|
|
|
 Re: المراة التي (بصقت) في رجلي قبل شوية في السوق العربي (Re: Dr.Saeed Zakarya Saeed)
|
منعم
ارفع لينا عينة من البتاع
من مركز رفع النفايات المجاور لمركز رفع الاغاني والصور
وبنديك النتيجة فورا
لكن لازم تدينا مواصفات البزّاغة ( الشلوفة ) العملت العملية دي
لانو المواصفات دي عندها دور في التحليل
برة الموضوع
في شقتك للسوق العربي ما قرطعت ليك مديدة
واحد راقد اسبتالية راقد واحد جنبو طوالي اهلو بيجيبو ليهو مديدة
صاحبنا نفسو في المديدة
انتظر الراجل ينوم ويروح شايل ليك الصحن التحت السرير
وقرطعك قرطعك
انت عارف الصحن طلع بتاع شنو ؟
| |
 
|
|
|
|
|
|
|
 Re: المراة التي (بصقت) في رجلي قبل شوية في السوق العربي (Re: عبد المنعم سليمان)
|
منعــم كيفـك قلت لي:
Quote:
وفي تالت شقي
الشقي بعتر ليه محمد اي سليمان في المنبر !!
منعم |
و لا الشقـــي :
Quote: وانا ماشي
احس ليك بحاجة لزجة وباردة وكبيره في رجلي اعاين القا ليك البتاع الاخضر
الكبير داك في رجلي ومره تلاتينية كده بتقول لي سووري ما شفتك يا اخوي !!
انا لا بس لي شبط مطلع اصابعي بره والسوق العربي ما فيه حمامات كلة الا
الحمامات ديك الاحسن منها بصاق المره دي !! |
هســع عليك الله في الشتاء دة و البرد دة البخليك تلبس شبط شنو لو ما إنت شقــي آل محمد E سليمـان آل ... هسـع إنت لو ما شقي مالك نازل من الترتوار ... أهـا قبل ما محمد سليمان إقرا البوست دة الله أخد ليهو حقو .. إنت تتجازى يا منعـم...
أهـا و بمناسبة البصقة دي .. و الله انا مرً بي موقف أكعب من بتاعك دة .. في سنة 1987 جاني صاحبي في القوز ايام الشتاء البارد داك و هو ساكن الكلاكلة و قعد معاي لحدي المغرب و بعد شرب الشاي أصر إنو يرجع الكلاكلة .. قدر ما قلت ليهو نوم هنا و بكرة تشتت .. أها إطريت أوصلو ابو حمامة و طبعاً الأيام ديك لا مواصلات و كمية من الزحمة في المواصلات .. اها ربك رب الخير جاب لينا باص الكلاكلة و صاحبي دة شليق دافر من جاي لجاي و ركب و لقى ليهو كرسي لكن ما جم الشباك .. و قاعد جم واحد جنوبي اها انا علي شلاقتي قلت اركب في اللستك و اتونس معاهو شوية بالشباك ... وحاتك الساعة المديت رأسي لي فوق و أحس ليك بحاجة سخخخخنة و عفنة في وشي .. أتاري الجنوبي كان سافي و داير إبزق السفة و جات ليك في وشي و جوة عيني واللاي انا اليوم داك ما عارف وصلت البيت كيف و طبعاً صاحبي ميت من الضحك و الجنوبي شابكني ليك سوري يا فردة ... سوري يا جنا أرب ... ياخ انا وشي دة الشتاء كلو ريحتو صعوط و مسسسخن طــوااالــي ...
مــع مــودتــي...
هيثــــم....
| |
|
|
|
|
|
|
|
|
|
Re: المراة التي (بصقت) في رجلي قبل شوية في السوق العربي (Re: عبد المنعم سليمان)
|
منعم عليييييييك الله
في مليونير ولا حته مشروع مليونير
يلبس ليهو شبشب في وسط السوق العربي
أسحب أسحب دعوتك وما ظنيتها هي لافقة معاك أخير هشام
غايتو الظاهر عليك زي كده وسواس من الدرجة الأولى وحصلت معاي عند زيارة
أحد المعارف والقادم من أحد دول الخليج لإكمال بعض الفحوصات التي بدأها في
زيارة سابقة حيث تأكد اصابته بفيروس الكبد c وكان الرجل عطوفا حنونا
لدرجة كبيرة مع صغيراتي وكانت قبلته غالبا ماتكون مباشرة في الفم مما زاد
خوفي وقلقي وجعلني أذهب للطبيب للإطمئنان على صحتهم حيث ضحكت الطبيبة على
معلوماتي المتواضعة وقالت لا تنتقل العدوى بهذه الطريقة ولكن لسان حالي يقول
كان مرة أقنعيني إلا أن أرسلتنا لعمل التحليل اللازم , ياعملات معاذ عالم وهم
تحياتي
صلاح واسبة
| |
|
|
|
|
|
|
|
|
|
Re: المراة التي (بصقت) في رجلي قبل شوية في السوق العربي (Re: عبد المنعم سليمان)
|
شكرا للمتداخلين برضه هسه جاي من القوس البرعي(السوق العربي)
باللغة الراندوك حتي اسالو ناذر وعمي الفاتح جبرا ملك الرندكه
نبدا بالاستاذ المحترم محمد مختار جعفر
Quote: وهكذا ترتقى الكلمة والمشهد الجمالى !!!!!!!!!!!!!!!! ؟؟؟؟؟؟؟؟؟؟؟؟؟؟ !!!!!!!!!!
؟؟؟؟؟؟؟؟ !!!!!!!!!!!!!!!!! ..... عجبى
وردي يا استاذ والله عجبي علي كلامك البحجر علي الناس دا !!
ناذر
مالك بتضحك في شنو بصقة وتعدي انشاء الله الصينيات يلموا فيك
في السوق العربي يفكسوك ( من فكس) عشان خاطر اي سليمان
| Quote: تغير ثم ثانيآ ياخـى مالقيت ليك كوم رملة تحشـر رجـلك دى وتريحـنا ولا إنت قايلة رجـل هيثم طمبل. |
ود كسلا قريبي ازيييك
كوم رمله شنو كمان تقوم تطلع لي عقرب !! ليه ؟؟
بعدين بتاعين البرد بقو راقيين وعندهم جركانات وفي محلاتهم
وانا البصقة جاتني بعيد من محلاتهم الراقيه .
Quote: عبد المنعم ازيك ...
قلت ادخل البوست بتاعك المقرف و الظريف ده ...
نفرق فيه شوية من القرف البرة ... |
سوباجو يا ظريف يا ما سياسي انت
مقرف وظريف دي ذكرتني بمطعم بمشية صحبي
شعاره وسخ لذيذ ورخيص !!
عشان تاااامن ظاااتو
ولسه جاي
منعم
| |
|
|
|
|
|
|
|
|
|
Re: المراة التي (بصقت) في رجلي قبل شوية في السوق العربي (Re: عبد المنعم سليمان)
|
صلاح
احترامي
Quote: في مليونير ولا حته مشروع مليونير
يلبس ليهو شبشب في وسط السوق العربي
أسحب أسحب دعوتك وما ظنيتها هي لافقة معاك أخير هشام
غايتو الظاهر عليك زي كده وسواس من الدرجة ا |
والله يا صلاح ده ما شبشب دا شبط جلد سوداني اصيل من سوق امدرمان
وبعدين مليونير شنو !! مش صحبك هشام ده خلي دعواته تشغلوا اول
*******
ود الباوقه
تحياتي
يا انقاذي يا بصاق ده ما كله منكم
| Quote: هل لون البصاق اخضر صفراوي ولا اخضر ليموني |
اخضر بنفسجي !! طحالب دي ولا شنو يا دكتور ؟!!
هيثم
كيفك يا باشا
الشقي يبصق ليه محمد اي سليمان في البوست بتاعه
معقوله دي مش
| Quote: كان سافي و داير إبزق السفة و جات ليك في وشي و |
عرفنا داك سافي تمباك دي سافه مديده ولا شنو !!
| Quote: واحد راقد اسبتالية راقد واحد جنبو طوالي اهلو بيجيبو ليهو مديدة |
يا جارح شنو القرف ده بالله
وجاييك يا هشام
منعم
| |
|
|
|
|
|
|
|
|
|
Re: المراة التي (بصقت) في رجلي قبل شوية في السوق العربي (Re: عبد المنعم سليمان)
|
يا عم فاروووق يا حليلللك
Quote: هسع منى لو دخلت بوستك يمكن شهر ما تاكل!!!!
هسع حصل Isgragh دي بكون ودوها ال ICU !!!!!!!!! |
والله امس بحكي لاشراقة وهي بتاكل في سندوتش وشايله حاجه بارده وبتقول
لي اها والحصل شنو !! icu قال دي بعد كلامي كانت مشتهيا ليها KFC
يا حليل زمنكم يا عم فاروق والنسوان العوافات الواحدة فيهم بدق
في الشرموط وفاتحا نخرينا الكبار ديلاك وبتقول هل من مزيد !!
منعم
| |
|
|
|
|
|
|
|
|
|
Re: المراة التي (بصقت) في رجلي قبل شوية في السوق العربي (Re: عبد المنعم سليمان)
|
Quote: انت شغال فى العمارة الكويتية وماشى تفطر/تتغدى فى مريديان؟
يا زول مش كفاية بقولوا نضال كيبوردى و معارضة فنادق
تقوم تكتبها عديل وبلا خجل..وشنو ...بتعاف من البصاق ..
أسع فى داعى ( للكفاح) دا؟ |
معتصم يا ظريف يا وريف
مريديان شنو البفطر فيه
والله اخر مريديان دخلته كان في دبي يا معتصم
انا لا بعاف لا بخاف يا معتصم ده حاجة تانية ما البصاق البتعرفه انت داك
ما عارف دي مره ولا كوبرا !!
والله يا معتصم يا ريت لو متهمننا بكده
هنا بقولوا لينا معارضة ستات الشاي
ما سمعت الهندي عزالدين المسكين قريب
بدرالدين الامير وود ام مغد قال عننا شنو !!
البصقة الجايا باكله في حناني
تقديري
منعم
| |
|
|
|
|
|
|
|
|
|
Re: المراة التي (بصقت) في رجلي قبل شوية في السوق العربي (Re: عبد المنعم سليمان)
|
| Quote: معقول ياخ تكون مبصوق ليك يومين ونحن اخر من يعلم |
شكرا يا كيكي اخوي انشاء الله يوم بصقت ما يجي ..
| Quote: بصاقة بقي اخضر مع القبة الخضراء والساحة الخضراء والحزام الاخضر والخضراء الشديدة |
دي الوحمة الخضراء ( علي وزن النفرة الخضراء)
شفت الكيزان ديل كيف !! خضروو البصاق ظاااتو
ودي من انجازاتهم يا كيكي !!
والله يا كيكي ما عارف البصقة الخضراء دي من شنو
المره دي تكون متوحمه ليها بنيمه يا ربي ولا شنو
يمكن !!
كسره : مشتاقيين وبقابل صلاح يوم 15
احترامي
منعم
| |
|
|
|
|
|
|
|
| |
عبد المنعم سليمان
محمد عادل
Dr.Saeed Zakarya Saeed
يازولyazoalيازول
garjah
Haytham Abdulaziz
حسين يوسف احمد
Salah Waspa
Sobajo
WADKASSALA
ناذر محمد الخليفة
محمد مختار جعفر
معتصم الطاهر
عزان سعيد
Adel Sameer Tawfiq
Munir
فاروق حامد محمد
Anwar Osman
عصام علي أحمد
Ishraga Haimoura
عبدالكريم الامين احمد
Moawia Mohammed
فيس بوك
تويتر
انستقرام
يوتيوب
بنتيريست