|
Re: حكايات و حكاوي من ايام حظر التجول (Re: يحى حسين القدال)
|
عزيزنا يحيى ،، سلام وشوق شديد ،، يعني نشوفك بس من خلال مشاركاتك المتباعدة هنا ولا كيف؟؟ == عانيت من مسألة حظر التجوال في يوليو 1989م بعد إستلام السلطة من البشير وربعه ، وقد أستلمت حينها عقد العمل للمملكة ،، كنت أسكن (خور عمر) (المدرسة) ، وبينها وبين السفارة السعودية زي 120 نقطة تفتيش،، المشكلة لما تصحى من فك الحظر وتصل السفارة يكون صف المراجعين حكاية لا تصدق،، زي عشرة أيام كنت آتي ولا أجد موطيء قدم أمام الشباك ،، قال لي أحد الفائزين بالموقع الأول أمام الشباك بعد تسليم أوراقه ،، يازول والله انا كنت نايم فوق في الشجرة الانت شايفا دي ،، أول ما فك الحظر تلبت في الشباك دا وغير كدا ما عندك حل ،، والله ضحكت بهستريا من هذا التصرف ، وفعلا موقع رهيب مافي أقرب منو ، لكن معقولة بس ، راس شحرة؟؟!!،
ذهبت للشرطي الخيال (السواري) حكيت ليه الفلم، تعاطف معي جداً وتأكد من إستحالة حصولي على هذا الموقع إلا بمعجزة،، قال لي يازول تعال بكرة على راحتك أنا بقعد ليك زميلي البمسك منو الوردية ،، وقد كان أن تمكنت أخيراً من تقديم أوراق إعتمادي مغترباً موكرا لحين إشعار آخر،، == يحيى خلينا نشوفك بالله عليك ،،
|
|
|
|
|
|