يا ناذر الظاهر عليهو بوست روعة بي شلاقتك ايام الجاهلية دييك ... و انا لسة ما كملتو .. لكن الحادثتين بتوعنك ديل بكوني بدموعي لدرجة انا بكون سايق العربية و تلقاني بضحك براي .. لمن في واحدي مواطنة قايلاني بشاغل فيها .. و قامت نزلت القزاز و قالت ليش تغازلني .. قلت ليها يا أخت انا بسمع في شريط محمد موسى ... قالت لي منوها محمد موسى .. قلت ليها دة بلعب في المريـــــــخ...
دي شديدة :
قبل فترة طويلة أيام الثانوي مشيت إشتغلت حفلة في القطينة المناسبة كانت حنة بتاعت عرس .. في أثناء أنا بغني شايف واحد من بعيد بيبشر لي وبيحاول يجي ناحيتي بصعوبة بسبب الزحمة ..
من طريقة مشيتو لا حظت إنو الزول سكران وكدة.. قمت إستعوذت ودعيت ربنا يجيب العواقب سليمة.. صحبك طلع بعد تعب المسرح وجايي بيبشر وأنا خاتي بالي معاهو ..
إتخيل في اللحظة ديك جات طالعة جكساية ظريفة ورشيقة من الناحية التانية للبشير والشبال .. قمت جليت صحبي السكران داك (مع إنو كان وصلني) وقعدت أبشر للجكساية والسكران واقف جنبي منتظرني أعاين ليهو ...
الجكساية طلعت غتيتة وكترت من البشير لمن السكران إتغاظ مني (ألف) .. لمن هناية ديك مشت قبلت على السكران عشان أجاملو بالبشير قام رفع يدو وصراني ليك كف صرررررر .. لمن أنا قلت الكهرباء قطعت ..
الجو إتكهرب والسكران قعد يكورك (يعني أنا ما راجل ولا شنو ؟؟ عشان هي بت وأحلى مني ؟؟!!) ...
طبعا الناس مسكوا السكران وبتاع الأورغن خاف على جهازو لماهو والمسرح إتملا فل .. طبعا أخوك جاهو إحراج وجاهو بهق من الكف
الجماعة شبكوني ليك (خلاص السكران طلعناهو ليك واصل الحفلة) .. لكن بي ياتو وش ؟؟!! قلت لو واصلت الناس دي بتضحك فيني ... قمت قلت ليهم أنا ماشي بيتنا .. قالو لي خلاص إتعشى أول .. قلت ليهم ماليش نفس ..
صدق يا أساسي من ديك (والقصة دي ليها أكتر من 8 سنوات) بقى حدي في الحفلات الكلاكلات بس .. لمن تجيني حفلة في القطينةأو الجبل أقول للزول : بللللايي !!! قايلني عوير ولا شنو ؟؟!! شوف ليك زول داقس غيري يتكفت هناك .. شفت الصراحة دي كيف ..
لا واللاي صراحة جد ... بس إنت غلتان .. ياخ السكران دة كان تمشيهو و تعبرو بي بسمة نص وش إن شاءالله عشان يقطع وشـو ... لكن لو كان غنيت تاني كان تكون محمد موسى بـس...
و دي كمـان:
وفعلا ذهبنا في وقت العرض لنتفاجأ بأن المدرسة لم تستطع توفير سوى جهاز الساوند سيستم وجهاز أورغن كاسيو دون المواصفات فإحتجينا على ذلك ورفضنا إداء العرض رغم (التحانيس ) ..
وقد كانت هنالك إحدى طالبات المدرسة (ذوات الخفة الزائدة والجمال الهادي) مكلفة بالتفاوض معنا والقيام بضيافتنا .. فكانت تأتي إلينا في المكتب الذي خصصوه لنا (وتتظارف) بتملق ظاهر معنا حتى نقيم العرض ...
فكان أن جاءت إلينا في المرة الأخيرة بعد ان يئست من إقناعنا ف سألتنا في دلال شديد ورقة مبالغ فيها كادت أن تثني عزيمة البعض :
(إنتو هسي دايرين شنو وأنا أقوم أوفرو ليكم عشان اليوم ما يبوظ ؟؟)
فأجابها أحد زملاءناالوسيمين :
(نحنا بس دايرين أورغن ياماها) ...
فردت بي سرعة شديدة وبلهجة تفوح منها رائحة غيرة واضحة :
(أنا ما مها ... أنا إبتسام) ...
فما كان منا إلا الإنفجار ضحكا وتركناها متحيرة فيم نضحك !!
|
|
|
|
|
|
|
العنوان |
الكاتب |
Date |
مـن طــرائــف المنـاسبـات الســـودانيــة :) | Haytham Abdulaziz | 12-13-06, 07:52 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-13-06, 11:16 AM |
Re: مـن طــرائــف المنـاسبـات الســـودانيــة :) | ناذر محمد الخليفة | 12-13-06, 11:27 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-13-06, 11:34 AM |
Re: مـن طــرائــف المنـاسبـات الســـودانيــة :) | Moawia Mohammed | 12-13-06, 12:01 PM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 02:30 AM |
Re: مـن طــرائــف المنـاسبـات الســـودانيــة :) | Moawia Mohammed | 12-13-06, 12:10 PM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 02:27 AM |
Re: مـن طــرائــف المنـاسبـات الســـودانيــة :) | Alsa7afa_30 | 12-13-06, 01:43 PM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 02:22 AM |
Re: مـن طــرائــف المنـاسبـات الســـودانيــة :) | لؤى | 12-14-06, 02:31 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 02:47 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 02:42 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 03:00 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 03:15 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-14-06, 06:26 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-19-06, 01:57 PM |
Re: مـن طــرائــف المنـاسبـات الســـودانيــة :) | Haytham Abdulaziz | 12-19-06, 02:45 PM |
Re: مـن طــرائــف المنـاسبـات الســـودانيــة :) | Moawia Mohammed | 12-19-06, 02:58 PM |
Re: مـن طــرائــف المنـاسبـات الســـودانيــة :) | ناذر محمد الخليفة | 12-19-06, 03:07 PM |
Re: مـن طــرائــف المنـاسبـات الســـودانيــة :) | Haytham Abdulaziz | 12-20-06, 04:25 PM |
Re: مـن طــرائــف المنـاسبـات الســـودانيــة :) | Haytham Abdulaziz | 12-20-06, 04:32 PM |
Re: مـن طــرائــف المنـاسبـات الســـودانيــة :) | motaz | 12-20-06, 09:47 PM |
Re: مـن طــرائــف المنـاسبـات الســـودانيــة :) | فيصل محمد خليل | 12-20-06, 10:51 PM |
Re: مـن طــرائــف المنـاسبـات الســـودانيــة :) | Haytham Abdulaziz | 12-21-06, 08:34 AM |
Re: مـن طــرائــف المنـاسبـات الســـودانيــة :) | Haytham Abdulaziz | 12-21-06, 08:42 AM |
|
|
|