تحــول مفاجــــئ وخطيـــــــر في الموقــــف الاثيوبــــي

Quote: الغريبة يا محمود أنا كنت عايز انبّه عمر لمّـا فتح البوست، إنو يتوخّى الدقّة فى تقييم حالات الشعوب الأخرى. لأنو جهلو بالتفاصيل وإعتمادو على الإعلام (الإمبريالى) الموجه زى الـ BBC ممكن يورّطو فى مواجهات مع فصائل متطرّفة وعلى خلاف مع المؤسسة الإمبرايالية (على عكس عمر) لى درجة ممكن يحاولوا يسكتوا صوتو بأىّ تمن. بعد داك ما نقدر نقول إلاّ إنو الجَهَل نَصيبة! وعمر بما إنك بتتبنّى لفظ، حتى "بوش" زاغ منّو(وزع مذكرة داخلية بإستخدام لفظ "مسلّح متطرّف Militant Extremist") فما هو تعريفك للفظ: إرهابى؟ (رحم الله فرج فودة). وأتمنى إنك تاخد سؤالى دة مأخذ الجد، وما تهاتر معاى. لأنو والله تقول لى أى كلمة ما جادة نوع تهمك البتفكها فى محمود ابو بكر دى؛ تانى أصلو ما أحترمك، ولا أرجع البوست دة ولا أرد عليك. بعدين لو اضطرّيت تتهمنى أرجو انها تكون تهمة سياسية (خاين، بايع القضية، عميل، وما إلى ذلك) لأنو أىّ إساءة شخصية؛ حأرفع دعوى على المنبر طوّالى، أنا أصلاً عندى عليهو مآخذ دة ما محلها! جاوب: ما هو الإرهاب؟ من هو الإرهابى؟