|
Re: إذا دخلت القوات الدوليه السودان .....متى ستخرج؟؟؟ (Re: محمد شرف الدين عبد البارئ)
|
القوات الدولية هى اصلا سئية السمعه لو دخلت ما حتخرج حتى لو انتهت مهمتها..
حتوجد او تصنع اسباب ...
كثير يخيل لهم مجرد حضور القوات الدولية المشكلة تكون اتحلت...
لكن سوف تبداء المشكلة الذى قد لا تنتهي...
والأمثله كثيرة...
ومع ذلك الله اعلم
هل اهل دارفور سوف يقبلوا بوجودها؟؟؟؟؟؟؟؟؟؟؟؟؟
تحياتي وتقديري لك أخي محمد شرف الدين عبد البارئ
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: هشام مدنى)
|
الموقر الرجل النشط هاشم مدنى
متعك الله بالعافية
اصبت يا اخى اذا اخد اى شخص خرطة الصراعات فى العالم سيقرأ بوضوح ما اشرت اليه هذة القوات عبارة عن مسكن او قل مخدر لا تحل اى مشكلة جذريا حل مشاكلنا فى بيتنا السودان ... وفى حال فشلنا لا نلوم الا انفسنا فى ذلك لك منى الود كله
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: عاطف محمد أحمد زكريا)
|
Quote: ما هو البديل لانهاء معاناة انسان دارفور؟؟ |
أنسان دارفور يعانى من جميع الأتجاهات لان الجميع يلعب على ورقة المصالح ....
تفتكر اهل دارفور ممكن يقبلوا بالقوات الدولية مهما كانت ظروفهم؟؟
راجع ما يحدث في العراق هو نفس الشعب القدم الورود وهتف محتفل بحضور قوات التحالف
منها هناك ممكن تتضح لك الصورة...
المشكلة محتاجه حلول ...ما محتاجه تصعيد....
تحياتى
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: wagdi salih)
|
Quote: ........ لكن اطرح انا سؤلا اخر اصلا لماذا نقبل بدخول قوات دولية ؟؟؟ |
To protect the people of Darfur from the eveil Khartoum regime that has committed and is still committing the most horrendous atrocities.
When they leave Darfur is not a point of my concern now. Let them stay as long as the perpetrators like Al-Bashir, Ali Osman, Gosh and other major league criminals are being fished to be brought to ICC.
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: Ahmed Mohamedain)
|
بسم الله الرحمن الرحيم
الأخ الكريم محمد شرف الدين
بإختصار إستفسارك اشبه بسؤال محمدين
لماذا نقبل بدخول قوات دولية ؟؟؟
يمكن أن نعدل السؤال اذا سمح لي بذلك بهذه الكيفية
لماذا لا نوقف الاسباب التى أدت إلي ذلك مستقبلا ؟؟؟
والاستثناء هنا هو للآن لم تدخل تلك القوات بعد .
كنت أتمنى لوطرح الاخوة كيفية تجاوز مثل تلك الاخطاء
التى كانت سببا في أن تؤدى إلى ذلك مستقبلا .
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: محمد شرف الدين عبد البارئ)
|
رمضان كريم اريد ان اسألك سؤال موضوعى جدا الداخله فى السودانيين من جوع ومرض وجهل وقتل تطلع متين ياخى ماتخاف الله الخلقك ده عليك الله هسى دى امشى لاى مستشفى فى الخرطوم شوف لو قدرت تقعد من الروائح النتنه دى القوات الدوليه قلنا تخل لكن بشروط ذكرها السيد الصادق المهدى ورأيك فيها شنو ولا عايز جماعتك ديل يتخذوا من الشعب السودانى درع بشرى كما حدث فى الماضى البلد دى العاجبك فيها شنو عليك الله قول لى وساختها ولا تعاستها ولا شنو خلى تحريف الامور الناس قالو قوات دوليه ما قالو امريكيه موضوع انو الخواجات عندهم اطماع والكلام الكتير ده انحنا عارفنو لكن انت ما تخلى ليهم سبب موضوعى ولا البلد دى انحنا ما خايفين عليها السودان بوضعه الحالى لا يصلح كلو نى والنى برجع للنار الدمقراطية هى الخيار الوحيد انت عار ف انا بكره السياسه عشان شنو عشان الضمير يا اخوى وعذاب الضمير الحمد لله الواحد لو تكى راسو ساى اقل من خمسه دقايق بنوم والساكت عن الحق شيطان اخرص وان داير اسألك وانت بتقول الاسلام وووووو هو انحنا ما مسلمين ولا شنو جوع وفقر ومرض هل هذا هو الاسلام الاسلام ان يجوع الناس ؟ ان يقتل الناس ؟ان يشردوا باسم الصالح العام؟ ياخى ما اسألك انتو الاسلام البتتكلمو عنو ده الاسلام الواحد ده ولا آخر ؟ اسمع كم بقله فى البلد بتتعتر؟
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: محمد المختار الزيادى)
|
الاخ محمد مختار الزيادى والله اكرم و تصوم و تفطر على خير هدْأ الله انفعالك سؤالى واضح و موضوعى و لكنك حاولت الباسه اللون و المقاس الذى تريد
Quote: الداخله فى السودانيين من جوع ومرض وجهل وقتل تطلع متين |
لما يحكموا العقل فى القول و الفعل و يحترموا بعض وكل فى مجاله
Quote: ياخى ماتخاف الله الخلقك ده |
اولا شكرا على النصائح المافى محلها و الله اعلم بخفايا النفوس
Quote: عليك الله هسى دى امشى لاى مستشفى فى الخرطوم شوف لو قدرت تقعد من الروائح النتنه دى |
دى حقيقة عامة و للاسف صارت ثقافة سودانية ليس فى المستشفيات و حسب بل فى النفوس ايضا
Quote: ولا عايز جماعتك ديل |
انا ما عندى اى جماعة انا فردموشح بالقلق على مصير البلد ودى احساس طبيعى لاى انسان وطنى ينظر للمسائل فى بعدها الاستراتيجى Quote: البلد دى العاجبك فيها شنو عليك الله قول لى |
ناسها الطيبين
Quote: داير اسألك وانت بتقول الاسلام |
الكلام دى جبتو من وين يبدو انك بتلخبط بين البوستات! انا ابدا فى البوست دى ما تحدثت عن مثل هذا
Quote: ياخى ما اسألك انتو الاسلام البتتكلمو عنو ده الاسلام الواحد ده ولا آخر ؟ |
اسمح لى و اللهم انى صائم ان اقول ليك انو افكارك ملوثة بمفهوم (من لا اعرفه فهو ضد مفاهيمى) انت لاتعرفنى و يبدو انك فى ردك هذا محمول بإعتبارية متزمتة حاق بها حنق لايميز بينالعقل و الاهواء. سامحك الله .
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: محمد شرف الدين)
|
رمضان كريم وكل سنه وانت طيب لك العتبى اذا فهمت منى اى شى خطأ وكتابتى ذى الزول البتكلم معاك مباشرة (ما تخاف الله9) الله ماقاصد انو انت مبتخاف الله ولا كده لكن بس فى اطار الكلام العادى بتاع السودانيين الداير اقولو ليك اى حاجه فهمتها خطأ او اصابتك امسحها لى فى وشى ولك العتبى حتى ترضى وتضحك
ما عارف يمكن تكون ما متابع للحراك السياسى لكن المعروف انو الرافض الوحيد لدخول الامم المتحده معروف منو ومعرفه الاسباب بتاعتهم وهى بعيده كل البعد من مصلحة البلد واعفى لى وشكرا
| |
|
|
|
|
|
|
Re: إذا دخلت القوات الدوليه السودان .....متى ستخرج؟؟؟ (Re: محمد المختار الزيادى)
|
الحبيب محمد مختار الزيادى!
هاههاههاهاههاهاههاهاها.... اها ضحكت! كل يوم و انت بالف خير يا اخى العفو، انا فاهم كلامك كويس خالص ومدرك لابعاد حساسية الموضوع. يازول مافى عوجة. كلنا سودانيين والفيضان لا يستثنى احد اذا هدر.
كلامى شرطى و احتمالى و كل الاحتمالات واردة.
Quote: ما عارف يمكن تكون ما متابع للحراك السياسى |
الحمد لله انا متابع و كنت ممسك بملف درافور فى احدى الصحف السودانية و اجريت تحقيقا عن هذا الموضوع فى مطلع 2002 بعنوان Quote: هل تدحرجت مشكلة دارفور الى التدويل |
همى الوحيد و الذى ارى ان يكون هم كل سودانى ان يعيش هذا البلد بكرامة و يسوده العدل فى اطار ديمقراطى راسخ و موسسسات مدنية فاعلة ادعو معى ببركة هذا الشهر العظيم ان يمن الله على السودان بالسلام فى كل ربوعه و الاستقرار فى كافه اجزاءه و ان يغسل الحقد و الكراهية من نفوس ابناءه و يعلمهم التواضع لبعضهم. اللهم آميـــــــــــن
| |
|
|
|
|
|
|
|