|
|
 Re: حكايات و حكاوي من ايام حظر التجول (Re: Muna Khugali)
|
اخونا القدال ضحكتني والله وذكرتني ايام لا تنسي ....
في احدي الايام الحظر كان من الساعة 11 ..وبامكانك استخراج تصريح مرور برقم العربة والسائق وعدد الركاب وخط السير ...وسبب
التحرك بعد الحظر ...لحدي هنا تمام ؟؟؟
كنا مرتبطين في حفلة في بحري المزاد ومعنا ثلاثه عازفين من بحري !!!
اه ياحبيب ...عددنا 15 نفر .... مشينا الحفلة وغنينا واستمتعنا (كانت حفلة جميلة بكل المقايس ).....انتهت الحفلة الجميلة لملمنا
عدتنا نزلوا الثلاثة في بحري بقينا كم؟؟ 12 فرد ...وصلنا كبري النيل الازرق تفتيش اقيفوا جايين من وين ؟؟من حفلة
عندكم تصريح ؟؟نعم ...استلم التصريح وقلبو يمين وشمال وراء وقدام ....تمام التصريح لكن انتوا 12 ؟؟؟؟؟؟؟؟؟؟
نعم نحن 12 وين المشكلة ؟؟؟ المشكلة في الثلاثه وينهم ؟...في بيوتهم ...لا لازم يحوا يمروا بي هنا !!!!!
ياراجل قول كلام تاني ....لا التصريح ده مكتوب فيهو 15 نفر لازم الـ15 يمروا بي هنا ...ويا كمان تبيتوا جنبنا هنا لي الصباح...
غايتو بعد تحانيس وقلنا ليهو نحن ناس زملاء في الجيش والشرطة غايتو شاف ليهو بطاقه بطاقتين قالينا امشوا بس ما تعملوا كده تاني
ذي ده تقول عليهو شنو؟؟؟؟؟؟
وحادثه اخري جاري عم جعفر رحمة الله عليه مرض وتعب ما كان الا من الاخوان نادوني بالحيط ابوي تعبان عايزين نوديهو الحوادث
الازمة قامت عليهو لازم يمشي المستشفي ...بسرعة لبست هدومي وجري علي حوادث الخرطوم في اول تفتيش وقفنا ومديت البطاقه
قلت ليهو عمنا ده وادي الحوادث ...وين تصريحك ؟؟؟تصريح شنو ؟؟؟ المرض حصل فجأ اجيب من وين تصريح وهو شايف
عمنا بناهد وراقد في الكرسي القدام .. الثاني قاليهو ياخي خليهم يمشوا حيلقوا تاني تفتيش قدام !!!
ديل الانسانيه اتنزعت من قلوبهم ام الغباء والبلاده وعدم التصرف مع انه في العسكريه بقولوا ليك العسكريه تصرف ....
تسلم ياسيدي ..
|
|
 
|
|
|
|
|
| |
عماد شمت
فيس بوك
تويتر
انستقرام
يوتيوب
بنتيريست