|
|
 باركوا العيد..بكرة العيد..
|
يا شباب..
دايرة استغل المساحة دي وابارك العيد لاهلي واصحابي وحباني وجيراني..
والداير يخش ويبارك لناسه برضه مافي مانع..
اخدوا راحتكم وباركوا معاي..
وياريت العيد يرجع عيد..!
|
|
 
|
|
|
|
|
|
|
 Re: باركوا العيد..بكرة العيد.. (Re: رشا سالم)
|
امي يا عسل..يا اغلي الناس..
كل سنة وانتي طيبة وبعافية وصحة ..
كل عام وانتي الحب والريدة والبساطة والنقاء..
كل عام وانتي امي وانا في حضنك..
يارب ما تحرمني من حنانك ولا تفرقنا من بعض..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
صلاح سالم الغياظ الاكبر..
كل سنة وانت طيب والقابلة شديد ولضيض ..
ربي يخلي ليك لولا وجوجو وسوسو وميمي ودوبي(مجلة ميكي ما شا الله)
ويخلي ليك الدكتورة امهم وست الناس كلهم ..
وستك انت ذاتك(وش بيكاوي فيك يا اله المكاواة)
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
الاخت الكريمة رشا
كل عام وانتم بالف خير ونسال الله ان يعيده علينا وكلنا بخير ..
وعبركم اهنىء كافة اعضاء وزوار سودانيزاونلاين الكرام .
والتهاني موصولة لكافة الاهل في الخرطوم والباوقة وبربر ...
وكل عام وانتم و الأمة الاسلامية بخير وعافية ...
ود الباوقة
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
جمال سالم ..اخوي الرايق الما متضايق..
كل سنة وانت طيب جدا..
كل سنة وندو احلي الناس..
كل سنة ولينا الرتينة بخير..
كل سنة ودكتوراتك رشا ورشا في قلبك وفي عيونك..
ربنا يخليك لينا يارب..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
شفيع سالم..اب ضراع..
الله يخدر ضراعك ومبروك عليك العيد وانت في احضان السودان بعد غيبة عمر..
ربي يخلي ليك ندورة العسل ..
ويخلي لينا سالم الشايل اسم جدو..
وضحي ..والليل اذا سجي..
طول بالك تاكل ملبن..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
الدكتورة رشا
كل عام وأنتي بألف خير والتهنئة لكافة أفراد الأسرة
سعدت أيما سعادة بأتصالك الهاتفي اليوم للمتابعة معنا
بخصوص تكريم الرائع عثمان حسين والمخضرم ذو النون بشرى
العيد سعيد على كل البورداب
فقط لي شجون قصوى وغصة محبوسة
لا يخفف عنها سوى وجود والدتي الحنونة معي بالرياض
فالعيد دون أحبابي أمنية وآلاء ومحمد وهبة وهيفاء
صغاري الأعزاء وبجانبهم زوجتي الحبيبة الوفية حنان
لا أحس له طعما ولا لون ولا رائحة
وأكتب هذه الكلمات والألم يعتصرني حقيقة
وربما وجدت في هذا البوست متنفسا لأعبر فيه عن
دواخل مشحونة بالحب لعائلتي الصغيرة
وربما هو متنفس لكل من إقتضته الظروف أن يكون
بعيدا عن أهله وأحبائه
حقا إنه إحساس دفين وعميق
وكل عام والجميع بخير
| |
|
|
|
|
|
|
|
|
|
Re: باركوا العيد..بكرة العيد.. (Re: عادل جبارة)
|
الاخ المحترم عادل جبارة..
انا برضه سعيدة بسماع التفاصيل الجميلة لزيارة العملاق
عثمان حسين(فنان امي المفضل ولما يجيبوهو في التلفزيون
بتتطاقش التلفونات من اخواني عشان افتح ليها التلفزيون وتسمعه)
وربنا يخلي ليك الوالدة ويبارك في ايامهاوكل سنة وهي طيبة..
Quote: فقط لي شجون قصوى وغصة محبوسة
لا يخفف عنها سوى وجود والدتي الحنونة معي بالرياض
فالعيد دون أحبابي أمنية وآلاء ومحمد وهبة وهيفاء
صغاري الأعزاء وبجانبهم زوجتي الحبيبة الوفية حنان
لا أحس له طعما ولا لون ولا رائحة
وأكتب هذه الكلمات والألم يعتصرني حقيقة
وربما وجدت في هذا البوست متنفسا لأعبر فيه عن
دواخل مشحونة بالحب لعائلتي الصغيرة
وربما هو متنفس لكل من إقتضته الظروف أن يكون
بعيدا عن أهله وأحبائه
حقا إنه إحساس دفين وعميق
وكل عام والجميع بخير |
يارب العالمين يجمع شملكم في اسعد اللحظات..
| |
|
|
|
|
|
|
|
|
|
Re: باركوا العيد..بكرة العيد.. (Re: انعام عبد الحفيظ)
|
العزيزة انعام..
هبه مصطفي صاحبتي الروح بالروح..
بس ساره مساوي دي ما عرفتها..!
هبه صاحبتي دي بيتهم فاتح في شارع العرضة جمب الاحفاد..
وريني كان طلعت ياها..
ذكرتيني اعيد علي مي اختها وولدها حمودي الصغير..
وعلي منال اختها الكبيرة وزوجها الرهيب جدا مختار
الملقب بمخو..واولادهم الحلوين..
وربنا يجعل ايامهم كلها اعياد ويمسح الحزن من درب
عايلة مصطفي عبدالرحمن..آميين
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
رشا
عارفه انا اسرة مصطفى عبد الرحمن
دي عندي بيها علاقة قديمة
ممتده من بداية التسعينات بواسطة والدتهم
استاذه سيده ابو القاسم رحمها الله
فقد كانت لي نعم الاستاذة والمربية والام
والاخت والصديقة ياربي ترحمها
حزني على رحليها وعلى فراقها لن ينتهي
وامتدت العلاقة لبناتها منال وكانت موظفه بالجامعة الاهلية
ومي الاستاذه المحامية ود. هبه خريجة جامعة الجزيرة
وهبه على آخر اخبار عندي موجوده في السعودية يا ريت تسلمي لي عليها
وخالتهم الاستاذه فاطمه ابو القاسم بالموردة
والحاجة والدتهم ربنا يديها العافية
عارفه يا رشا استاذه سيده رحمها الله ربت بناتها
احسن تربية وهن ثلاثة بنات وانشاء الله ستدخل الجنة ببناتها
لأنهااحسنت تربيتهن وهي استاذه فاضله جدا
وكنت ولا زلت احبها كثيرا
وحقيقي فقدها وغيابها مؤلم لي جدا ياربي ترحمها
يا رشا انا كان عندي احساس كبير اني بعرفك
آسفه لأني طلعت من موضوع البوست
وكل سنة وانتي طيبة تاني يا رشا
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
راشد سالم..تومي..مع فرق السنين..
ااااااااااخ يا راشد ..
العيد من غيرك ما عنده طعم..
يا حليل لمة الشاي في المطبخ وفي النص صحن البسكويت الما خمج..
وزعل امي : ما تكتروا في الخبيز بيحميكم الفطور..
عيونك وحنيتها براها عيد..
السنة دي شايل مؤمن وقاشر بيهو وسط اصحابك..
عليك الله ما تحلق ليهو كتير خلي شعره الحلو ده يطول..
نفسي افتح واغمض القي روحي وسطكم..
بارك العيد لرنوية وقول ليها انشالله يبقوك لواء بعد اجازة العيد..
اصلوا ناس الشرطة ديل قروشهم محرقه روحهم وكل اجازة بترقية
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
رشا سالم
العيد مبروك لك ولكل آل سالم واحبائهم
وكل شعبنا الطيب وقراء موقعنا الاكيد ظراف.
والعفو والعافيه يا رشا.
وحقيقي انت من الناس الرحبته بيهم وما ندمت
والآن عرفنا ليه كان في أكثر من بوست ترحيب بك
فانت فعلا حبوبه.
ربنا يزيدك من خفة الدم وقبول الناس لك
ويدك ود الحلال اليملاك شفع شواطين ولذاذ ينسوك عمرك...قولي آمين.
ويطرح البركه في يدك ويكتب الشفاء لمرضاك دوما.
ونلتقي في سودان موحد معافى بديمقراطيته ورخائه بأذن الله.
وتحيات خاصه لوالدتك العظيمه التي نشأت كل هؤلاء الحلوين
ربنا يقويها ويمتعها بالصحه ويفرحها فيكم كمان وكمان.
تراجي.
| |
|
|
|
|
|
|
|
|
|
Re: باركوا العيد..بكرة العيد.. (Re: Tragie Mustafa)
|
العزيزة تراجي..
مبروك عليك العيد..وربنا يخلي ليك حازم وسند..
العفو والعافية وشكرا ليك علي كلماتك الجميلة..
وقلبك المليان حنان وريدة للجميع ( بما فيهم تمبس ونازر الشرانيين)
الله يديك العافية والقوة..
| |
|
|
|
|
|
|
|
|
|
Re: باركوا العيد..بكرة العيد.. (Re: محمد المختار الزيادى)
|
الأخت رشا سالم
من العمق العاشر لقريتنا الإسفيرية اصافح العيد ,
وأمد يدي وأهدل مشاعري لكل الناس ... متمنيا أن
يكون عيدا طيبا مباركا ... وأن يكون القادم من
الأيام والأعياد أكثرهن خيرا وشفاءا وبركة ...
تسلمي الأخت رشا ... ربنا يحفظ ليك كل أهلك وعشيرتك ,
إديك الفى المرادك ... وأن يحقق لأهلى فى السودان توقهم
الشديد للسلم والأمن والحياة الكريمة .
بعض من قوة الجذب التي أوردتني مقامك هذا ... لكونك من
إمتداد الصحافة ... أعز البقاع عندي وأرضي المقدسة إلا قليلا ,
ومن شدة حبنا لها ... نحاول فى غيابنا عنها أن نستحضرها إلكترونيا,
فأقمنا لها فى هذا المنبر بوستا أسميناه ... إمتداد الصحافة ... وكما نحبه ,
وهو مرفأ طيب فيه اناس خلوقون ... يتفيأفؤون القيم الفاضلة ... وينضحون تحنانا ,
فليتك تطلي علينا من هناك ... وليت كل أبناء وبنات الصحافة يتواجدون فى سرادق
الفرح الذي نقيمه هذه الأيام إحتفاءا بعيد الفطر المبارك ... مع الود المشرق .
| |
|
|
|
|
|
|
|
|
|
يا رشا يا كحيل... (Re: رشا سالم)
|
كل سنة و إنتي طيبة يا رشا..
ربنا يخلي ليكِ الوالدة العزيزة و كل الحِبٌان.
ربنا يحقق الأماني.
ممكونة و كافة عموم الممكوناب.
| |
|
|
|
|
|
|
|
|
|
Re: يا رشا يا كحيل... (Re: mamkouna)
|
الممكونة وصابرة..
كل سنة وانتي والممكون متفشين
والله مشتاقة ليك وفاقداك لي كم يوم وفاقدة تقريرك اليومي..
تيريكاتك بتصل لي كل الممكونيين وربنا يحلكم بالسلامة..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
Dear Rasha
Eid Mubark. Wish you have a new year of peace and love . I hope also we will be back next year from our Sudanese Diaspora to our beloved country
Peace and love to you
| |
|
|
|
|
|
|
|
|
|
Re: باركوا العيد..بكرة العيد.. (Re: Elmoiz Abunura)
|
الدكتورة رشا سالم:
كل سنة و أنت طيبة و كل عام و أنت و الأسرة الكريمة بخير
و السنة الجاية علي أمانيك بإذن الله ......(أخصائية كبيرة في المستشفي التخصصي )
أنا من أبرز قراء مقالاتك و أسلوبك جميل و بسيط و يناقش قضايا حيوية هامة و الوعي و النضج الفكري واضح من بوستاتك وأعتقد أنك إضافة كبيرة و حمامة سلام في هذا البورد
أنا طبعا قادم جديد لنج لمدينتكم العامرة الرياض من بلاد الغرب و أود الإلتقاء ببورداب الرياض و المشاركة معكم في برامجكم الثقافية و الإجتماعية و الرحلات الترفيهية ولكن لا أرغب في المشاركة في أي شئ سياسي أو ندوات سياسيةأو جدال و نقاشات كثيرة و عشان كدا أنا متردد في الإتصال برقم بورداب الرياض العام منذ فترة طويلة و ما عارف إذا كان عندكم رحلة في العيد لكي أتخذ قرار المشاركةبناء علي المعطيات و نوعية البرنامج و الناس المشاركة و طبعآ أهل مكة أدري بشعابها و أنت ضيف ساي زائر للسعودية في النهاية
ولك التحية
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
Quote: أنا طبعا قادم جديد لنج لمدينتكم العامرة الرياض من بلاد الغرب و أود الإلتقاء ببورداب الرياض و المشاركة معكم في برامجكم الثقافية و الإجتماعية و الرحلات الترفيهية ولكن لا أرغب في المشاركة في أي شئ سياسي أو ندوات سياسيةأو جدال و نقاشات كثيرة و عشان كدا أنا متردد في الإتصال برقم بورداب الرياض العام منذ فترة طويلة و ما عارف إذا كان عندكم رحلة في العيد لكي أتخذ قرار المشاركةبناء علي المعطيات و نوعية البرنامج و الناس المشاركة و طبعآ أهل مكة أدري بشعابها و أنت ضيف ساي زائر للسعودية في النهاية
ولك التحية |
انا زاتي جديدة لنج..ولغاية هسه ما لاقيت غير تمبس ومعتصم وصلاح شتات..
ومحمد الشيخ وابو التومات( اتحدي فيكم زول يعرفه )
بس قصة برامج ثقافية واجتماعية بحتة دي الا تلقاها في العالم الآخر..
لانه لوكان في رحلة والناس اتكلمت عن وردي اكييييييييييييييد حتجي سيرة اكتوبر!
ولو جابوا سيرة المريخ تمبس حيتذكر لينا الكيزان..
ولو اشتقنا لود الطالب ..سيرة البحر بتجي
يعني مافي شي بيحلك من السياسة دي..
ابقي مارق وادفع المية ريال حقت استراحة البورداب وليك علي اخلي دكين
يقعد جمبك ويونسك وما يجيب ليك غير سيرة احوال البهاء واشياء اخري..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
الأخت الكريمة د. رشا
كل عام وأنت كما تودين
العيد هو التصافي ، تصافي نفوس أرهقتها الخصومات في غير ما خصومة
العيد هو التسامح ، تسامح قلوب غطاها رين ما نكسب
العيد هو التسامي ، تسامي فوق كل الإحن والدموع
العيد هو المحبة ، محبة نجددها في داخل أنفسنا، نزرعها في من حولنا
عبرك التهاني موصولة لكل صاحب فضل علينا
أم وأب
أخ وأخت
زوجة وأنجال
أستاذ وأستاذة
صديق وصديقة
جار وجارة
زميل في مسارات الحياة وزميلة
وفي الختام
السلام ( والتهنئة ) أمانة لست الحبابيب الوالدة صاحبة الذوق الرفيع . فمن كان/ت فنانه الأستاذ عثمان حسين لن ينسى أبداً ( عشرة الأيام ) ولن يسائله أحد ( حارم وصلي مالك ؟ ) ولها نرجو دوام المسير في ذلك ( الدرب الأخضر ) .
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
دايرة ابارك العيد لخالاتي زينب وعلوية وفاطمة ..
ولعمتي السمحة الظريفة صفية واقول ليهم كل سنة
وانتوا طيبين وربنا يلمنا في ساعة خير..ويخلي ليكم وليداتكم يارب..
برضه خالي العزيز وعمي ..
مبروك العيد يا خالو محمد الحسن وربنايقومك بالسلامة..
وكل اهلي بالخرطوم ومدني وكوستي..وكورتي..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
اصحابي في جامعة الجزيرة:
هبة مصطفي ومحمد التجاني وبتهم العسل امنية
مجدي مصطفي وعبير عوض وامورتهم حنين
عبدو شبو في مسقط
حافظ نجم الدين في مسقط
الهام(بلبل)في مسقط
سلوي ورسمة في السودان
الهام عثمان..ومحمد الامين وولدهم المجعفص في لندن
ماضي امام وخطيبته القيافة (ربنا يتمم بخير)
اوليفيا امين وامتحان الدكتوراة الله ينجحك يارب
تيسير هلالي الغالية المجافياني..
وائل نوري الولد ده..ياخ وجوده ضروري الولد ده
محمد نصر الدين السابح في بحور الدم والجراحة
ياسر يحيي النسخة الجديدة اللندنية وندي طولاني خطيبته..
وناس كتار تاني بجيهم..
مشتاقة ليكم لدرجة لا توصف وبتمني عيدكم يكون جميل زيكم..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
ساندرا
إن شاء الله الناس الإخترتي تعيدي معاهم يحتفوا بيك كما يجب
أكتر زول متضرر من مشيك ، ماهيتاب ، نفضت البيت نفض
وأمك أسلمت قدميها للحنانة
والتومات يلاحقن المسلسلات ويبكن للمواقف ولسع ما عارفين ده تمثيل ساكت
حايفوتك العيد تاني يوم في نادي الغزال
وحاتفوتك الرحلة
بوسي لي أمي
| |
|
|
|
|
|
|
|
|
|
Re: باركوا العيد..بكرة العيد.. (Re: عصام أحمد)
|
عصام العضام ..
كل سنة وانت طيب وربنا ينجحك وترجع لاهلك بالشهادة الكبيرة..
وخلي الحرومية الفراشة والقلوب ديل حقات ممكونة!
كون نفسك ياخي..
ببارك العيد من خلالك لكل السودانيين في السويد وخاصة ..
الاخت سارة ..
| |
|
|
|
|
|
|
|
|
|
Re: باركوا العيد..بكرة العيد.. (Re: Dr.Ahmed Boasch)
|
الأخوة والأخوات السلام عليكم.
عيدكم سعيد و ربنا يحقق كل الأماني ... جبت معاي عيدتي , فضوا لينا الديوان , عشان شايف لي شلة بغادي بتفتش لاغنيات وردي , و يا كافي البلاء عزابة كلهم , حتي الشفع شتتوهم بالمراسيل , و ملاياتهم مكرفسة , و مسجلهم مع كل رنة بيز جيتار يكتحك بكـُمشة غبار , لا صينية خبيز ولا علبة حلاوة , ولا ريحة بـُن تصـبّر .. اها يا ناس العفو والعافية ...
لا جبت سيرة تمبس ولا معتصم ولا أي زول مش ؟؟ |
| |
|
|
|
|
|
|
|
|
|
Re: باركوا العيد..بكرة العيد.. (Re: filan)
|
فلان العسل..انت منو؟
ياخ عيديتك دي احلي عيدية..
واحنا بيتنا مرتب وملاياتنا مغسلة ومكوية ..
وستايرنا دهبية مشغولة بالترتر
اقعد معانا وخليك من العذاب والعزابة ناس تمبس ومن لف لفهم..
خلينا مع عصافير الخريف ..
كل سنة وانت طيب..
| |
|
|
|
|
|
|
|
|
|
Re: باركوا العيد..بكرة العيد.. (Re: تولوس)
|
الاخ تولوس..
كل سنة وانت طيب..
دعوتك جبانة جدا..
منو القال ليك انا دايره لي دكتوراة تاني؟
داير تعطل لي مشاريعي كلها بدعوتك المشروطة دي؟
يارب العالمين امسح الدعوة الفاتت دي
ربنا يخلي ليك العيال وامهم..
| |
|
|
|
|
|
|
|
|
|
Re: باركوا العيد..بكرة العيد.. (Re: تولوس)
|
تولوس العزيز..
كده كويس
| Quote: وليك علي عداد عاصم البنا مدفوع من هسة |
والله كلامك ده الجعليين ما بيقولوهو
ما قصرت يا ود الشرق وانا كده عافية منك وراضية عليك..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
ما تسمعنا تراجي يا رشا
.. انا والظلاميين عبدالله عقيد وهجو وناذر وابوجودة وقيسان والكثير هنا من منطقة واحدة ...
وكل عام وتحيةلجميع السودانيين و خاصة لكل اهلي الجعليين في المحمية وشندي وكل مكان في وطننا الحبيب
| |
|
|
|
|
|
|
|
|
|
Re: باركوا العيد..بكرة العيد.. (Re: yasiko)
|
yasiko
تبرا يابا من قطع الضراع..
Quote: Quote: الله يخلي ليكم ممكونة ..
يقطع دراعي ما فهمت حاجة
لكن برضو نقول الله يخليها
كل عام بخير وربنا يحقق كل امانيك
|
اقرا مداخلة ممكونة فوق وانت تفهم..
وكويس انك جيت تاني عشان نعيد عليك تاني..
كل سنة وانت طيب..
| |
|
|
|
|
|
|
|
|
|
Re: باركوا العيد..بكرة العيد.. (Re: yasiko)
|
دكتورة رشا،
كل سنة وأنتِ وأهلك وأسرة الشهيد منور والشعب السوداني بألف خير
وعشان إنتِ ظريفة ونبيلة ونجمة برالمة 2006 مشيت مكتبة عمنا قوقول وإشتريت لك الهدية اللطيفة دي 
| |
|
|
|
|
|
|
|
|
|
Re: باركوا العيد..بكرة العيد.. (Re: النذير حجازي)
|
اخي المحترم النزير حجازي..
والله مشكور شديد وما بتقصر..
السنة الجاية اسرة الشهيد صديق تكون بخير يا رب..
كل سنة وانت طيب..وكل اسرتك واصحابك بصحة وعافية..
ووردتك رهيبة..الا كان جبت لينا معاها شوكولاتة كان
وزعنا لناس البوست الداخلين يعيدوا..
ربي يديك السعادة..وتعيش وتقوقل..
| |
|
|
|
|
|
|
|
|
|
Re: باركوا العيد..بكرة العيد.. (Re: رشا سالم)
|
دايره اعيد علي اصحابي في مستشفي الخرطوم..
اول شيء مصطفي داوود وولده ايمن الصلعة.. وصاحبه ايمن عبقرينو..
عادل حسن الضحاك وشذوية الجميلة..
سارة نوري ..مشتاقة لونستك والله يا سارة ودجلك الكتير
محمد بسكانوف القلبه طيب..منتظرينك في الرياض..استعجل..
عادل مصطفي..والله مشتاقين..
جميل والفلهمة..كل سنة وانت طيب..
اساتذتي الاجلاء:علي سلامة وكمال مبشر وقريبي عبدالكريم علي الحاج
وعايدة خضر وهند العجباني وفي مقولة العاجبانيوهداب ونعمات العوض..
كل سنة وانتوا طيبين..
مشتاقة ليكم ولمستشفي الخرطوم وسوبا..
مشتاقة للكتاس وللنبطشيات البتهد الحيل..
مشتاقة للجهاز العجيب داك البينادونا بيهو:
نائب التخدير نائب التخدير حول..
كانت ايام جميلة رغم التعب والمشقة..
ليكم كلكم ابعث تحياتي وحبي بمناسبة العيد..
| |
|
|
|
|
|
|
|
|
|
Re: باركوا العيد..بكرة العيد.. (Re: رأفت ميلاد)
|
العزيز اخي رأفت ميلاد..
كل عام وانت رمز للأخوة السودانية الصادقة..
كل عام وكل السودان بخير..
سلامي وتبريكاتي من خلالك للصديقة العزيزة مها غالي..
وصديقتي ايرين صبحي اسكندر استاذتي وجمال الروح الذي
يمشي علي ساقين..
ولزميلي نشأت عبدالكريم..ولكل الاقباط في السودان..
| |
|
|
|
|
|
|
| |
رشا سالم
Muna Khugali
Mohamed E. Seliaman
فيصل محمد خليل
انعام عبد الحفيظ
محمد المختار الزيادى
saif massad ali
doma
Tragie Mustafa
HAYDER GASIM
mamkouna
Elmoiz Abunura
شهاب الفاتح عثمان
Aymen Tabir
عاطف عمر
أبو ساندرا
غادة عبدالعزيز خالد
لؤى
Dr.Ahmed Boasch
filan
yasiko
تولوس
النذير حجازي
Rashid Elhag
فيصل نوبي
عصام عبد الحفيظ
خالدة البدوي
Adel Sameer Tawfiq
رأفت ميلاد
Adil Osman
فيس بوك
تويتر
انستقرام
يوتيوب
بنتيريست