|
|
|
 Re: كتاب: علي عبداللطيف وثورة 1924 - بحث في مصادر الثورة السودانية / د. يوشيكو كوريتا (Re: Hani Abuelgasim)
|
هاني ابوالحسن، كيفك ياعزيزي.
اشكرك اولا علي مشاعرك النبيلة رغم اختلافنا الكبير.
خلينا ناذر بعض فيما اتفقنا حوله، اونعذر بعض فيما اختلفنا حوله.
الحقيقة باريت اللتك، اووصلت لي صفحة لاوزت منها صراحة!
علي العموم ان لم تخني الذاكرة، دكتور القدال الكان استاذي في مادة التاريخ الاقتصادي للسودان، يبدو لي تحدث عن العمل ده.
مشكلتي كتلميذ تاريخ، مع طرح المدرسة السائدة في المجال ده، انها للاسف مواصلة لي خط الاحتلال الثنائي.
يعني مدرسة مادة التاريخ في السودان مازالت تراوح مكانا متارجحة كما بندول الساعة، من مركزية عربية، لي مركزية اوربية.
انا انتمي لي مدرسة المركزية السودانوية، اوالافريقية اللي للان ماوصلت السودان للاسف الشديد!
مش غريبة مدرسة المركزية السودانوية في مجال تاريخ السودان، تكون الي اليوم ماوصلت السودان؟
ده بوريك حجم الاستلاب الحاصل لينا كسودانيين!
حتي في المنبر ده تعرفت علي عضو واحد فقط لديه ذات الاهتمام وذات الالمام بالموضوع هو الصديق "طناش" يطراهو الله بالخير.
هناك عضوة اخري ولكنها للاسف لاتشارك بالكتابة في المنبر، ذات المام كبير بي مدرسة المركزية الافريقية.
يعني 2 بخلاف شخصي الضعيف. ربما كان هناك اخرين لم اتعرف عليهم بعض.
المدرسة بدات في غرب افريقيا كما الثورة المهدية- اولا، ثم انتقلت للولايات المتحدة والكاريبي، لتعود لغرب افريقيا في السنقال مرة اخري في ديار العلامة، سيدي ومولاي، الشيخ انتا ديوب القبرو اصبح مزار وقبلة للحجاج، والسودان الي اليوم لايعرف عنه شئ يذكر!
سنغور الرئيس السنقالي لمان زار السودان في الثمانينات حاول مخطبتنا انطلاقا من الحتة دي، ولكن كلامو في مسامع ناسنا من حواريي المركزية الاوربية، مافهمو كلامو خالص!
حاجيك صادي.
| |
 
|
|
|
|
|
| |
Hani Abuelgasim
saif massad ali
Samau'al Abusin
Nasr
Bashasha
Elbagir Osman
عبدالرازق نقد
فيس بوك
تويتر
انستقرام
يوتيوب
بنتيريست