|
الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم)
|
ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون لك سمحة..... حتكون عادية....... نصيحة لك..... النسوان البقولن ديل اوعك تعرس واحدة فيهن................. الفنانة..........والحنانة........والحردانة,,,,,المدرسة.......والمدبرسة........والمفلسة
,,,,,, النوامة.......والحوامة......واللوامة,,,,,البوبارة......والكوُبارة.....والخبّارة
,,,, الممحوقة.....والمطلوقة.....واللايوقة"
طيب...اجي اوريك ليه؟
الفنانة......
حتمرق معاها وتقعد تحوم.....في الحفلات...وتشوف كرسي قدام. وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين....
الحنانة........
طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كل وانت تحاحي في الشفع ما يلمسو الصبغة....
الحردانة......
دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب.... تطقطق...في اصابعيك.. ومدنقر في ا##########...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوها عندكم ....عشان توفر المشاوير والجري..........
المدرسة..........
اول حاجة دي ما بتقدر تفرق بينك وبين الطلبة...... وحتقعد..... تعيد وتكرر في الكلام مليون مرة..زي برنامج من الامس الفي تلفزيون السودان....وممكن جدا تسرح وتقول لك فاهم يا شاطر؟
المدبرسة........تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب
المفلسة.........
ما دايرة أي شرح
النوامة.........
تجي من الشغل نص النهار وزهجان.... تلقها....تانية المخدة وخاته ايدها تحتها....وتشخر... وريالتها سايله...وحالتها بالبلا.....وتكره اليوم الفكرت انت فيهو في التكاثر........
الحوامة.........
طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام....واول ما ينتهي الغدا .....تدخل في سفنجتها....استعداد لرحلة جديدة
اللوامة.....
دا نوع مزعج جدا.....لو جبت سيرة اخوك ساكت....تفتح فيهو... الله بيسألني.......سنتنا ديك وقت انت خليتنا بلا قروش وسافرت.... يدخل ويمرق علينا مدلدل ايدهو...كويس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من توشفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين تسلم عليهم......
البوبارة.......
دي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش علها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب
الكوبارة........
دي تكبر أي موضوع...وتسوي ليهوتوم وشمار..... وتقول لك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي ...مااااااات ...ماااااااااات........ يسمعوها في الشارع....والغريبة لو انت كنت نايم وسمعتها..... تقوم مخلوع.....وتمرق من الاوضة لحدي نص الصالة.....وانت بلباسك........اما لو كان عندك قلب مرضان....اللحظة ديك....من المهد الي اللحد
الخبّارة......
البي تدور الخبار..... لو في نضم تلقاها سكتت الشفع....ونهرتهم عشان تسمع.......الجيران مالهم بيهرجو وصوتهم عالي......ولو كانت بتكوي لك في هدوم.....قطع شك......قميص ولاّ جلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........
الممحوقة ..............
دي ان جبت دكان كامل وختيتو لها في البيت تكملو في يومين......تصوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........
المطلوقة...........
واضحة وضوح الشمش
اللايوقة..........
دي حكاية تانية.... تمسك في موضوع يحلك منو الجليل الرحيم......يا...دا ....هوي يا دا..... الليله يا يمة.... طرشت؟...وقدرما تطنش هي مصرة.....وممكن تجي جنبك وتخجك.....خجة جامدة عشان تنتبه...... للنقة
ياتو واحدي فيهن انتن ... و ياتو واحدي فيهن الليلتك ...!!؟؟؟
|
|
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: Sobajo)
|
أخي ٍSobajo :
سلااااااااام!
و الله انت زول ظريف جدّا.
بس ما بتّّفق معاك بنسبة 100% في التالي- رغم ظرافة التعليق:
المدرسة..........
اول حاجة دي ما بتقدر تفرق بينك وبين الطلبة...... وحتقعد..... تعيد وتكرر في الكلام مليون مرة..زي برنامج من الامس الفي تلفزيون السودان....وممكن جدا تسرح وتقول لك فاهم يا شاطر؟
ا لمسألة بتعتمد علي شخصيتها هي و المدرسة التي تعمل بها.
قد يصدق قولك اذا كانت زوجك تعلّم أطفال مشاغبين. في هذه الحاله قد يعكّر صفوها و تركيبتها
النفسيّة الأجواء الصاخبة المتوتّرة التي تعمل بها و ينطبق عليها بالتالي الحال الذي تمثّلته
أعلاه، خاصّة اذا كانت النسبة الكبري في تلاميذها من فصيلة " اللتوخات " lol
طارق الفزاري
ود زينب
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: wedzayneb)
|
استاذي طارق ...
في البداية نبهتني الى شيى نسيت ذكره ...
ان الموضوع منقول ,,, ولا يعبر عن رأي الشخصي ...!!
ولكن ما أن قراته في بريدي الالكتروني حتى اسرعت بتظليله ولصقه في البوست مع بعض التعديلات و الحذف و الاضافة حتى يكون مناسبا لأهل المنبر ...
فلكم العتبى جميعا ً ...
انا شخصيا اتفق مع الكثير مما ذكر ...
و حول إضافتك..
Quote: قد يصدق قولك اذا كانت زوجك تعلّم أطفال مشاغبين. في هذه الحاله قد يعكّر صفوها و تركيبتها
النفسيّة الأجواء الصاخبة المتوتّرة التي تعمل بها و ينطبق عليها بالتالي الحال الذي تمثّلته
أعلاه، خاصّة اذا كانت النسبة الكبري في تلاميذها من فصيلة " اللتوخات " lol
|
عليك الله يا استاذي هم وينهم الطلبة الما مشاغبين ، واين هم فصائل "اللا لتوخات" ...
و شكرا على المرور الجميل و الانيق استاذي ....
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: القلب النابض)
|
Quote: خلي البوست دا سري ولا نوديهو ليك الخور |
لا كان كدي ما عندك عوجة تب ...!!
دي لكن ما استاذة ..!!
دي محاضرة .. استاذ مساعد .. استاذ مشارك ... مساعد تدريس بالعدم ... و ليست هي المقصودة بالتأكيد ...
لكن برضو الله يكضب الشينة ... كان جابت ليها فلسفة و نضارة قعر كباية ...
معناها اخير استاذة الابتدائي ...
استاذة جامعة = استاذة + خمسة ستة من التصنيفات المذكورة انفاً ,,,,
و نحب الجامعة ناس الجامعة و البقرو الجامعة و البيقرو في الجامعة ...!!!
و سري يا القلب ...!!
ولي قدام ...
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: Sobajo)
|
Quote: ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون لك سمحة..... حتكون عادية....... نصيحة لك..... النسوان البقولن ديل اوعك تعرس واحدة فيهن................. الفنانة..........والحنانة........والحردانة,,,,,المدرسة.......والمدبرسة........والمفلسة
,,,,,, النوامة.......والحوامة......واللوامة,,,,,البوبارة......والكوُبارة.....والخبّارة
,,,, الممحوقة.....والمطلوقة.....واللايوقة"
|
اهــا يا سوباجو و الخمجـــانــة وينا.. ما معاهن و لاجلا من لا يسهو
هيثم
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: Elkhawad)
|
الخواض يا وجيه ...
Quote: والباقي تمو براك ان ما قام بك لغم(انتحارية) |
كتر خيرك ... للتنبيه المبكر ...
انا متخارج ...!!
زي ما قلت قبل كدة ... انا نقت الكلام ده نقل و عدلت فيه ....
عشان الناس الحلوين بس ...
لكن بيني و بينك لازم الواحد يطبق الساتر ...!!
انا عارف في ناس انتحاريين في البورد ده ... و دايرين فرصة عشان يستشهدو على حسابنا ...
و بعد ما يفجرو ... يعلنو مسؤوليتهم عن الحادث ..:.!!!
و شكرا تاني ...
طبق ساتر معاي ...!!
و خليك قريب ...!!
بيلو
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: القلب النابض)
|
انتي برضو طلعتي منهم ...!!
Quote: تحالف قوى المرأة العاملةوالنائمة والحائمة ووووالخاملة برضو حيرفدك الى الخور ويشيعك على مثوى الشريرين
|
ولة مشيتي اتجسستي لينا عليهم ...!!
على كل حال انا مطبق الساتر ...!!
و اخوي كوليل الله يديه العافية ...
هو الاداني الفكرة و الموضوع و قالي علقو لي ناس البورد ده ...!!
و انا مسكين هنضرب لا ايد ولا كراع ...!!
و يبقى حالي زي حال الافغان ... انضربو و اتبشتنو و بن لادن قاعد ...!!
و الله يكضب الشينة ....!!
خليك معانا ... بنطلع ليك استاذة الجامعة من اللستة ... رايك شنو؟؟
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: Sobajo)
|
ســـــــــــــــــــــــــــــــــــــــــــــــــاتر
لقيت لي مرا مافي زيها نهائي ...
أنجلينا جولي أكثر امرأة "مطلوبة للتقبيل" في العالم!
وقع الاختيار على النجمة الأمريكية أنجلينا جولي لتكون هى أكثر امرأة يرغبون في تقبيلها بالعالم بسبب شفتيها المكتنزتين اللتين اشتهرت بهما في استفتاء أجري خلال يوم "التقبيل الدولي" بالمملكة المتحدة.
وذكرت جريدة "الصين اليومية" عبر موقعها الرسمي أن الاستفتاء الذي أجراه عدد من المقاهي يوم الخميس الماضي المعروف بـ"يوم التقبيل الدولي" في بريطانيا أظهر بطلة فيلم "السيد والسيدة سميث"Mr. & Mrs. Smith في المركز الأول ، تليها سكارليت جوهانسن بطلة فيلم "الجزيرة" The Island. كما جاءت في المركز الثالث كيرا نايتلي بطلة فيلم "قراصنة الكاريبي" وفي الرابع شيرل تويدي مطربة فريق "جيرلز ألاود" ، بينما اختارت النساء المذيع البريطاني جوناثان روس ليكون أكثر رجل يرغبون في تقبيله.
المصدر
أحيييييييييييييي انا ... أموت ركن ...
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: Sobajo)
|
أخي سوباجو إن لم يكن ردي هنا دفاعاً عن المرأة فخوفاً منها فلتحذر النسوة من الإقتران بالرجل البخيل والعوير وأب كرشاً زي الزير وأب أضان فيل والبسمع الأقاويل والبتمخط بدون منديل ولا تنسي أيضاً البراي والباراي والما عندو راي والحارس ستات الشاي
العاطل والبماطل والبي نظره يقوم فاصل
أب صلعه ضوايه والفي الكورة بدوهو رايه
الزناط وأب شنب نص رباط
الإضينه والبساهر في الكتشينه
البسك الصيوان وبنوم في الديوان ويتحشر في نص النسوان
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: almulaomar)
|
أحييك و الله يا almulaomar...
عشان ما يقولو في هجوم ... انا معاك في دي برضو ...
و الله يبعدنا منهم و من صفاتهم ...
Quote: البخيل والعوير وأب كرشاً زي الزير وأب أضان فيل والبسمع الأقاويل والبتمخط بدون منديل ولا تنسي أيضاً البراي والباراي والما عندو راي والحارس ستات الشاي
العاطل والبماطل والبي نظره يقوم فاصل
أب صلعه ضوايه والفي الكورة بدوهو رايه
الزناط وأب شنب نص رباط
الإضينه والبساهر في الكتشينه
البسك الصيوان وبنوم في الديوان ويتحشر في نص النسوان |
وشكرا على الصاروخ المضاد ده ...
ولي قدام ...!!
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: Sobajo)
|
Quote: البخيل والعوير وأب كرشاً زي الزير وأب أضان فيل والبسمع الأقاويل والبتمخط بدون منديل ولا تنسي أيضاً البراي والباراي والما عندو راي والحارس ستات الشاي
العاطل والبماطل والبي نظره يقوم فاصل
أب صلعه ضوايه والفي الكورة بدوهو رايه
الزناط وأب شنب نص رباط
الإضينه والبساهر في الكتشينه
و اياكن يا بنات من السكران و الحيران و الماعندو راي السطحي و فارغ و الكلو شي عندو مافارق البفكر في المال و ناسي النار و البسرق والبخاف و البسمع الكلام و البضرب النسوان الجنو بطنو و ناسي اخرتو و البركب عربات الناس ويقول انا ود مليان البغش البنات و بجري و راء السراب البصدق الشمار وبقلب الشمار البساهر في الجات و البنسي الصلوات و الماعندو ضحاكات البفتش لمرة غنية والبنسي انو هو صاحب المسئولية البقول المرة الا شغالة عشان يقبض الماهية و يرجع البيت يفتش لي حق الزيت اياكن يا بنات من ناس الاربعة حق و ميقات
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: nour tawir)
|
Quote: الموضوع بقى تصفية حسابات بين (النسوان) والرجال..
أها يالله استمروا..
متابعين..
نشوف البغلب منو؟! |
أكيد انتن فايزات يا بنات حوة ...
لثلاثة اسباب :
1- مافي زول بفوتكم في النضمي و الغلاط ... و تتلايقن في الموضوع لحدي ما تجيبن آخرو ....
2- السبب التاني ، انا براي هنا في البوست ده ، و جبت لي رقبتي الهوى ، و الرجال كلهم طبقو الساتر ، يعني بقيت مكشوف ، .... و بالتالي مافي اي عدالة ، كمية ضد زول واحد ...!!
3- ثالثاً: و اهم حاجة .... نور تاور في الجهة التانية ، معناها مغلوبين مغلوبين .... وكان بقيتي براك بتغلبينا ...!!!
ولك المودة ، و الشكر الجزيل على المرور ....!!!
احترامي ...!!!
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: عوض الله الفولانى)
|
شنو يا قريبي ...
Quote: ولله عفيت منك ,,, تب !!!
|
انا فرحت قلت لقيت زول معاي يتلقى الكمش و المفاريك ...!!
تجي تاني تحبطني و تقولـ
Quote: غايتو بيطريقتك انا كبيت الزوقة
آآآآكل نارك براك !!!
|
عشان كدة ما هضيف ليك (الحنكوشة) ...
و انشاء الحنكوشة التلم فيك و تجننك .. و تكمل قريشاتك ... و تبقى ليك في تولاتك ...!!
وكان بقيت هسع العندك ما حنكوشة ... تتحنكش مخصوص ...
و تتعلم البوبار و تكمل قريشاتك ...
و تتطلعك من الشطار ...
البزوغو من قفة الخضار ...
و راسك يسخن يولع نار ...
و تفارق ريحة الكركار ....
و تعاف ركوب الحمار ...
كفاك ولة ازيدك ...!!
و شكرا على الدعم المعنوي المحبط ....
| |
|
|
|
|
|
|
1. الحنانة (Re: Sobajo)
|
السلام عليكم 1. الحنانة : جلسة حنة لعروس مروقة 200 دولار و اقل جلسة حنة لعروس تعبانة خالص 100 دولار سوباجو رصيدك ح يذيد بصورة خرافية لو عرست حنانة و ما عليك سوي ان تكون صبورا علي اعمال البيت و استقبال الضيوف في حالة غيابها و في الغالب بحننو في البيت
2. الفنانة : دا رصيدك ح يطير طيران و بس ضرب حفلة ناس الخليج الاخيرة
3. الحردانة : يعتمد علي سبب الحردة و اكيد المشكلة قروش
4. المدرسة حظك لو عرست مدرسة لانك ح تكون مروق من في التربية و العيال شطار و البيت اخر نظام
5. المدبرسة :: تكون دبرست عشان لقتك مفلس ؟؟؟؟ ابحث عن سبب الدبرسة حلو و عرسها و لان توقد شمعة في الظلام خير....................
6. المفلسة : اي واحدة ممكن تكون مفلسة و بعدين هي لو ما مفلسة ح تفلس بعد العرس طيب المفلسة خليها عرس الفنانة المروقة جدا بس بسلبيات اخري اجمل من الفلس
7. النوامة.......والحوامة......واللوامة,,,,,البوبارة......والكوُبارة.....والخبّارة ,,,, الممحوقة.....والمطلوقة.....واللايوقة دي صور من حالات الاحباط التي تظهر اعراضها علي السودانية حين تقترن بالسوداني و الاسباب معروفة ضغوط مادية و ضغوط اجتماعية و عنف داخل المنزل و استبداد في التعامل و عدم مشاكة فتتلجا الي انوم و الحوامة و كل السلبيات اعلاه
الزواج في السودان ضحيته واحدة فقط امراة مغلوبة علي امرها تتزوج من اجل الزواج لارضاء مجتمع متخلف و رجل معقد ننفسيا و مكبل بتربية مغلوطة
تسلم
| |
|
|
|
|
|
|
Re: 1. الحنانة (Re: Nasr)
|
شكرا يا سودانية على التحليل الدقيق ...
و يا نصر على المرور ....
ياجماعة في زولة ناسنها ....
الدكتورة:
ولة دي شعارها هو (البورة)، عشان داب تخلص من الامتياز ، و الخدمة و سنين الشدة ....
بكون عبر عليها الزمن ... و بالتالي خارج النص ..!!
زوغة سريعة ...!!
| |
|
|
|
|
|
|
Re: 1. الحنانة (Re: Sobajo)
|
سوباجو...
( 3- ثالثاً: و اهم حاجة .... نور تاور في الجهة التانية ، معناها مغلوبين مغلوبين .... وكان بقيتي براك بتغلبينا) ...!!!
....
تعليق:
أبدا والله..
أنا مع المغلوب/ة..
عشان نشوف حقه/ها وين..
بس منتظرة النتيجة..
بعدين الرجال مشوا وين؟
أمشى فتشهم أحسن..
لانه كان قعدت براك كدى؟
يمين بالله ينتفوك حتت..
ناسى وأنا عارفاهم..
| |
|
|
|
|
|
|
Re: 1. الحنانة (Re: كوليل)
|
كوليل:
ولابدين فوق راي
والري :
الرنداقة(البتعرف الردوق) تلم فيك قطيعه مع اهله ... وانت تتكشم ساااي ما جيب خبر
شتات بي اول لفه
| |
|
|
|
|
|
|
Re: 1. الحنانة (Re: Elkhawad)
|
ونخلى الراجل دا براه يعنى
عشرة عمر ياخى اكتر من 10 سنين متبارين
تبقى لاكن كدا
بينى وبينك شليق ياخى الزول دا ...
| |
|
|
|
|
|
|
Re: 1. الحنانة (Re: ali elhassan)
|
علي الحسن تسلم و الامور تمام التمام بس شد الو اوريك الحاصل اصلي مفلسة سوباجو التحليل لا دقيق و لا حاجة و ما عندي وقت للدقة بس الفكرة اكيد وصلت تسلم يا ذوق نصر : يمين كيف يعني ما فهمت؟
بمناسبة الدكتورة (طبيبة) دي عندي ليك حكوة عسل بس بجيك صادة اها و الدكتورة PhD دي طبعا قطرها صفر و فاتت المحطات لووووووووووول
يا زول انت تعبان مالك و اصلك بره شوف سويدية رقيقة و مروقة و انسي ناس الثوب
خارج النص ::
سوباجو : دمك خفيف
| |
|
|
|
|
|
|
Re: 1. الحنانة (Re: sudania2000)
|
Quote: يا زول انت تعبان مالك و اصلك بره شوف سويدية رقيقة و مروقة و انسي ناس الثوب |
برتكب ليك فيه جريمة ...
لا لوب بلدنا ولا تمر الناس
| |
|
|
|
|
|
|
Re: 1. الحنانة (Re: ali elhassan)
|
Quote: انت شكلك يا اخوى ماناوى قريب دة كلام زول قنعان.
|
و الله يابو علوة ما قنعان ...
الا بس شغلت الكديسة لمن غلبها اللبن ...!!!
قالت شنوووووووووووووو...؟؟؟؟؟
ارح نكب الزوغة ... الناصية الجاية نطبق ساتر ... !!!
| |
|
|
|
|
|
|
Re: 1. الحنانة (Re: القلب النابض)
|
Quote: كوليل
انت رايك شنو
خلي لزول دا
واعمل ليهو ساتر |
يا قلب ... شنو ...
احنا الرجالة ديل براهم متخازلين ... دايرة تعملي لينا شق في الصفوف ولة شنو ...!!!
اخير لييييييييييييك .... بكلم .....!!!
| |
|
|
|
|
|
|
Re: 1. الحنانة (Re: nour tawir)
|
نور يا راقية ..
انا عارفك ما ترضي الظلم ...!!
و صحبة الرجال دي بيني و بينك بقت اي كلام ...!!
عشان افتهم ليك ...
كلهم لابدين في الماسنجر ...!!
يعني مطبقين ساتر شرعي ...!!
شغالين يحرضو فيني من خلف الكواليس ...!!
مع انو في ناس راقين تاني (حلوين كدة) بيروقو النفوس ... و بيرفعو من روحنا المعنوية ...!!
و عشان ناسك و انتي عارفاهم .....
هاك يا زوغة ... الزقاق الجاي ...!! فوووووووو
| |
|
|
|
|
|
|
Re: 1. الحنانة (Re: Sobajo)
|
Quote: اشتقتي للبلد زي ناس كدة ..؟؟؟؟ |
الناس الكدة قربوا يمشوا باقي ليهم ايام بس
صحبتهم السلامة
لهم السلامة ولي دبرسة
| |
|
|
|
|
|
|
سطحية طبيبة (Re: Sobajo)
|
يا ولدي اقعد في ا########## دي و قول كلامك براحة لا تزوغ و لا حاجة و السودان دا بلد السماح الدائم للكل مقدمة للحكوة: جنس كلامك دا من ارض الواقع و بالاضافة لبنات حواء بلادي طاير ليهم العرس و فقدوا الهوية و الرغبة في بناء الشخصية و بقت الحنة نهاية مطاف المتعلمة و الجاهلة في الغالب و لا عزاء للناس النظريات و البيرات
الحكوة:: طبيبة زي العسل الصافي قابلتها في مناسبة اخر حنكشة و خلاوة و بتونس معاها (داخلة شمال و مافي سابق معرفة) وفهمت انها علي عجل اها يا عسل جارية و ين؟؟ ماشة يااخي(( للمعفنين))
بسم الله من غضب الله و المعفنين ديل منو يا حلوتي ؟؟ ما العيانين في المستشفي الانا شغالة فيهو (بحنكشة شديدة)
لا حول و لا قوة الا بالله
طيب لو هم معفنين انتي ماشة ليهم ليه
اصلي مفروض اخلص الشدة و الشفتات عشان اعرس و الله العريس زاتو انا خايفاهو يطير بتاخيري دا
صحي يا بتي القلم ما بزيل بلم
و طيب لو عرست يعني ح تخلي الطب
لا ابدا اصلو العريس في ايرلندا
اها
و جرت البت و مفتاح العربية يكركب مع غوايشها و هتشها
و يا حليل ناس فطومة المعفنين الراجيين جنس دي تعالجهم
رايك شنو يا سوباجو؟؟
| |
|
|
|
|
|
|
Re: سطحية طبيبة (Re: sudania2000)
|
Quote: رايك شنو يا سوباجو؟؟ |
و الله يا سودانية ..
ان بقت دي البتعالج ناس فاطنة و فتحية ..!!
سلام و الف سلام على الكوادر الطبية ...!!
والناس الما راجيالها ماهية ..!!
في شغلة حاسبنها بالعددية ...!!
و تركب تلحق شغلتها بالعربية ...!!
شفت اول و تاني لحدي ما يلحق مية ..!!
تفلفل في مصارين الناس المليانة طعمية ...!!
عشان تلقالها عرسة هنية ..!!
من زولا في الدول الغربية ..!!
شاحد ربي يطير طيران الخطوط العربية ...!!
و يركلو في وحدة هنية و رضية ...!!
بعيد من الحنكشة الخطرية ...!!
و صاحبتك دي ... تشوف الدنيا دي مية مية ..!!
و تسلمي يا اصلية ...!!
| |
|
|
|
|
|
|
Re: سطحية طبيبة (Re: sudania2000)
|
ربنا يهديها ياخى ...
ويعدل حالها... وناس فطومة ربنا مابضيعهم ... فى ناس ربنا خلقهم لى خدمة ناس فطومة
ويهنيها بى زواجها وتسافر ايرلندا ...
وأحسن لى ناس فطومة ربنا يكون عاوز يعوضهم باحسن منها .......
| |
|
|
|
|
|
|
Re: الفنانةوالحنانةوالحردانةوالمدرسةوالمدبرسةوالمفلسةوالنوامةوالحوامة... الخ (احذرهم) (Re: sudania2000)
|
ياسودانية البوست
اتذكرتى من وين........
أنا شخصيا أقول انك
واحدة من المذكورات أعلاه........
وأنا أعتقد أنك الحنانة.........
لأنك حنيت لهذا البوست.........
وبمناسبة حنانة دى لك نكتة
واحدة جات تسأل عن حنانة فى الحلة....
واحد من أخواننا الظريفين جدا ........
قال ليها تعالى ودخلها بيتهم
وعنده حبوبة عجوز مطروحة الفراش....
وكلم امه تعمل عصير.....
سألته مرة أخرى وين الحنانة
قال ليهاعليك الله حبوبتى دى مابتحنن...........
وهذه حقيقة واقع.......
الأستاذ بكرى أبوبكر مدركها.....
ياحنانة مع السلامة..........
لكم منى دوما كل الود...........
| |
|
|
|
|
|
|
|