|
Re: يا شباب طلب نص أغنية "يا عزة الفراق بي طال" (Re: أبوبكر عبد القادر العاقب)
|
العزيز أبوبكر
تحياتى والود
الأغنية طبعا للشاعر الفذ إبراهيم العبادى
والنص ده خاصة بيتميز بى شى متفرد فى كل الأغنيات السودانية تقريبا، القديمة والحديثة
وهو، الإلتزام التام جدا ب "لزوم ما لا يلزم"
وبعد ما الشباب يجيبو ليك النص، وهم حتما فاعلون، لأنهم ناس حلوين جدا
بعد ما تشوف النص بالله تأمل فى نهاية كل شطرة فى كل مربع، حتلقى تقريبا كل كلمة من كلمات القافية فى كل مربع تكاد تكون متشابهة لفظا وكتابة مع إختلاف المعنى
وده شى طبعا ما بقدر عليهو إلا المتمكنين جدا جدا من الشعراء ومنهم العبادى وأبو صلاح برضو زول خطير جدا فى الحاجات الزى دى
وأكيد حتستمتع جدا بالنص والأغنية لأنها واحدة من عيون أغنيات الحقيبة
ولو عايز تشوف إعجاز النظم برضو، أنا بقترح عليك تسمع كمان "يا سليم الذوق" وشوف روعة المعانى والمفردات الفيها
وأجدد ليك التحية والمودة
| |
|
|
|
|
|
|
Re: يا شباب طلب نص أغنية "يا عزة الفراق بي طال" (Re: أبوبكر عبد القادر العاقب)
|
الأستاذ فرح بوركت أبوي والله يديك العافية،
الأستاذ أبو ذر ، ممتن كثيرا لهذا التدفق الرائع، لا عدمتك وماتنقطع من المحراب.
عزيزي أبي، هذا هو الحال قٌلّب دوما، لكنني فقط أشتهي جلسة في عنقريب في ضل ضحى أو تحت سدرة تمطرك بصفقها وتصفيقها، فهل من سبيل؟
أختنا إشراقة بنت حيمورة ، إزيك يا زولة وين إنتي ،
Quote: طريت برق الفويطر الشال وساح دمعي البكب وشال كمل صبري ومنامي انشال لبس من ناري عمه وشال |
وجلابية كمان وحاتك،
سأعود حتما.
| |
|
|
|
|
|
|
|