|
|
 التهانى والتبريكات زواج عمر دفع الله وتينا بشرى
|
فى الجمعه الماضيه بادرمان بحى الشهداء بامدرمان تم زفاف الشاب المهذب الرقيق عمر دفع الله (الفتيحاب) عشان نميزو على ست البنات تينا بشرى على طبول نحاس الفتيحاب وابتهاج الاصدقاء والاهل
الف مبروك عمر وتينا وحياه سعيده
|
|
 
|
|
|
|
|
|
|
|
Re: التهانى والتبريكات زواج عمر دفع الله وتينا بشرى (Re: فرح)
|
التهنئة موصولة للصديق عمر دفع الله وتينا ، لكييين ما عرس عالمى ، اول شى الخلق دى ما تخلى ليك بكان من الخيمة من اول الشارع لغاية نهايتو خلق ودنيا عالمين ، لكن اجمل حاجة انه النحاس لمن ضرب يا سلام قلبك دا يقيف واحسن حاجة انه ما كان فى اى موسيقى من بتاعات المصريين البقو يزفو بيهن الوليدات والبنيات ، والله حاجة تكييفك لمن تقول الشى شنو ؟ لكين سؤال ليه البنات خلن السيرة اللذيذة ديك (ام العروس جينا ليك وجبنا العريس باركناهو ليك )؟مجرد سؤال ،عمر حبيبى وتينا حبيبتى الف مبروك وبيت مال وعيال
| |
|
|
|
|
|
|
|
|
|
Re: التهانى والتبريكات زواج عمر دفع الله وتينا بشرى (Re: فرح)
|
فرح ... يا جميل الروح يا صاحب كيفك... دائماً روحك تطل بالشكل الجميل
اصلاً يا فرح للاروح سلطان علي الاخرين ولك روح تبسط مدها بكل طيبة وبساطة
سلاماً لك وسلاماً عليك.
تينا بشري
عمر دفع الله
عمر دفع الله
وتينا بشري
المعرفة- الصداقة - طيب العشرة- الاخوة والحب هم هذين الشخصين
زواجهم كان حفل عظيم وبهيج اجتمع فيه كل الاصدقاء والاصحاب
الاطفال في حنة العريس كان احتفائهم هو الاكبر عمر دفع الله لديه
خصوصية مع الاطفال في يوم حنته رايت اكثر من طفلة وطفل يمسكون بيده
في نص الصيوان لدرجة انه لم يستطيع مصافحة الناس وتقبل التهنئية
منهم غالبية الاطفال يريدون ان يحكوا له ماحدث في يومهم هذا او
يومهم السابق وهو ببساطة يتفاعل معهم كجزء من حديثهم هذا ، كنت اتعجب
من اين لعمر كل هذا الوقت حتي يتعرف علي جميع هولاء الناس !!!
تينا تينا بشري دي حكاية تانيه خالص ... حين اقترب موعد الزواج
كنت اظن أنها وكعادة سودانية ستمكث في البيت ، لكن ليست تينا من تفعل
هذا اصرت ان تمضي لعملها (التدريس) ولم تتأخر منه ابداً وافرحتني جداً
وحين اقترب العرس جداً اجبرها الجميع أن تمكث في المنزل فرضخت لهم علي
مضض (زي ما بقولو) وكان مدة استقرارها في البيت (7) ايام فقط قبل الزواج
وهذه الايام نفسها كان طلابها بشكل شبه يومي يزورونها ويتصلون عليها تلفونياً
كان زواج اسطوري سوداني جداً جداً وتراثي في كل مراحله كيف لا يكون هكذا وعمر
دفع الله من آل الفتيحاب المشهورين بنحاسهم منذ القدم كتراث للقبيلة في افراحها
واتراحها في يوم حنة العريس ضرب النحاس معلناً الافراح ، جذب النحاس انظارنا
واقشعر له بدننا كيف لا ونحن من تعرفنا علي هذا التراث من الناحية النظرية
فقط! في ذاك اليوم رايناه عياناً بياناً وسمعناه صدقي الدكتور / صفاء الصالح
اعجب بهذا الامر جداً ووقف جميع الاصدقاء ينظرون للامر باعجاب ويتمايلون مع ضربات
النحاس وايراهيم الجريفاوي اصر أن يضرب النحاس معهم ، في حنة العريس وفي ضرب النحاس
عرفنا لماذا آن النحاس الي الان متواجد لدي آل الفتيحاب فهم يورثونهُ لبعضهم البعض في ذاك النهار راينا كبار القوم يضربون النحاس كتفاً لكتف مع الشباب من الجيل الاحق لهم وراينا الشباب يضربون النحاس مع الاطفال ، وحقاً كان الميراث عظيم .
في يوم الزواج اجتمع التراث مع مظاهر الحضارة فأتي النحاس مع اهل العريس يرزم ويضرب بقوة وفرح وكان صيوان الحفل بهيج مضي وبه الانارة باشكالها الجميله ، واتي حشد من الفرحين حشد لا يوصف والجميع سعيد بهذا الزواج .
حقاً الف مبروك لنا بمثل زواجهم هذا والف مبروك لهم بعضهم والف مبروك وبيت مال وعيال.
العزيز فرح ...
رجاءً راجع ماسنجرك الداخلي.
ولكم ودي .
| |
|
|
|
|
|
|
|
|
|
Re: التهانى والتبريكات زواج عمر دفع الله وتينا بشرى (Re: عشة بت فاطنة)
|
البنية تينا دى بتنا ..لزم
واجمل ما فيها انها رابطانا بالجزولاب..
ناس اميرة الجزولى زوجة محجوب شريف..وباقى العقد الفريد ..جزلوت "عبدالمنعم" وكمال الجزولى ومجدى الجزولى وحسن الجزولى ..ومنى الجزولى زوجة مصطفى مدثر..ومها الجزولى المجينينة ...
محبتى لهذا الزواج الميمون ..للعريس والعروس ..تبريكات ..وفال.
| |
|
|
|
|
|
|
| |
فرح
غادة عبدالعزيز خالد
فيصل محمد خليل
سلمى الشيخ سلامة
انعام عبد الحفيظ
محمد سنى دفع الله
ibrahim barssi
Mayada
سفيان بشير نابرى
عشة بت فاطنة
الفاتح وديدي
bakri abdalla
Tumadir
فتحي البحيري
hanadi yousif
Muna Khugali
معتصم دفع الله
فيس بوك
تويتر
انستقرام
يوتيوب
بنتيريست