نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 بت ابليس ... دخلت الميس ... يوم خميس
|
بت الذين احبهم جمّا
نامي بين هاتين السرابتين
في راس بيت ابليس ... مليس بالبارود ومشخبت بنفس خامة الورق.. في الحيطه آثار خدوش. وجوه البيت مِرِق ويحيد.. ممسوك من رقبة .. ومعطون من نفس اللياس .. بتمرق باختيار الخارش .. في لحظة الفارش همو كيمان كيمان .. وبضحك علي البت كلب ...وعٌلوِك من ا########## بيت ابليس ... تهدية لعب وخاطر ... لحين ميلاد قبلة جديدة تتبعها غمضة بكبح جماح هوا الكمبرسور الرئوي البجيب ليك الهواء .. لم تركب الهوا .. أو يصادفك هوي . لحيظات تقريش لحين اكتمال النصاب.
وضعتها في راس بيت ابليس ، بيت بدون سبلوقه ولا شباك تتاوق بيهو للنجيله القايمه ساكت، أومأت بِصرة وش وطقطقة لبانه، تدعوني لممارسة الغريزة بشتي أنواع الغنج، لِبست فستان زفافها كالمعتاد ،مبلولة الأطراف ومنشفه ريقي .. مرت علي أنفي رغم انفي وأنا لا أنفي وجودها ... فقط ذهبُ بدون اعلان مسبق... زيارة سريعة للخريف... للسحابات الجن لابسات اغراء ... ومارقات علي مهل ... للنسيمات البتتبني الدعاش شُفّع مع الترتار ... جو ماسكين سلكه وسكه ملوية ... ونفس قايم ... وباقي مخاته في اليد اليسار
من وين جايين؟
من ضغط مرتفع
ماشيين وين؟
لي حته واطيه، تدردق الترتار، وتكلكل الفرناغة
وانا في السراب مخدوع وضاع مني الزمن.
فجأة حسيت انها سقطت ... سقطت من راس بيت ابليس بإيعاز من بت ابليس الراقدة تحت ... راقده علي الضهر المحدب وريحة فضيحة. شاربه كاس الرغبه من ذاك المغيرب ... يا نار هشيم الروح كفاك ... خلي القديديم باب غروب ورغبتك جنحات سمبريه وطيرة بقر .. اديني وداع وبديك وداع ... يا مأكمتين متخاصمات ... كيف يفعل الغنج فعلته تلك وتتساحقان .. رأيت كل شيٍ بنصف عين !!!! رأيت ما ينعكس من الشبكية ... صورة مقلوبة .. وسجارة مقلوبه ... وبت ابليس تئن.
جهجهتني وجهجهة حاجة زي صاري الكباريت في سفينة. زي قريميطا ممسح بلايوق ويكه في موية دميرة... وفكرة اني ادخلك من باب المندب واردة ... باب أولي في الوقت داك كان بدون دستور ورزه
استفرغت شوف العيون الخيط .. مطيت جفون .. زعطت رمشين من نعاس ..
كيفن ألوك صبرك سخف
بي ياتو عين بتجيني خجلانه وشايله في يديك اسف
احتقرتك .... بما أسع .. يا تافهة يا حاجات غلط .. يا جزء من وازع اتهتر .. يا الكنت أم بريمبة نمل بين سرابتين وفردة سفنجة مقلوبة .. الفردة اليمين .. يا ضد قوانين اديها صنه وصهينه
ودشرت سطلتي في قفا العفاريت الجات تفجخ أم بريمبة ذلك النمل الذي لا يحتمل .. وصل مدججا علي مشارف الركبة ..
كواريكا ما كواريك .. سكلبة رغبة .. الغريزة بت كلب
والسرحان وسط السراب فعل تيراب جازم يقوم لي فوق
ياااااالله قومه
كب مع شوية تنفض وحسرة وطنطنه
خليتك يا دخانه ... يا وسخانه ... يا بت خانه ... يا خاينانا
يا بعتينا ببت ابليس
كنت ضعيفاً وشليقاً بمنتهي العبارة
خليتك للمحرات الجاي
وترتر اشتر
---------------------------------- نسخه لمن يهمه الأمر
بيت ابليس يحتوي علي مرق واحد حالق نمره اتنين بارود وفي اثناء الخرشه الاولي اتقشرت فروة الراس
ميني مِرِق نخاس سنون
|
|
 
|
|
|
|
|
| العنوان |
الكاتب |
Date |
| بت ابليس ... دخلت الميس ... يوم خميس | محمد أبوعاقلة الطريفي | 07-20-06, 02:49 AM |
| Re: بت ابليس ... دخلت الميس ... يوم خميس | ALGARADABI | 07-20-06, 03:05 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-20-06, 04:41 AM |
| Re: بت ابليس ... دخلت الميس ... يوم خميس | ALGARADABI | 07-20-06, 06:24 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-20-06, 10:27 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-22-06, 04:03 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-22-06, 12:47 PM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-26-06, 12:52 PM |
| Re: بت ابليس ... دخلت الميس ... يوم خميس | حبيب نورة | 07-27-06, 06:29 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-27-06, 06:46 AM |
| Re: بت ابليس ... دخلت الميس ... يوم خميس | حبيب نورة | 07-27-06, 07:12 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-27-06, 07:24 AM |
| Re: بت ابليس ... دخلت الميس ... يوم خميس | nadus2000 | 07-27-06, 07:33 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-27-06, 07:46 AM |
| Re: بت ابليس ... دخلت الميس ... يوم خميس | nadus2000 | 07-27-06, 07:58 AM |
| Re: بت ابليس ... دخلت الميس ... يوم خميس | حيدر حسن ميرغني | 07-27-06, 08:06 AM |
| Re: بت ابليس ... دخلت الميس ... يوم خميس | محمد أبوعاقلة الطريفي | 07-29-06, 05:47 AM |
|
| |
محمد أبوعاقلة الطريفي
فيس بوك
تويتر
انستقرام
يوتيوب
بنتيريست