|
التكسب بالدماء والمتاجرة بالموتى ... حتى متى ؟!!!
|
العضو Mohamed E. Seliaman كتب يقول :
Quote: Quote: وربنا يوقي البلد شر الفتن ما ظهر منها وما بطن والفتنة لمن تقع لا بتعرفني لا بتعرفك الحادث مدان ومستنكر بشدة وحتى لو كان الجناة ينتقمون لمقتل الاخ دود رحمه الله فما ذنب هؤلاء العساكر وهم يؤدون واجبهم وهل يعالج الأمر بهذه الطريقة وهل كل زول في البوليس يبقى مجرم وجبهجي وتافه ودمه مهدر ؟؟؟وهل الشرطيين ليسوا الا ابناءنا واخواننا واعمامنا واهلنا ولحمنا ودمنا مثلما هم ناس الحركة وغيرهم من ابناء البلد ؟؟؟ لا يصح ان نغذي الفتنة او نشجعها لأن العايش في الخرطوم هو الذي سيدفع الثمن غاليا خصما على امنه واستقراره ان ندين الحوادث والاجرام والاعتداء ايا كان مصدره ودافعه فذلك ما لا خلاف عليه اما ان نحول مثل هذه الحوادث القبيحة الى مادة سياسية فذاك ما اره خطأ وضار بنا جميعا نطالب بشدة بالقبض على الجناة في كل القضايا وتقديمهم للعدالة بلا مجاملة وعلى قادة الجبهة والحركة والشرطة وغيرهم ان يلعبوا دورهم العاقل تفاديا لحرب البسوس والله المستعان
منطق رصين لكن لحلاقيم السقافة وهنابيك النضال منطق آخر
Quote: ان ندين الحوادث والاجرام والاعتداء ايا كان مصدره ودافعه فذلك ما لا خلاف عليه
منوالقال كلامك ده محل إجماع ؟؟ كدي راجع بوست الكوماندوز هاشم بدر الدين الكان بكري معلقو في سقف المنبر : أستغرب مواقف مثقفاتية الشمال من بلطجة الحركة الشعبية وتقديسهم جرائمها!! |
صراحة اذا كان ما ذهب اليه محمد سليمان صحيح تبقى مصيبة المصائب كل زول فينا لو استعرض اسرته الكبيرة او دائرة اصدقائه وزملائه لوجد فيها عشرات البوليس ومنهم من يعمل قبل انقلاب الانقاذ والكثيرين منهم لا سياسيين ولا منتمين لحكومة او معارضة شغالين في مهنتهم وبيؤدوا عملهم الزول البيموت مكتول او مغدور او مخطئ او مصيب كلهم سودانيين ودمهم غالي وعندهم ابوات وامات واولاد واهل وناس كبادها بتتحرق وتنشوي على اولادها يبقى لازم كلنا ننظر لذلك من هذه الزاوية ولا نبتهج بموت ونحزن لموت بعدين البلد فيها قانون وقضاء وعدالة وحقو كلو زول يمشي هناك وهي الخيار مهما كانت فيها من اخطاء جديدة او قديمة ممكن كلامنا ودفاعنا عن سلوك غلط يشجع مية زول على تكراره على الارض افتكر البعارض بعارض حكومة ومؤسساتها السياسية ورموزها اما الموظفين والجيش والبوليس والتجار والناس ديل ما عندهم قضية لا مع دا او مع دا ... ممكن يكونوا في استثناء من بينهم لكن لا يمكن ان نعمم الحالة .... دم كل سوداني غالي ودم كل نفس بشرية معظم ومكرم ولازم كلنا نخت دا في اذهاننا وبعداك كل زول يعمل الحاجة البتريحو ويتخذ الموقف الذي يراه
|
|
|
|
|
|
|
|
|