|
|
 السنط ... قولو ماشاء الله ... (صور)
|
أعلنت شركة السنط للتنمية وهي شركة سودانية رائدة في مجال الاستثمار العقاري، خلال مشاركتها في فعاليات Cityscape، عن تطوير مشروع مجمعات سكنية وتجارية في منطقة المقرن بقلب الخرطوم بحجم استثماري يبلغ 4 مليارات دولار. وتبلغ مساحة المنطقة التجارية المركزية( 160 فداناً). بينما تبلغ مساحة المجمع السكني (1420 فداناً). وتقوم حكومة ولاية الخرطوم بالتضامن مع مجموعة دال بإنشاء هيئة إدارية عامة لإدارة المنطقة المطورة. وقال المتحدث الرسمي للسنط: « تتشرف شركة السنط للتنمية بأن تكون الرائدة في مجال الاستثمار العقاري، في بلادنا التي تشهد طفرة اقتصادية غير مسبوقة وواعدة بالرخاء والتقدم والنمو». وأضاف «إن هدفنا هو تطبيق أعلى المعايير العالمية لإنشاء مركز تجاري حديث يكون ملتقى للعمل التجاري العالمي في شرق أفريقيا». مشيراً إلى أن « وضع المخطط الرئيس لمنطقة المقرن ليصبح ملتقى تجارياً حيوياً بمنطقة شرق أفريقيا ومحوراً لتنمية الأعمال في هذا الإقليم النامي والغني بالبترول». وتقع المقرن عند ملتقى النيلين الأبيض والأزرق وتعد من أميز المواقع بمدينة الخرطوم. يتم تطوير المشروع على مرحلتين في آن واحد، المرحلة الأولى بمساحة (160 فداناً) وهي المنطقة التجارية المركزية المصممة على أحدث النظم العالمية، والمرحلة الثانية بمساحة (1420 فداناً)، وتشمل مجمعات سكنية وترفيهية بما في ذلك ملعب عالمي للجولف (18 حفرة).
ناس الخرتوم قالوا دايرين يلعبوا قولف .......
والله أيامكم أيام ياناس الخرتوم ........
قولوا ماشاء الله.....
معاكم سلامه
|
|
 
|
|
|
|
|
|
|
|
Re: السنط ... قولو ماشاء الله ... (صور) (Re: محمد فرح)
|
أخي / محمد فرح
أفرح الله ايامك ،،،، الصور جميلة ومستحيلة ،
| Quote: أعلنت شركة السنط للتنمية وهي شركة سودانية رائدة في مجال الاستثمار العقاري، |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياخي ممكن تورينا عملوا شنو قبال كده
Quote: ناس الخرتوم قالوا دايرين يلعبوا قولف .......
والله أيامكم أيام ياناس الخرتوم ........ |
لا توجد تنمية بدون استقرار ،،، وإن وجدت معناها المستثمر دا بغسل في هدوموا ساااااي
ناس الخرتوم خلوهم يلعبوا أم الحفر وسكج بكج
| |
|
|
|
|
|
|
|
|
|
Re: السنط ... قولو ماشاء الله ... (صور) (Re: محمد عبدالله هارون)
|
| Quote: ياخي ممكن تورينا عملوا شنو قبال كده |
الأخ محمد عبدالله والله علمي علمك حتى أنا لم أسمع بإسم هذه الشركه قبل قيامها بهذا الإستثمار في السودان وكان وجدت الخبر ده في أحد المواقع المتخصصه بالإستمثمار
وده اللينك http://www.ameinfo.com/ar-38812.html
| Quote: لا توجد تنمية بدون استقرار ،،، وإن وجدت معناها المستثمر دا بغسل في هدوموا ساااااي |
ونحنا في السودان نتمنى التنميه والمستثمرين ينتظرون بفارغ الصبر إستقرار الأوضاع في البلاد لينقضوا بإستثماراتهم التي تفيد وتستفيد .......
ولايمكن لأي مستثمر أن يرمي أمواله في بركه اسنه فمثل هذه الشركات تعرف جيداً أين تضع أموالها كما تعرف مواقع الربح وإحتمال الخساره لديهم ينخفض عادةً لما يقارب الصفر .....
أتمنى مزيد من الإستثمارات التي تقلل من نسب العطاله بالبلاد كما تساعد في التقليل من حده الفقر .....
معاك سلامه
| |
|
|
|
|
|
|
|
|
|
Re: السنط ... قولو ماشاء الله ... (صور) (Re: hatim ibrahim)
|
Quote: لقيت الموضوع لسع مجرد حلم هاهاها
ما بطال ... خلينا نحلم |
الغالي حاتم
غايتو الحلم ماشي كويس لأنو شايف الناس بتحفر وكده يعني لكن متين يتحقق الحلم ده غايتو الله أعلم .......
نسوي شنو ياأخوي غير نحلم غايتو أتمنى الأجيال الجايه تعيش في سودان أجمل وأنضف وتلعب القولف في الخرتوم .... امين
وتعال نحلم ياأخوي الحلم بقروش ؟؟؟؟؟؟
| |
|
|
|
|
|
|
|
|
|
Re: السنط ... قولو ماشاء الله ... (صور) (Re: محمد فرح)
|
محمد فرح سلام
500 سنة الشفناهو في الصور ما ظنيتو نشوفو في الواطا
بعدين انا خايف برضو تقوم الحكاية تطلع مأكلة بتاعة واحد من حرامية
الانقاذ وعمم المؤتمر الوطني اللافة ...
ربنا يكضب كل شينة ونشوف الحلم حقيقة
نحلم الحلم ما بقروش
| |
|
|
|
|
|
|
|
|
|
Re: السنط ... قولو ماشاء الله ... (صور) (Re: مهند مامون)
|
الغالي مهند مامون
| Quote: 500 سنة الشفناهو في الصور ما ظنيتو نشوفو في الواطا |
غايتو أبشرك إنو الحلم ده ماشي كويس وجاري العمل في المشروع على قدم وساق.....
وأتمنى المشروع الحلم يكتمل قبل أن نكتمل نحنا ونفرتق من الدنيا .......
وأتمنى المشروع ده يجلي من الجماعه اللباعين ديل .....
معاك سلامه
| |
|
|
|
|
|
|
|
|
 Re: السنط ... قولو ماشاء الله ... (صور) (Re: محمد فرح)
|
Quote: ياخي بالغت يا محمد فرح
الصور ( الحلم ) دي شفناها قبل سنتين
وحسع لما شفت بوستك ده دخلتو بلهفة شديدة
متخيل انو الحكاية بقت ( حقيقة )
..لقيت الموضوع لسع مجرد حلم هاهاها
ما بطال ... خلينا نحلم |
التفاؤل سمح يا ود فرح
الا كان للحفر ، ربك استر الديناصورات دي بتحفر في كوبري رفاعة من زمن عبود ، وجاتك ليوم الليلة ما قطعنا كبري !!!
| |
|
|
|
|
|
|
|
|
|
Re: السنط ... قولو ماشاء الله ... (صور) (Re: عشة بت فاطنة)
|
Quote: التفاؤل سمح يا ود فرح
الا كان للحفر ، ربك استر الديناصورات دي بتحفر في كوبري رفاعة من زمن عبود ، وجاتك ليوم الليلة ما قطعنا كبري !!! |
والله يابت فاطمه ياأختي قاعدين يوماتي نحلم بي سودان أجمل ......
لكن كبري رفاعه ده والله بالغوا فيه انا لمن سمعت بالكبري ده الكلام ده كان زماااااااااان...
أتمنى المسئولين يهتموا بي كبري رفاعه فالمدينه لها فضل على السودان لاينكره اللا جاحد ......
وهاك الصوره بس غمضي عيونك كده واتخيليها اتحققت ...
معاك سلامه
| |
|
|
|
|
|
|
|
|
|
Re: السنط ... قولو ماشاء الله ... (صور) (Re: محمد فرح)
|
الاخ محمد فرح
تحياتي
بالرسم الهندسي ناس الانقاذ من اجل السرقة والفساد يمكن يرسمه ليك
مانهاتن ذاتوو مكان توتي وكلة رسم وصور وكله سرقة الله ينتقم منهم !!
قلت لي شفتهم بحفروا ؟؟ ديل قاعدين يحفروا ليهم 17 سنه لي وليك
سؤال :
تتذكر مشروع سندس الزراعي وصوره الاحسن من الصور دي وكيف تمت سرقة
اموال المستثمرين والمغتربين ؟؟ قبل يومين شفتهم ارض بور ومكان لتجميع
القمامه ..
الا قاعدين يحفروا !!
الله يكفيك شر حفر الانقاذ ..
نصيحة مجانية للمغتربين والمستثمرين :
ما تتورطو واسمعموا النصيحة ..
تحياتي
منعم
| |
|
|
|
|
|
|
|
|
|
Re: السنط ... قولو ماشاء الله ... (صور) (Re: عبد المنعم سليمان)
|
العزيز عبد المنعم
الله يجازي من سرق مشروع سندس الزراعي فقد كان حلماً جميلاً
أتمنى أن يصبح السنط حقيقه ونجي نقعد مع الوليدات كده في الكورنيش بي مزااااااااااج ...
وياريت كمان الوقت داك لو الحرب وقفت والبلد عمرت .......
أحلام بريئه نتمنى لها أن تتحقق
| |
|
|
|
|
|
|
| |
محمد فرح
مهند مامون
عشة بت فاطنة
عبد المنعم سليمان
فيس بوك
تويتر
انستقرام
يوتيوب
بنتيريست