|
|
 Re: مملكتى...المرفأ....وكوخ الأمنيات (بورد خاص) (Re: عبدالرحمن عزّاز)
|
| Quote: المهم فتحت المنبر ، و بالجد عندى ناس بقرأ ليهم أى كلمة يكتبوها ، أتفق أختلف ما قاعد أتداخل معاهم كلهم بعضهم الواحد بحس إنو أقصر قامةً من الرد عليهم ، جزء بتخيل إنو الأفضل أحافظ ليه على تسلسل أفكارو و أنعم بكلام جميل ، و نوع مشاكس لدرجة إنو يغيظنى و يوترنى بس برضو من كتابى المميزين، و ناس بحس بتلقائية فى التعامل معاهم لو لقيت فرقة برد عليهم ،....الأهم من دا كلو الإلفة !!! |
عبد الرحمن، يا جميل، يا أخا الإلفة و الإيلاف رغماً عن الخربانة أم بناية قش و رغماً عن فعايلا.
سلامات يا زول يا سمح...
و و الله، قسماً عظماً و ما طالبني حليفة، من لا يقرأ كما تقرأ أنت، فقد ضاع عليه خير كثير من خير سودانيز المبهول لمن بر بنفسه و أراد المعنى يرشف عناقيدو...
شوف يا أخوي، أنا المسيكين دا، في رمضان الفات علينا من قريب دا، هداني الهادي و الهدّاي، من كتابة عسل، لكتابة تأخذ بعسل كتابة فهي تأخذ بعسل الأخرى حتى يسيل عليك العسل فتغرق... جمعت كل ذلك في ملف عندي أسميته (الجمهرة ـ فوح العبير من ثنيات الإسفير) كنت أرجو أن أضيف عليه (إنطباعاتي الفطيرة) و أرسله يكون بوستاً في الإحتفاء بالجمال و بالجميلات و الجميلين ممن فاض علينا بالبديع في حين القباحات تسود و ممن منحنا الحسنات بلا سيئات (و فخر لي يا زول يا رائع، إنو القواسم المشتركات من مختاراتنا تتعاظم فتكاد تتطابق، أو هي تفعل)!!!
ثم غلبني، كالمعتاد ما يغلب، من أمور نكابدها بلا يسر فتعسرنا عن الإفاضة| Quote: يوم طويل و شاق ، من العمل المضنى و مساسقة دروب الدنيا و همومها الحالفة ما تكمل |
و غايتو، الله غالب تب !!!
فشكراً لك، شكراً جزيلاً، و أنت، السباق إلي الخير، إذ تستبق ضغث الأماني و تبادرها مما ملكت يدك، إلى بناء لك و يأوينا، كوخ هو عينه المملكة،
و إلى عروش لنا و هي لك،
في مملكة لا كالممالك تقهر،
بل هي المرفأ و هي السرر،
أو هي الأمنيات فيما تتفجر،
كمثلما إنسراب نبع حنين
من قاسٍ قد تحجَّر.
خلينا حسّع من سجع الكهان بأنصاص الليل دا، علي بجملة الأيمان يا عزّاز ما قصّرت معانا كلو كلو بإيرادك لكل هذا الفضل. بس يا ريت تسمح لي أضيف إلي قائمتك الشاهقة دي، بوست واحد شفتو الليلة دي بس و لا بد إنو حأضيفو في (جمهرتي) فتضوع باكثر من فوح...(لو ماعندك مانع أنا بجيب باقي "ناسنا" هنا في كوخك الحنيّن دا، رايك شنو؟)
شوفو البوست دا عليكم الله:
إمرأة وحيدة !!
والشكر لعبد الرحمن
و الأجر على الله
|
|
 
|
|
|
|
|
| العنوان |
الكاتب |
Date |
 مملكتى...المرفأ....وكوخ الأمنيات (بورد خاص) | عبدالرحمن عزّاز | 11-07-06, 00:06 AM |
 Re: مملكتى...المرفأ....وكوخ الأمنيات (بورد خاص) | عبدالرحمن عزّاز | 11-07-06, 09:10 PM |
| Re: مملكتى...المرفأ....وكوخ الأمنيات (بورد خاص) | عبدالرحمن عزّاز | 11-09-06, 11:32 PM |
| Re: مملكتى...المرفأ....وكوخ الأمنيات (بورد خاص) | nour tawir | 11-10-06, 05:38 PM |
| Re: مملكتى...المرفأ....وكوخ الأمنيات (بورد خاص) | عبدالكريم الامين احمد | 11-10-06, 05:48 PM |
| Re: مملكتى...المرفأ....وكوخ الأمنيات (بورد خاص) | Emad Abdulla | 11-10-06, 06:36 PM |
| Re: مملكتى...المرفأ....وكوخ الأمنيات (بورد خاص) | عبدالرحمن عزّاز | 11-12-06, 07:49 PM |
| Re: مملكتى...المرفأ....وكوخ الأمنيات (بورد خاص) | عبدالرحمن عزّاز | 11-12-06, 08:06 PM |
| Re: مملكتى...المرفأ....وكوخ الأمنيات (بورد خاص) | ابوعسل السيد احمد | 11-13-06, 02:21 AM |
| Re: مملكتى...المرفأ....وكوخ الأمنيات (بورد خاص) | عبدالرحمن عزّاز | 11-13-06, 07:25 PM |
| Re: مملكتى...المرفأ....وكوخ الأمنيات (بورد خاص) | حيدر حماد | 11-13-06, 08:39 PM |
| Re: مملكتى...المرفأ....وكوخ الأمنيات (بورد خاص) | هاشم الحسن | 11-14-06, 02:01 AM |
|
| |
هاشم الحسن
فيس بوك
تويتر
انستقرام
يوتيوب
بنتيريست