|
Re: السودان الجديد (Re: منصوري)
|
بعدين الحاجات بقت راقدة في متناول اليد الزوج بقا يحقق لى زوجتو مطالبا في رمشة عين كان توافق فكري كان دهب كان عربية سيارة جديدة عشان تمشي على الظلط الساهل الماهل دا من نمولي ولغاية حلفا كان معدات كهربائية التوافق بين الأزواج حصل كان من هذه الأشياء البي تمثل عرض الدنيا كان غيرو عشان كدة المحبة الزوجية تمددت تفتقت تعمقت صار كل زوج لايحب غير زوجتو حتى لو جابوا ليهو نساء الأرض بقت بت حور في نظرو متعددة المواهب والمحاسن والجمال .... والراجل نفس الطريقة بقت مافي مرة ماليه عينو زي مرتو عشان كدة بقا زول بي يعاين ليهو لى زول مافي بقا كل زول آمن على عرضو بالبديهة المعاشة والواقع الملموس وتعمقت أنواع جديدة من المحبة محبة الأمومة زادت محبة الأبوة تعمقت محبة الصداقة جذورها ضربت في باطن الأرض تفتقت الإبداعات من داخل النفس البشرية ونشرت دررها ونثرت عبيرها فطار غسيلها الوسخ الذي على حواشيها بدون رجعة
| |
|
|
|
|
|
|
Re: السودان الجديد (Re: منصوري)
|
أعلم أخي منصوي أن أعظم مشروع طرح حتي الآن هو السودان الجديد ...... فهل هو كما طرح .. أشك في ذلك ؟
محبتي وإحترامي
| |
|
|
|
|
|
|
Re: السودان الجديد (Re: منصوري)
|
إدريس.. تسلم وتشكر على المرور
Quote: أعلم أخي منصوي أن أعظم مشروع طرح حتي الآن هو السودان الجديد ...... فهل هو كما طرح .. أشك في ذلك ؟
محبتي وإحترامي |
إنت قلت أعظم مشروع طرح حتى الآن هو السودان الجديد.. كما كان معلن عنه من الحركة الشعبية بقيادة الراحل قرنق.. وبعض فصائل التجمع سابقاً..إفتكر فهل أنت تفتكر هذا برنامجهم؟ طبعاً لا..وهل هم على فكر واحد؟ ............
| |
|
|
|
|
|
|
Re: السودان الجديد (Re: منصوري)
|
Quote: منصوري
والسخرية اللازعـة.
يا هو دا السودان الجديد المفروض يكون.
تحياتي وواصل. |
كاتبنا الكبير الأخ إسماعيل التاج... زي ما قلت إنت ياهو دا السودان المفروض يكون؟ تفتكر ما ممكن يكون سودان زي دا؟ أنا واثق من أنو حايكون واكثر من طرحي البسيط هذا..
| |
|
|
|
|
|
|
Re: السودان الجديد (Re: منصوري)
|
واحد راجل كبير عالم.. قال النيل والفرات مذكورات في الإنجيل بصورة ضمنية.. وواحد تاني قال النيل والفرات مذكورات عندنا في الإسلام.. أها نحن راح نصدر موية النيل دي في قناني الكريستال.. ونسميها( النيل) ونسميها( نبع توتيل) ونسميهابأسماء مختلفة.. حا تكون قنينة الماء أغلى من البترول لما نصدرها..نكسب دهب..ناهيك عن تصديرنا للصمغ والماشية والثروة الحيوانية بجميع صنوفها والخضروات الطازجة من مزارعنا دي برضو بنصدرها.. غير ( مشروعنا الحضاري) ( مشروع السلام الحضاري) اللي ما راح نصدروا..شعوب الدنيا راح تجيهو تتخاتفوا ختف.. ..... ناس برئت صدورهم من الغل والحسد إفتكر مشروع زي دا مافي زول بيرفضوا ومافي حزب بياباهو حتى حزب الله ما بياباهو وحتى البياباهو ما يقدر يصرح ممكن يرفضوا تحت تحت..حسد.لكن أمام الراي العام ما يقدر يصرح.لأنو اصلو مافي حاجة يرفضوا بيها والراى العام كلو ضدو؟ وهو ذاتو الرافض دا .شوية شوية شوية من حيث لايدري المشروع بي يتغلغل فيهو بي جوة وهو ما شاعر لغاية ما يبقى فرد صالح سوى.. ...
| |
|
|
|
|
|
|
Re: السودان الجديد (Re: منصوري)
|
بعدين خضرواتنا الطالعة من مزارعنا دي بقت تكفينا ونصها يزيد.. بقينا نصدرها برة للناس والناس عرفوها وعرفوا مصادرا جاية من وين وسعرها بقا ضعف الفواكهه والخضروات الأخري ليه لأنو تربتها غنية بكل معادن الأرض..ماعايزة ذرة سماد واحدة.زعشان كدة يطلع حجمها طبيعي موش مهجن بالكيميائيات.. الكثيرة والأسمدة الضارة.. وطعمها طبيعي طعم عنصرها الذي خلقو ربنا.. الرتقال برتقال.. البطاطس بطاطس.المنقة منقة.. زي ماهي.. لأنو الموية المروية بيها موية طبيعية..معلوم ثلث الفاكهة موية.. عشان كدة الخضروات المويتا محلية والخضروات المويتا مخزنة في أنابيب فاسدة والخضروات المويتا مالحة.. كلها دي تغير في الطعم وتصيب بالسرطان.. عشان كدة خضرواتنا وفواكهنا بقت مرغوبة محبوبة مطلوبة.. بقت كمان يوصفوها علاج.. لأنو مويتها عذبة من النيل طوالي ومخلوطة بطمي نيلي فيهو جميع عناصر الأملاح المطلوبة دا بالإضافة للتربة السمحة.. لو خمشتا قبضة من التربة وشميتا ليها ريحة زي ريحة الزعفران موش زي تربة أمريكا البي يزرعوا فيها من جدي العاشر قولبوها وحفروها وسمدوها وزادوا ليها مواد عضوية ومواد كيماوية ومواد ومواد..لغاية ما التربة الأساسية ذاتا راحت بقت مافي تربة خالص.. دي تجيب فواكه زي البلاستيك.. معدن التربة الأساسي ذاتو إتفقد..
| |
|
|
|
|
|
|
Re: السودان الجديد (Re: منصوري)
|
اللغو السياسي يقول ليك لافرق بين المواطنين بسسب الجنس أو اللون أو العرق أو الدين أو الجهة ................. ويضمنوها في الدستور ويكتبوها كل الناس الحكمت من الإستقلال ترغي في اللغو دا وفي مجلس الشعب تقولا وفي البرلمان قالتا وفي مجلس الأمة قالتا ............. تجي عند التطبيق العملي تجد الكلام دا في وادي وتصرفات الناس في وادي تاني ........... والله جنس تفرقة بسبب الحاجات الفوق الذكرتها دي كلها؟ عينو تفرقك قبل ما يفرقك قانونو مجرد ما تكون عندك قضية، تلقى عينو دي ساكت لما تنظر ليك تستهجنك وتزدريك وتستصغرك ويضفرك نظر وكلام من ناحية لون أو دين أوجهة ..... عشان كدة برنامج السودان الجديد يعني هذه الأشياء بحذافيرها العامل المشترك هو العقل والقلب وديل عند الأحمر في وعند الأسود في وعند الأسمر في ....... مجرد كلمة عقيدتي كان تستفزك ما بقولا قدامك.. حتى ولو كنت أنا الأغلبية عشان كدة سميناهو ( حزب السلام)(وادخلوا في السلم كافة)(السلام هو اسم من أسماء الله الحسني).. حتى زي الكلام دا لو يستفزك ما بقولوا.. ولا أبدأ به خطاباتي السياسية.. بدخل في الموضوع طوالي المطروح... من غير حوقلة من غير بسملة.. من غير حسبلة.. من غير ترجيع.. إلا برضاك ورضا الجميع ....... ممكن يكون أعضاء دين معين أغلبية.. لكن لايحق لهم أن يهضموا حقوق الأقلية بأي شكل كان لا بالكلام لا بالتلميح .. كان فيها فائدة الأغلبية تفرض نفسها بإنو تعاليم دينا المعين تطبق تطبيق فعلى عملى في خير الناس ومصالح الناس ورضا الرب.. تغري الآخرين بالدخول فيها عن طواعية.. فعندما يدخل الجميع في تعاليم ديانة واحدة مثلاً.. هنا ينطبق الدين والدولة تماماً في سماط حكم..متجانس ونحن أدخلنا الأقلية في ديانتنا بالأدب بالورع بالإخلاص بمخافة الرب قبل مخافة العبد برعاية مصالح العباد رعاية دقيقة مضبوطة بقوانين العمل العام ضبطاً محكماً ودقيقاً
| |
|
|
|
|
|
|
Re: السودان الجديد (Re: منصوري)
|
Quote: وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا حَتَّى إِذَا جَاؤُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلامٌ عَلَيْكُمْ طِبْتُمْ فَادْخُلُوهَا خَالِدِينَ
وَقَالُوا الْحَمْدُ لِلَّهِ الَّذِي صَدَقَنَا وَعْدَهُ وَأَوْرَثْنَا الأَرْضَ نَتَبَوَّأُ مِنَ الْجَنَّةِ حَيْثُ نَشَاء فَنِعْمَ أَجْرُ الْعَامِلِينَ
وَتَرَى الْمَلائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ وَقُضِيَ بَيْنَهُم بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ صدق الله العظيم
|
| |
|
|
|
|
|
|
Re: السودان الجديد (Re: منصوري)
|
وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا حَتَّى إِذَا جَاؤُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلامٌ عَلَيْكُمْ طِبْتُمْ فَادْخُلُوهَا خَالِدِينَ
وَقَالُوا الْحَمْدُ لِلَّهِ الَّذِي صَدَقَنَا وَعْدَهُ وَأَوْرَثْنَا الأَرْضَ نَتَبَوَّأُ مِنَ الْجَنَّةِ حَيْثُ نَشَاء فَنِعْمَ أَجْرُ الْعَامِلِينَ
وَتَرَى الْمَلائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ وَقُضِيَ بَيْنَهُم بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ صدق الله العظيم
| |
|
|
|
|
|
|
|