|
|
 معتصـم دفــع الله ...
|
وددت لو كنت معجم للغة العربية لأنظم وأنثر الكلمات والأبيات في حق هذا الفتى النبيل ، ولكنني عجزت فتركت لأحبته الساحة لأقرأ ما يسطر عنه ما يروي ظمأ عشقي له . معتصم دفع الله لله درك عزيزي .
|
|
 
|
|
|
|
|
|
|
 Re: معتصـم دفــع الله ... (Re: انعام حيمورة)
|
معتصم دفع الله
من بين صداقاتي التي أعتز وأفخر بها كثيراً , هو المعقولية نفسها والإنصاف عينه والإعتدال في كل شئ رقيق العبارة نزيـه الفكرة عظيم الإحترام لغيره,
أقول هذا الكلام من قبيل التعريف به للذين لا يعرفونه وهذا أقل بكثير من صفات الطيب ابن البلد التي لمستها فيـه
أعرف عدم سعادته بما نقول لكنه الحق لأهل الحق,
ليت نفسي مثله,
شكرا أخ عماد على التقديم الرفيع
أحمـد الشايقي
| |
|
|
|
|
|
|
|
|
|
Re: معتصـم دفــع الله ... (Re: أحمد الشايقي)
|
يا له من رجل نادر في هذا الزمان الأشتر
معتصم من القلائل الذين يلونون حياتك بالجمال، فهو يتعامل معك بالفطرة دون رتوش.
مهذب... نعم
خلوق... ما في شك
إجتماعي... دي ما عايزة أي نقاش
ذوقه عالي... أبصم عليها بالعشرة رغم كيد دكين وبعض فيلة الرياض
رياضي فنان... ودي بشهادة الجميع (المحيرني مع رقته بيلعب قلب دفاع).
.
.
شكراً أخي الحبيب على فتح هذا البوست... ومن لا يشكر الناس لا يشكر الله
| |
|
|
|
|
|
|
|
|
|
Re: معتصـم دفــع الله ... (Re: إسماعيل وراق)
|
الحبيب إسماعيل وراق ..
نحن بنتعلم منكم والله ونستفيد ..
جدتم علينا بصداقتكم فكنتم نعم الأخوان ..
شكراً لطيب أصلك ولحروفكم التي زينت دواخلي ..
| Quote: (المحيرني مع رقته بيلعب قلب دفاع). |
تعرف يا أبومحمد في دي قصة طويلة ..
وقتها كنت ألعب في خط الوسط ولغياب قلب الدفاع في الفريق آنذاك أشركني المدرب في هذه الخانة فأجدتها تماماً ومن وقتها أصر علي أن ألعب فيها ..
فلقبني زملائي بوزير الدفاع وصار هذا لقبي إلى الآن ..
أعشق كرة القدم جداً وإن كنت غير محظوظاً فيها ..
شكراً جميلاً مره أخرى يا حبيب ..
كن بالف خير وعافية ..
| |
|
|
|
|
|
|
|
|
 Re: معتصـم دفــع الله ... (Re: إسماعيل وراق)
|
أخي الطيب إسماعيل وراق
| Quote: يا له من رجل نادر في هذا الزمان الأشتر |
هو كذلك عزيزي ، رجل يعيش في زمن غير زمانه ، أصيل ، طيب ، راقي ، وديع ووو....... .
| Quote: (المحيرني مع رقته بيلعب قلب دفاع). |
وهو رفيقي في هذا الخط الهام من خطوط الملعب ، فنحن نلعب سوياً كقلبي دفاع ، وأسعد كثيراً كلما لعبت بجانبه . فروعته في الكتابة كروعته في المستطيل الأخضر ، يلعب بأناقة شديده وتسطير رائع . شكراً عزيزي ، وأبقى دوماً معنا .
| |
|
|
|
|
|
|
|
|
|
Re: معتصـم دفــع الله ... (Re: أحمد الشايقي)
|
أخي الحبيب الراقي أحمد الشايقي
يسعد صباحك يا سيدي ، ، ،
| Quote: من بين صداقاتي التي أعتز وأفخر بها كثيراً |
ونعم الصداقة يا أخي ، رجل نعتز به كثيراً ، رجل تجده أينما بحثت عنه ، متفاني الإخلاص ، طيب المعشر ، كريم الأصل نبيل الخلق تسعد كثيراً برؤيته .
شكراً لك عزيزي على مرورك الجميل وكلامك الراقي يا أصيل .
| |
|
|
|
|
|
|
|
|
|
Re: معتصـم دفــع الله ... (Re: أحمد الشايقي)
|
شقيقي أحمد الشايقي ..
مستشارنا الهمام إبن البلد الأصيل ..
وأنا كذلك أفتخر بصداقتي لكم وسعادتي لا تحدها حدود ..
ربنا يديم المحبة بينا ونكون دوماً كما تتمنون ..
شكراً لكلامكم الجميل الذي طوقتم به عنقي ..
محبتي بلا حدود ..
| |
|
|
|
|
|
|
|
|
|
Re: معتصـم دفــع الله ... (Re: انعام حيمورة)
|
وددت لو كنت معجم للغة العربية لأنظم وأنثر الكلمات والأبيات في حق هذا الفتى النبيل ، ولكنني عجزت فتركت لأحبته الساحة لأقرأ ما يسطر عنه ما يروي ظمأ عشقي له . معتصم دفع الله لله درك عزيزي .
عماد ...
رميتها لينايعنى ؟؟؟!!!
عايز توريطنا ولا شنو؟؟
عموما الله يسامحك
وكل سنه وانت طيب
ورمضان كريم
| |
|
|
|
|
|
|
|
|
 Re: معتصـم دفــع الله ... (Re: mohamed elshiekh)
|
عزيزي محمد الشيخ
صباح الخير سيدي ، ، ،،
| Quote: عايز توريطنا ولا شنو؟؟ |
يا أخي ولا توريطة ولا حاجة ، أنا أعلم علم اليقين بأن النوابق من أمثالك قادرين تماماً على إيفاءه حقه في الكتابة ، فعندما عجزت أنا لجأت إلى أمثالك لأنقاذ نفسي من عجزها .
تسلم عزيزي والله لا يورطك في شينه أبداً .
| |
|
|
|
|
|
|
|
|
|
Re: معتصـم دفــع الله ... (Re: mohamed elshiekh)
|
أنا زاتو يا كاردينال إتورطت في نفسي ..
وأقول كما قال محمد المهدي عبدالوهاب ..
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم سافرنا
وكم مازحنا ليالى الصيف
كم غنينا لى الحرية
كم دارينا الحزن الأكبر
بين الصيف .. وجمال المنظر
إلى أن يقول ..
ما أحلاهم ..
شالوا معاى الهم بى الجملة
شكراً يا أخوان الإنسانية يا أصدقاء الجرح والعشق الهلامي ..
شكراً لكل الجمال الفيكم ..
حق عليّ أن أفتخر بكم ..
محبتي بلا حدود ..
| |
|
|
|
|
|
|
|
|
 Re: معتصـم دفــع الله ... (Re: حمزاوي)
|
عزيزي الخال حمزاوي
يسعد صباحك يا غالي ، وشرفنا كثيراً مرورك الكريم
| Quote: العمود الفقري لبورداب الرياض |
والدينمو المحرك له ، إنسان بكل ما تحمله هذه الكلمة من معنى ، صادق صدوق .
| Quote: يضحك ويبتسم للكل حتى لي صديق الموج ودكين واحمد حنين |
أها دي بقى يا خال حكاية أنا وأخوي الكاشف .!!!!!! .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
الأخ عماد
رمضان كريم
معتصم
أو رئيس العصابة كما أسميه أنا
هو زينة شباب ( القلقالة ) و ما جاورها ...
و ضمن منظومة عقد فريد بالرياض ..
و يكتمل العقد بأخيه صلاح شتات الزول الذخير
و تمبس عشا البايتات
و الكاردينال ود الشيخ الزول الوجيه
و حميدة المتململ الأممي
ربنا يجمع شملهم بقسمتهم و نصيبهم و رمضان الجاي يكونوا في بيوتهم.
آمين
تحياتي
| |
|
|
|
|
|
|
|
|
|
Re: معتصـم دفــع الله ... (Re: ابو جهينة)
|
الريس أبوجهينة ..
سلامات يازول يا رائع
سلامات .. عوّافى
سلامات يا خلاصة الخير الفى الناس
وترياق الزمن المتعافى
جمل الله ايامك بكل الخير ..
والتحية عبرك لكل أفراد العصابة ..
شكراً لجميل كلامك ..
محبتي بلا حدود ..
| |
|
|
|
|
|
|
|
|
|
Re: معتصـم دفــع الله ... (Re: حمزاوي)
|
اشكركم على هذا البوست وحقيقة فلتم ماكنت اود ان اقوله فى هذا الفتى اليافع
كل صفات ابن البلد والطيبه اللى نحن فقدناها ردحا من الزمان خلوق مهذب فعلا يدخل
القلب بدون استئذان تحبه من الوهله الأولى وعندما يفارقك تحس انك تود ان تمسك
به حتى لايبتعد اسال الله لهذا الشاب النجاح والتوفيق وان يبعد عنه كل مايبسؤ اليه
وان يمتعه بالصحه والعافيه فهو نادر الوجود فى زماننا الأغبر هذا الله يحفظوا .
| |
|
|
|
|
|
|
|
|
|
Re: معتصـم دفــع الله ... (Re: الحارث سرالختم عبد الله)
|
كلماتكم يا حارث أزاحت عني كثير عناء ..
ورطبت دواخلي وأعادت لي جزء من الحياة ..
شكراً لكل الظروف الجمعتني بيكم وعفرتني بأناس مثلكم ..
أصدقاء يعجز اللسان عن وصفكم ..
وشكراً لكل حرف سطرتموه أسعدني ..
متعكم الله بالصحة والعافية ..
محبتي وتقديري ..
| |
|
|
|
|
|
|
|
|
|
Re: معتصـم دفــع الله ... (Re: حمزاوي)
|
تسلم خالنا حمزاوي ..
إنتو الخير والبركة والله ..
أهلنا قالوا الما عندو كبير يشتريلو كبير ..
وإنتو كبارنا وبكم نفاخر ..
كن بألف خير ..
| Quote: يضحك ويبتسم للكل حتى لي صديق الموج ودكين واحمد حنين |
جدعة ..
الثلاثي دا زكرني حمد والديبة والعوني في الهلال ..
كلهم حلوين ورائعين ..
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
خلاص أكل راسك برضو يا عماد
الله يستر
معليش غايتو
حب الناس مذاهب زى ما بقولو
ذوقك، مع الإعتذار، عِفِش
عفش دى معناها شنو والله يا عماد ما عارفها
بس طعمها كده حاجة دراش دراش
ياخى ما لقيت إلا ال "سيرباك" ده
سيرباك = Third back
| |
|
|
|
|
|
|
|
|
|
Re: معتصـم دفــع الله ... (Re: أبوذر بابكر)
|
معتصم دفع الله..
ينفع اخصائي تخدير..صوت هاديء..وبال طويل
وبيحب النسكافية 
انا غايتو حاجزة ليهو بت اختي وما كنت دايرة
اتخفف واقول الكلام ده لمن يلاقيها..لكن انت عارفين
البوستات الزي دي بترفع اسهم الزول..وتاني بيعمل
روحه ما بعرفني..اها الحاضر يكلم الغايب..الزول ده
خاتين فيهو طوبتنا والداير المشاكل يجي عليهو..
صنفرة يا قول ناذر: تمبس ده ماله يا جماعة ما
برضه كويس ولا عشان طوله اقل من مترين؟؟
| |
|
|
|
|
|
|
|
|
 Re: معتصـم دفــع الله ... (Re: رشا سالم)
|
يا دكتورة إنتِ بس كتري من النسكافية دا ..
بنت أختك ما بتجيها أي عوجة ..
| Quote: وتاني بيعمل روحه ما بعرفني |
أفو نحن بنط " بيني وبينك بس ما تكلمي زول "..
بعدين الجماعة ديل ما يهرشوك نفذي وصيتك طوالي ..
ونحن بنجيب ليك قوة دفاع العصابة ..
ولا نامت أعين الجبناء ..
| |
|
|
|
|
|
|
|
|
|
Re: معتصـم دفــع الله ... (Re: أبوذر بابكر)
|
أخي الحبيب أبو جهينه
صباحك زين إن شاء الله
رمضان كريم عزيزي وتصوم وتفطر على خير إن شاء الله
معتصم دفع الله رجل ثروة في بلد تفتقد فقيرة ، فتي طيب القلب ، صافي النية ، مبتسم دوماً لا يعرف الغضب طريقاً إلى قلبة .
كل من ذكرتهم هم أخوه له يسعدون بصحبته الميمونه ولقاءه الطيب . دمت عزيزي في أطيب حال .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
يكفيه انه دائم الابتسامة ... طيب خلوق ... انيق ...
بس عندو عيب واحد يا عماد ( جكاسي )
| Quote: ربنا يجمع شملهم بقسمتهم و نصيبهم و رمضان الجاي يكونوا في بيوتهم. |
الريس ابو جهينة ..
غايتو الكاردينال وشتات فات فيهم الفوات ..
لكن الباقيين ممكن .. بس دايرليهم لزة ..
ود الباوقة
| |
|
|
|
|
|
|
|
|
|
Re: معتصـم دفــع الله ... (Re: ود الباوقة)
|
| Quote: بس عندو عيب واحد يا عماد ( جكاسي ) |
يا ريس أنا يا دوب مطلع الرخصة ..
تقول يشتغل تكاسي ..
كان في لزة غايتو أعملوها في الكاردينال وشتات ديل ومعاهم تميس كمان ..
يديك العافية يا ريس ودالباوقة ..
وتسلم من كل شر يا رب ..
محبتي ..
| |
|
|
|
|
|
|
|
|
|
Re: معتصـم دفــع الله ... (Re: أبوذر بابكر)
|
أخي العزيز الحارث
سلامات أخي
Quote: كل صفات ابن البلد والطيبه اللى نحن فقدناها ردحا من الزمان خلوق مهذب فعلا يدخل
القلب بدون استئذان تحبه من الوهله الأولى |
هذا هو معتصم دفع الله عزيزي ، نسمة في موسم الصيف ، مطر في زمن القحط . شكراً لك على كلامك الرقيق ومعتصم يستحق ذلك . إبقى معنا.
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
أخي الكريم أبو ذر بابكر
| Quote: سيرباك = Third back |
يا أخوي الفريق من غير دفاع ، ليس البيت الواقف ( بيت من غير بوابة ) .
ومن حسن حظي أنني ألف إستوبر ، ودماً ما أجاورة في التمارين وأتعلم ( رغم كبري ) منه فن التعامل مع المهاجمين ، أنت مدعو لمشاهدته يوم الجمعة القادمة إن شاء الله , والبسأل ما بتوه من الميدان . شكراً عزيزي .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
أختي الدكتورة رشا سالم
رمضان كريم والبحبه كله كريم
Quote: انا غايتو حاجزة ليهو بت اختي وما كنت دايرة
اتخفف واقول الكلام ده لمن يلاقيها..لكن انت عارفين
البوستات الزي دي بترفع اسهم الزول..وتاني بيعمل
روحه ما بعرفني..اها الحاضر يكلم الغايب..الزول ده
خاتين فيهو طوبتنا والداير المشاكل يجي عليهو.. |
يعني شنو يا رشا ؟ الزول ده أنا بزازي لي فيهو زمن علشان بنت خالتي ، تجي إنت تهددي كده وتجري الكرت براحة !!! أنا غايتو ما بتنازل عنه ، بس علشان خاطرك الغالي خلينا نرميها قرعة قبل ما يدخل طرف ثالث ، أها قلتي شنو ؟ بس من غير مشاكل أنا زول غلبان تب .
| |
|
|
|
|
|
|
|
|
 Re: معتصـم دفــع الله ... (Re: عماد محمود علي)
|
الرجل الجميل ود الباوقة
يسعدني مرورك يا غالي .
| Quote: بس عندو عيب واحد يا عماد ( جكاسي ) |
أها كده طيرت منو بنت خالت الدكتورة رشا الفضائح لجومها شنو هسه !!! بس كده كويس علشان الدكتورة تنسحب ويفضى لينا الجو ونديهو بنت خالتي من غير منافسة .
يا ود الباوقة يا أخي الجماعة ديل مالم ما كويسين ، لسه صغار وما فات عليهم شيء ، بس تمبس فعلاً محتاج لزه ولزه قوية كمان .
| |
|
|
|
|
|
|
|
|
|
Re: معتصـم دفــع الله ... (Re: أبوذر بابكر)
|
| Quote: ياخى ما لقيت إلا ال "سيرباك" ده |
أنا زاتو قلت كده يا مطر ..
بعدين عفش معناها " الكلام داخل البوست على مسؤلية صاحبه "
غايتو إنت يا ريس العصابة أشوف فيك يوم يا ظالم ..
وبعدين أعمل حسابك آخر الشهر مثلث الشر كلو جايي هناك ..
يعني العصابة أمامك والبحر خلفك " شوف ليك طريقة ساي خارج بيها نفسك "..
قال سيرباك قال ..
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
| Quote: خاتين فيهو طوبتنا والداير المشاكل يجي عليهو.. |
أنا يا رشا بتي بجي عليهو
والحقيقة هو جاء علينا
والله محسية شرط
الله يحميها من عين دكين
حتى كلمت الحجة ام العيال قالت سجمي رشا دي مالقت الا معتصم
شمار
معتصم مرتبط معانا ومحسية وترطن كمان
يعني غسلوا ايديكم
ولو ما مصدقه ممكن تسألي صديق الموج
وعليك الله ما تقولي لي صديق الموج دا منو
أنا ذاتي ما بعرفوا بس الظروف بيجمع
| |
|
|
|
|
|
|
|
|
|
Re: معتصـم دفــع الله ... (Re: حمزاوي)
|
اهااااااااااا ؟؟؟
ده الكلام الانا خايفة منه وعامله حسابه !
لا تقول لي محسية لا موزمبيقية..هو ذاته اليوم
داك ةبعضمة لسانه قال بيكره اللغات السواحلية..
وجنو وجن الناس تتكلم وهو يكون بره الشبكة
اها بتكم دي لعوامل اثنية ما بتنفع معاهو..
وانا بت اختي مكملة السماحة والظرافة وما بتعرف
غير العربي..! قلتوا شنو بعد كده؟
ويا حمزاوي انتا مشروعك الانتخابي فشل قمت علي
المشاريع بتاعت العرس؟ يا زول انا بخسركم عديل في
معتصم ده والبوست ده بيولع نيران بعد شوية
كان ما دفنتوا الكلام ده وعملتوا نايمين
من راجل بت اختي ده..
نشفتوا ريقنا في رمضان البارد ده.. الله ينشف
ريق الياباكم..
| |
|
|
|
|
|
|
|
|
|
Re: معتصـم دفــع الله ... (Re: رشا سالم)
|
| Quote: ويا حمزاوي انتا مشروعك الانتخابي فشل قمت علي |
طابور خامس اظهري وعليك الامان
يسقط ترهاقا وحكومة السلطنة الزرقاء
يعيش وزير المالية واسماعيل وراق
ومن اسباب فشل برنامج صديق الموج الانتخابي
المدعو احمد حنين
| |
|
|
|
|
|
|
|
|
|
Re: معتصـم دفــع الله ... (Re: حمزاوي)
|
| Quote: أنا يا رشا بتي بجي عليهو |
أها شفتي يا رشا جنس الختأ ده .
| Quote: الله يحميها من عين دكين |
والله يا دكين غايتو حكايتك حكاية مع الجماعة ديل !!!! .
| Quote: حتى كلمت الحجة ام العيال قالت سجمي رشا دي مالقت الا معتصم |
وبعدين بقي !!!!!!!!!! دخلوا فيها الكبار . خلاص بنت خالتي بارت تب .
Quote: معتصم مرتبط معانا ومحسية وترطن كمان
يعني غسلوا ايديكم |
أها يادكتورة مش القرعة كان أرحم .
| Quote: ولو ما مصدقه ممكن تسألي صديق الموج |
النسألو أنا : أها صحي الكلام ده يا صديق ؟ ولا صاحبك بتبلى ساكت !!!!.
| |
|
|
|
|
|
|
|
|
|
Re: معتصـم دفــع الله ... (Re: حمزاوي)
|
| Quote: أها كده طيرت منو بنت خالت الدكتورة رشا الفضائح لجومها شنو هسه !!! بس كده كويس علشان الدكتورة تنسحب ويفضى لينا الجو ونديهو بنت خالتي من غير منافسة . |
انا قصدي اطيركم منو انتو الاتنين .. لكن يظهر عليك انت مكلت قوي ..
رشا طبعا خلاص طارت بي جلدها عقبال انت كمان ...
الا طيري الا طيري فغني يا عصافيري ...
شكرا اخي عماد ..
ود الباوقة
| |
|
|
|
|
|
|
|
|
|
Re: معتصـم دفــع الله ... (Re: ود الباوقة)
|
Quote: يا زول انا بخسركم عديل في
معتصم ده والبوست ده بيولع نيران بعد شوية |
والله وباضت ليك في قفص يا معتصم يا أخوي !!! النار مولعة ذي نار دارفور .
يا دكتورة أها ماقلتي لي رايك شنو في القرعة ؟!!! هسه بعد شوية بجي طرف رابع .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
يا عماد..
القرعة وشختك بختك والكرتلة دي بيعملوها الناس
لمن يكونوا متشاكلين في حنبوكة ولا حلاوة حربة..
موضوع الشكلة هنا زول طول خشم الباب(عيني باردة)
عشان كده احسن ليكم تتخارجوا من القصة دي
من غير خساير مادية كفاكم الخساير المعنوية
حقا تحرسه ولا بجي
حقك تقاوي وتقلعه..
ولا نامت اعين الجبناء
وما تخافي يابت اختي العريس جاييك جاييك
| |
|
|
|
|
|
|
|
|
|
Re: معتصـم دفــع الله ... (Re: Agab Alfaya)
|
| Quote: انا غايتو حاجزة ليهو بت اختي وما كنت دايرة |
الحضور الكريم رمضان كريم وتصوموا وتفطرو علي خير...
هوي يادكتورة رشا سالم انا عارف انكم ناس حلوين وسمحيين عشان كده ما عاوزيين مشاكل ونزاعاتفي الموضوع ده انا ومعتصم اتفقنا من زمان علي مكان العروس وهي خارج محيط النيلين والهوي كما تعلمين شرق
| |
|
|
|
|
|
|
|
|
|
Re: معتصـم دفــع الله ... (Re: تولوس)
|
والله يا تولوس أنا بحب كسلا وناس كسلا ..
ولي فيها ذكريات حلوة ورائعة ..
وأعتز بصداقاتي فيها ..
عميق شكري وتقديري يا صديق ..
متعك الله بالصحة والعافية ..
كده يا تولوس ورطوني المهم بعد دا أصطفي مع أختنا دكتورة رشا ..
محبتي ..
| |
|
|
|
|
|
|
|
|
 Re: معتصـم دفــع الله ... (Re: Agab Alfaya)
|
ود الباوقة يا راقي
| Quote: انا قصدي اطيركم منو انتو الاتنين .. لكن يظهر عليك انت مكلت قوي .. |
غايتو جنس حساده !!! أها إنت خاتي ليهو منو كان الله هون !!! غايتو انا طيراني صعب بالحيل . والراجل بلاقيهو يوم الجمعة إن شاء الله وبعرف شغلي معاه هناك .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
الزعيم تولوس
رمضان كريم عزيزي ، وكل سنة وأنت بألف عافية .
| Quote: الموضوع ده انا ومعتصم اتفقنا من زمان علي مكان العروس وهي خارج محيط النيلين والهوي كما تعلمين شرق |
يا زعيم نحن نقول نطفي النار إنت تزيدها جاز ، الراجل ده خلاص كلمته معانا ما فيها رجعة وما خارج مننا تب ، والدكتورة التشوف ليها نسيب تاني أحسن ليها حتى القرعة ما بندورها . والجبخانة جاهزة .
| |
|
|
|
|
|
|
|
|
|
Re: معتصـم دفــع الله ... (Re: Agab Alfaya)
|
الاخ عماد
كنت شغال دورة سيسكو فى عمائر الخالدية
وشايف ليك شاب فى ال ديجى نت
قلت ادخل اشوف ممكن يكون عندهم عرض
قلت ليه اسمعنى ما عندكم عروض
قام قال لى انا شايفك وين
قلت ليه فى سوادنيز ووقتها لم اكن معلق صورتى
وكانى بعرفو من زمان..
مشيت معاه الغرفة ومن يومها افترقنا
وفى عيونا دموع اللقاء...
بقول ليكم رمضان كريم
| |
|
|
|
|
|
|
|
|
|
Re: معتصـم دفــع الله ... (Re: abuguta)
|
الحبيب الفنان معتصم دفع الله يكفي أنه معتصم بحجمه في كل النفوس التي عرفته وألفته بل وأحبته.
التحية له
ولعلاء تمبس
ولك أخي عماد
ولكل الجميلين في المنبر
| |
|
|
|
|
|
|
|
|
|
Re: معتصـم دفــع الله ... (Re: waleedi399)
|
وليد
احسن الله عزاءكم
Quote: كسار تلج درجـة أولى "1"
يدخل إلى القلوب بسرعة البرق ..
ولا يخرج منها إلى وهو مطمئن بامتلاكه لها ..
|
لا حولاااااااااااا
عليك جنس شيل حال لكن
عماد
رمضان كريم عليك وعلى ضيوفك في البوست
معتصم انسان جميل واصيل ونقي ومتزن التفكير
تتجسد فيه معاني الانسانية والعطاء والوفاء
له منى كل الاحترام والتقدير
| |
|
|
|
|
|
|
|
|
|
Re: معتصـم دفــع الله ... (Re: abuguta)
|
الاخوانك عماد,حمزاوي,ودالباوقة وتولوس
انا ماشة الشغل ومن هناك بمشي البطحاء اتعاقدت
علي صفقة بتاعت سلاح من واحد افغاني..قال لي بجيب ليك
اتنين كلاشينكوف وكم قنبله عنقودية كده ..والسعر تبع
التخفيضات بمناسبة الشهر الكريم والبريده كله كريم..
اها كان جيت ولقيتك لازلتم تخوضون في هذا الحديث,الله
قال بقولكم.. بجيكم بكرة في عزومة ناس ابو حمودي
وبرش من طرف..وزي ما قال المثل العجيب :
المي حار ما لعب قعوي (قعوي يعني frogs)
| |
|
|
|
|
|
|
|
|
 Re: معتصـم دفــع الله ... (Re: رشا سالم)
|
أخي العزيز Abuguta
Quote: مشيت معاه الغرفة ومن يومها افترقنا
وفى عيونا دموع اللقاء... |
الله يجمعكم في ساعات خير إن شاء الله ، ودموع الرجال غالية يا غالي . ومعتصم رجل يستحق إن نسكب الدموع ينابيع عندما نفارقه ، والله نسأله أن لا يفرقنا منه . لك ودي , وكل عام وأنت بخير .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
عزيزي مجاهد عبد الرحمن
رمضان كريم يا سيدي ، ، ،،
| Quote: الحبيب الفنان معتصم دفع الله يكفي أنه معتصم بحجمه في كل النفوس التي عرفته وألفته بل وأحبته. |
رجل عصامي ، إنسان نبيل ، يحب الخير للجميع ، يحمل في طياته أسمى وأجمل معاني الوفاء والإخلاص . إنه ملاك في الأرض .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
عزيزتي الدكتورة رشـا
Quote: قال بقولكم.. بجيكم بكرة في عزومة ناس ابو حمودي
وبرش من طرف..وزي ما قال المثل العجيب :
المي حار ما لعب قعوي (قعوي يعني frogs) |
أنا غايتو الحمد لله ناس أبو حمودي ما عزموني يعني ما ماشي ، وإنت أوعك تتراجعي رشي على طول من طرف من الباب إلى الشباك وما تخلي فيها أضان حايمة ، وبعدين تجي الشرطة وتمسكك وننفرد نحن بي معتصم ، ياسلاااااااااااااااااام . بس أوعك تغيري رأيك وكان عايزة أنا كمان بجيب ليك أر . بي . جي .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
أخي الفاضل وليــد 399
إن شاء الله البركة فيكم وعظم الله أجركم , وجعلها آخر الأحزان ، وحمد لله على السلامة . ورمضان كريم
يعني صاحبك ده لازم تفضحوه . الثلج مالو ياوليد ، الراجل صاحب همه بحب العمل الصعب علشان يريح الآخرين ، تقوموا تشيلوا حسه عاد دي صحبه دي . !!!!!! وتسلم عزيزي .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
Quote: اها كان جيت ولقيتك لازلتم تخوضون في هذا الحديث,الله
قال بقولكم.. |
يا دكتورة ياخي في اجاويد وفي صفقات مغرية ومرضية ... وممكن نعوضكم يعني بعريس قيافة وجميل لو اتفقنا ممكن اجي اتقدم نيابة عنه او ابعث احدهم ليتقدم نيابة عني ..
المهم ياعماد ياخي خليك واسطة بينا وشوف لينا حل للموضوع ده...
وده كمان انزار نهائي وشديد اللهجة لكل من تسول له نفسه ...
تمبس برضو محجوز
| |
|
|
|
|
|
|
|
|
 Re: معتصـم دفــع الله ... (Re: تولوس)
|
الزعيم تولوس
| Quote: المهم ياعماد ياخي خليك واسطة بينا وشوف لينا حل للموضوع ده... |
يا زعيم واسطة شنو البعملها أنا ؟ أنا زاتي بقاتل علشان بنت خالتي تقولي وساطة ، بس عندي الحل البريح الكل ، كل واحد يجيب صورة البنية بتاعته ونخلي معتصم يختار ، أها رايك شنو ؟ رغم إني عارف معتصم كويس جداً .
| |
|
|
|
|
|
|
|
|
|
Re: معتصـم دفــع الله ... (Re: انعام عبد الحفيظ)
|
انعمام العزيزة كل عام وانتي بخير
طبعا بالنسبة لي معتصم في اتفاق جنتل مان
اما تمبس ما بنشاورو عليه ان يقبل بالامر الواقع فقط.. والناس القافلين عليهم خلي اليشوفو ليهم مكان تاني ...
| |
|
|
|
|
|
|
|
|
|
Re: معتصـم دفــع الله ... (Re: رشا سالم)
|
انتو هسه قايمين على رشا دي مالكم؟؟؟
لغاية ما خليتوها ماشه تشيل سلاح عليكم
هوي يا رشا ما تشتغلي بيهم
انا بقيف معاك في موضوع بتكم دي
ومعتصم ده خلى على بقنعوا ليك بيها
بس انتي خليك باااااااارده وما تشتغلي بيهم
اي شناكب اي عناكب كلمونا
بنجي نصفق ونشجعكم
| |
|
|
|
|
|
|
|
|
|
Re: معتصـم دفــع الله ... (Re: انعام عبد الحفيظ)
|
الكريمة إنعام بت عبد الحفيظ
يسعد مساءك ، ورمضان كريم ، ، ،،
| Quote: انتو هسه قايمين على رشا دي مالكم؟؟؟ |
معقولة يا إنعام نقوم على رشا ؟ لا أبداً بس هي مجرد إختلاف والخلاف لا يفسد للود قضية .
| Quote: ومعتصم ده خلى على بقنعوا ليك بيها |
ما تخليك حقانية يا إنعام أحسن ، قبل ما الفأس تقع في الرأس .
طيب يا إنعام وراك والزمن طويل .
| |
|
|
|
|
|
|
|
|
|
Re: معتصـم دفــع الله ... (Re: abuguta)
|
أبوقوتة ..
قنبلة الود الموقوعة ..
كما قال إبن عمي شتات ..
الحبان نتحسس خطاهم ..
وساعة مجيهم ..
ما أسعدني بتلك اللحظات وما أجملها ..
ربنا يديم المحبة بيننا يا أبوحميد ..
كن بألف خير يا صديق ..
| |
|
|
|
|
|
|
|
|
|
Re: معتصـم دفــع الله ... (Re: شتات)
|
وددت لو كنت معجم للغة العربية لأنظم وأنثر الكلمات والأبيات في حق هذا الفتى النبيل ، ولكنني عجزت فتركت لأحبته الساحة لأقرأ ما يسطر عنه ما يروي ظمأ عشقي له . معتصم دفع الله لله درك عزيزي .
و انا مثلك يا عماد
معجبة
و تعجز اللغة
تحياتي لهذا الامير الاخضر وعدا الزاهي فكر المتجدد القا
و كل عام و انتم احلي
| |
|
|
|
|
|
|
|
|
|
Re: معتصـم دفــع الله ... (Re: sudania2000)
|
عزيزتي الدكتور ســودانيـــة 2000
Quote: و انا مثلك يا عماد
معجبة
و تعجز اللغة |
معقولة يا دكتورة ، ده إنت سيدة الكتابة تعجزي !!!!!! ، والأخ معتصم عزيزتي يبادلك الإعجاب فهو من المتابعين الحريصين على ما تسطيره في هذا البورد . وعبر هذا البوست إنقل لك وافر تحياته وإعجابه , وتسلمي يا ستي . أها الإحباط راح ولا لسه؟ أمس شلت ليك جنس فاتحة ودعوة ، غايتو بس ربنا يستجيب .
| |
|
|
|
|
|
|
|
|
|
Re: معتصـم دفــع الله ... (Re: شتات)
|
معتصم دفع الله
لابسف لا بسجر لا بشرب لا بتاع قمار لابسوي الشينة..
يعني ده عند حبوباتنا الاول عديل كده..
معتصم زي ماقال وليد 399 كسارة تلج كاتر بلر ..
بحب الجكس ده زي الكورة واحد..
لذا تجدني اختلف معه كونه يضع الجكس مع الكورة في سرج واحد..
والكورة مقاما اكبر من كده..
معتصم حبيب وخصالو سمحة بس البوست ده ماكان في ليهو داعي..
معتصم كمان عايز ليهو شُكر؟؟
| |
|
|
|
|
|
|
|
|
|
Re: معتصـم دفــع الله ... (Re: DKEEN)
|
رمضان كريم للجميع
وخاصه صاحب البوست
ويا جماعه بوستات زي دي مهمة برضوه
عشان ما نكون بنتسابق للشتيمه بس وقت يجي الكلام
الطيب نقصر.
معتصم شاب مهذب مداخلاته مسؤله
دوما يبحث عن الايجابيه
يدخل لاي بوست مثل النسمه الهادئه
لا يقل الا الخير....
رغم انه غير سياسي لكن وطنيته لا تخفى على احد
ورغم مجاملاته
لم تمنعه من قول الحق في بوست صلاح غريبه
وتوقيعه باسم بورداب الرياض....
ويا معتصم
ربنا يحفظك لشبابك ويغطي عليك من العين
ودكين ذكر لك افضل صفات
لا بيدخن ولا بيسف ولا بيسكر....
وفعلا انت ود الهناء....
ويا دكتور رشا كدي ادونا فرقه معاكم
كلنا عندنا بنات اخوات...
ويا معتصم بورقها تجيبك انجلترا كمان
وما تخاف ما سياسيه زي خالتها
جنها فضائيات عربيه....وفيديو كليبات المطاميس ديلك,قلت شنو؟؟؟؟
...احلى الامنيات لك وربنا يوفقك.
تراجي.
| |
|
|
|
|
|
|
|
|
|
Re: معتصـم دفــع الله ... (Re: Tragie Mustafa)
|
يا سلاااااااااااااااااام الأستاذ تراجي مصطفي
يا هلا ومرحبا نورك طغى على المنطقه .
عزيزتي الخالة تراجي :
زيارتك في حد زاتها وسام شرف لنا . وكل سنة وأنت طيبة يا صاحبة القلب الطيب ،
أيتها المرأة الحديدية ( تاتشر ) السياسية المحنكة . أهلاً .
Quote: كلنا عندنا بنات اخوات...
ويا معتصم بورقها تجيبك انجلترا كمان |
يا خالة ما كنا كويسيين الخطأ لزومو شنو؟ الراجل محجوز لي بنت خالتي .
| Quote: جنها فضائيات عربيه....وفيديو كليبات المطاميس ديلك,قلت شنو؟؟؟؟ |
والراجل ما بحب الفضائيات خالص ولا الفيديو كليب ، بس بحب الكورة وبت خالتي رياضية ماصلة ، ضاعت عليك يا خالة .
شكراً على مرورك الكريم يا شجرة الصندل .
| |
|
|
|
|
|
|
|
|
|
Re: معتصـم دفــع الله ... (Re: Tragie Mustafa)
|
تسلمي أختي تراجي ..
وشكراً لكلماتك الطيبات ..
هذا هو شعب السودان مهما إختلفنا نكون أخوان ..
السياسة بمفهومها الموجود في البورد أختلف معاها تماماً ..
وأعتبر أن الطريق المسلوك هنا يجب تصحيح مساره وتنظيمه ..
من منا لا يمارس السياسة ؟
أتداخل فقط في الأمور السياسية من منظور وطني بحت وليس تنظيمي ..
وأبحث عنها في أماكن أخرى أكثر عملاً ..
بعدين الله يجازي محنك ضحكتيني ..
الجنسية الإنجليزية ما ناباها لكن السودانية والله ما بنبدله ..
وقولي لي بنت أختك تغير رأيها شوية في حكاية القنوات العربية دي والفيديو كليب لأنو أنا عندي فيها رأي ..
بعد داك مافي مانع ..
متعك الله بالصحة والعافية ..
شكراً لا تكفي ..
محبتي بلا حدود ..
| |
|
|
|
|
|
|
|
|
|
Re: معتصـم دفــع الله ... (Re: DKEEN)
|
عزيزي دكين ، ،
دكين لي متين ، دكين لي متين .
| Quote: يعني ده عند حبوباتنا الاول عديل كده.. |
يا راجل !!!!!!!!! .
| Quote: بحب الجكس ده زي الكورة واحد.. |
يعني إنت مقصر يا جكاس !!!! .
Quote: لذا تجدني اختلف معه كونه يضع الجكس مع الكورة في سرج واحد..
والكورة مقاما اكبر من كده.. |
هوووووي يا دكين كورة شنو البجيبوها مع الجكس ، ده كلام زعل ساكت الظاهر يا أخوي واخد ليك شاكوش قوي ، شاكوش مرزبه عديل كده ، قال كورة قال . على منو يا صاحب المقام إنت .
Quote: معتصم حبيب وخصالو سمحة بس البوست ده ماكان في ليهو داعي..
معتصم كمان عايز ليهو شُكر؟؟ |
إن شاء الله يوم شكره ما يجي ، والبوست ده ما للشكر يا بتاع الكورة إنت ، ده علشان حاجة تاني خالص . ح يجي يوم وتعرفها . قال كورة قال .
| |
|
|
|
|
|
|
|
|
|
Re: معتصـم دفــع الله ... (Re: DKEEN)
|
كتر ألف خير الحبيب عماد محمود ..
لأنو بي بوستو دا أسعدني بطلتكم علينا ..
جمل الله أيامك يا دكين ..
وزوجك ببنية الحلال ..
عشان تفك بورتك دي وتبطل الجقلبة ..
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
رايق .. زى موية القُلة .. ومفيد كمائها ..
معطاء كنخلة وعطاؤها من كل ما فيها... و شامخ مثلها ..
فواح كرند .. وفوق عليه بأنه كل الزمان فائح ...
عذب كطفل
و راسخ كتبلدية
وصديقى ...
| |
|
|
|
|
|
|
|
|
|
Re: معتصـم دفــع الله ... (Re: معتصم الطاهر)
|
الأخ النبيل معتصم الطاهر ، الرجل الطاهر
سلامات يا عزيزي ورمضان كريم ، وشهرك مبارك إن شاء الله .
Quote: معطاء كنخلة وعطاؤها من كل ما فيها... و شامخ مثلها ..
فواح كرند .. وفوق عليه بأنه كل الزمان فائح ...
عذب كطفل
و راسخ كتبلدية |
أوجزت وكفيت يا أصيل ، معتصم رجل من الزمن الماضي . وهنيئاً لك بصداقته ، وإن شاء الله الصداقة تدوم .
| |
|
|
|
|
|
|
|
|
|
Re: معتصـم دفــع الله ... (Re: معتصم الطاهر)
|
سمي الحبيب معتصم الطاهر ..
ونحن نجي جنبكم وين ..
يالله على تلك الأيام واللحظات ما أروعها ..
ما أسعدني بها وبكم ..
شكراً لأنكم من يجمل حياتنا بكل جميل ..
محبتي بلا حدود ..
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
ايتها الصداقة لولاك لكان المرء وحيدا وبفضلك يستطيع المرء ان يضاعف نفسه وان يحيا في نفوس الاخرين .. فولتير
الحمد لله الذي جعل لي أصدقاء مثلكم أحياء بهم وأعيش على حبهم ..
منذ رأيت هذا البوست شعرت بخوف ورهبة وحاولت أن أهرب منه ..
فقلت إحتمال يكون دا معتصم تاني تتحدثون عنه ..
فوالله ما أنا إلا أنـــتم ..
يقول الإمام الشافعي ..
لما عفوت ولم احقد على أحد *** أرحت نفسي من هم العداوات
اني أحيي عدوي عند رؤيتـه *** لادفع الشــر عـني بـالتحيــات
وأظهر البشر للانسان أبغضه *** كما ان قد حشى قلبي محبات
الناس داء وداء الناس قربهم *** وفي اعتـزالـهم قطـع المـودات
لا أقدر أن أوصف حبي لكم يا أصدقاء الجرح والعشق الهلامي ..
شكراً صديقي عماد لا تكفي فقد طوقتني بجميل الكلام ..
وحقيقي أجد نفسي عاجزاً عن الكتابة وحروفي أيضاً عاجزة أن توفيكم حقكم ..
وسعيد أيما سعادة بكم ..
لكم مني كل الحب كل التقدير ..
وأتمنى أن أكون عند حسن الظن بي دائماً ..
| |
|
|
|
|
|
|
|
|
|
Re: معتصـم دفــع الله ... (Re: حسام يوسف)
|
أخي حسام يوسف
يسعد صباحك بكل خير
| Quote: الكلمات تابي عن الخروج خوفا من التقصير في وصفه |
أها شفت كيفن الراجل ده وصفه صعب ، علشان كده أنا تركت المساحة شاسعة علشان نقعد أنا وإنت نقرأ ما يكتبه عنه عظماء الكتابة هنا . وشكراً لمرورك سيدي .
| |
|
|
|
|
|
|
|
|
|
Re: معتصـم دفــع الله ... (Re: معتصم دفع الله)
|
سلامات
وعوافي
معتصم مريق بالطيبة .. وروحو سمحة ..
بعدين يادكين سيب حقدك دا ..معتصم ما محتاج يتكسر في الجكس ..
تندلق في مساءاته الجكسويات الحسناوات بلا جهد يبذله ولا كبكبة ..
وانت في انبراشاتك الاسفيرية خير دليل علي سعيك الدؤوب نحو عوالم البهاء والجمال ..
يارجل معتصم حرم الجكسوية تشوفو علي طول تقدم اوراقا ..
زولك واثق من نفسو ..
انا المزعلني في الدنيا دي بس ..البنية السالتني منك ..
اكان لي مراد اختها في قزازة بيبسي واقفلا واديها الموية بالله شوف الغبيانة البتسال من دكين وجنبها ودرملية ..
الناس مزاجات فعلا ...
والله ياعماد اي كلمة نكتبا في معتصم تظل دون مقامه ..
فقط لانملك له في هذه الدنيا غير انو نديهو الكتير من محبتنا..
كل عام وجميعكم بالف خير ..
| |
|
|
|
|
|
|
| |
انعام حيمورة
محمد عبدالرحمن
معتصم دفع الله
أحمد الشايقي
إسماعيل وراق
mohamed elshiekh
ابو جهينة
الحارث سرالختم عبد الله
ابي عزالدين البشري
أبوذر بابكر
رشا سالم
Agab Alfaya
تولوس
مهيرة
abuguta
مجاهد عبد الرحمن
waleedi399
انعام عبد الحفيظ
شتات
Tragie Mustafa
معتصم الطاهر
حسام يوسف
ودرملية
فيس بوك
تويتر
انستقرام
يوتيوب
بنتيريست